കല്യാണം കഴിച്ചത് 2 വയസ്സ് മൂത്ത ആളെ, ഇപ്പോൾ പ്രണയിക്കുന്ന ആളുടെ വയസ്സോ? ധനുഷും മൃണാളും തമ്മിലുള്ള പ്രായ വ്യത്യാസം?

Authored by: അശ്വിനി പി|Samayam Malayalam•7 Aug 2025, 1:37 pm

കഴിഞ്ഞ കുറച്ചു ദിവസങ്ങളായി ധനുഷും നടി മൃണാൾ താക്കൂറും തമ്മിലുള്ള പ്രണയ ഗോസിപ്പുകളാണ് സോഷ്യൽ മീഡിയയിൽ ചർച്ചയാുന്നത്. ഇരുവരുടെയും ബന്ധം ഏതാണ്ട് ഉറപ്പിച്ച മട്ടിലാണ് സംസാരങ്ങൾ. ഇപ്പോൾ സ്വകാര്യമായി സൂക്ഷിക്കുകയാണെങ്കിലും, വൈകാതെ ഔദ്യോഗികമായ അറിയിപ്പ് ഉണ്ടാവുമെന്നാണ് കോടമ്പക്കത്തുനിന്നും വരുന്ന വിവരങ്ങൾ

അതിനിടയിൽ ഇരുവരുടെയും പ്രായ വ്യത്യാസം ചർച്ചയാകുന്നു. നേരത്തെ ധനുഷ് ഐശ്വര്യ രജനികാന്തിനെ വിവാഹം ചെയ്യുന്ന സമയത്തും പ്രായം വലിയൊരു ചർച്ചയായിരുന്നു. തന്നെക്കാൾ രണ്ട് വയസ്സ് മൂത്ത ആളെയാണ് ധനുഷ് വിവാഹം ചെയ്തിരുന്നത്. പരസ്പരം ഇഷ്ടമാണ് എന്ന് അറിഞ്ഞപ്പോൾ, അധികം ഗോസിപ്പുകൾക്കൊന്നും ഇടം നൽകാതെ രജിനികാന്ത് തന്നെയാണ് വിവാഹത്തിന് മുൻ കൈ എടുത്തിരുന്നത്.

Also Read: എങ്ങനെ കണ്ടുമുട്ടി, എപ്പോൾ പ്രണയത്തിലായി? ധനുഷ് - മൃണാൾ താക്കൂർ ബന്ധത്തെ കുറിച്ചുള്ള കൂടുതൽ വിവരങ്ങൾ

പ്രായ വ്യത്യാസം തങ്ങളുടെ പ്രണയത്തിനെ ബാധിച്ചിട്ടില്ല, അതേ സമയം ആ പ്രായ വ്യത്യാസവും ഐശ്വര്യയുടെ പക്വതയും ബന്ധത്തെ കൂടുതൽ മികച്ചതാക്കി എന്നാണ് മുൻപൊരു അഭിമുഖത്തിൽ ധനുഷ് പറഞ്ഞിരുന്നത്. വിവാഹ മോചനത്തിന് ശേഷവും ഇരുവരും തമ്മിലുള്ള സൗഹൃദം തുടരുന്നുണ്ട്. ലിങ്കയുടെയും യാത്രയുടെയും അച്ഛനും അമ്മയും എന്ന നിലയിൽ എല്ലാ കാര്യത്തിലും അവരൊന്നിച്ച് തന്നെയാണ് എല്ലാ തീരുമാനങ്ങളും എടുക്കുന്നത്.

Also Read: വെഡിങ് പിക്സ് എല്ലാം ഡിലീറ്റ് ചെയ്ത് സാനോജും ഹരിതയും! കുടുംബശ്രീയിൽ തിരിച്ചെത്തി; സുസ്മിതയായി ആടി തകർത്ത് പ്രിയതാരം

മൃണാൾ താക്കൂറിലേക്ക് വന്നാൽ, ധനുഷിനെക്കാൾ പത്ത് വയസ്സ് ഇളയതാണ് നടി. 1983 ൽ ആണ് ധനുഷിന്റെ ജനനം, 1993 ൽ ജനിച്ച മൃണാൾ മിനിസ്ക്രീനിലൂടെ ബിഗ് സ്ക്രീനിലേക്ക് എത്തുകയായിരുന്നു. ഇവിടെയും പ്രായം വിഷയമല്ല, അത്രയും മനോഹരമാണ് അവരുടെ പ്രണയം എന്ന് സുഹൃത്തുക്കളെ ഉദ്ദരിച്ച് റിപ്പോർട്ടുകൾ വരുന്നു.

ബോളിവുഡ് സിനിമകൾക്കൊപ്പം സൗത്ത് ഇന്ത്യൻ സിനിമകളിലും സജീവമായ മൃണാൾ താക്കൂർ ഒരു ഈവന്റിലാണ് ധനുഷിനെ കണ്ടുമുട്ടിയത്. സൗഹൃദം പ്രണയത്തിന് വഴിമാറുകയായിരുന്നുവത്രെ. മൃണാളിന്റെ ഏറ്റവും പുതിയ സിനിമയുടെ സ്ക്രീനിങിന് ധനുഷ് എത്തുകയും, അവിടെ നിന്നുമുള്ള ഒരു ഇന്റിമേറ്റ് വീഡിയോ പുറത്തുവരികയും ചെയ്തതോടെയാണ് പ്രണയ ഗോസിപ്പുകൾ സോഷ്യൽ മീഡിയയിൽ ചർച്ചയായത്. ഇതുവരെ മൃണാളോ ധനുഷോ വാർത്തകളോട് പ്രതികരിച്ചിട്ടില്ല.