കല്യാണം കഴിച്ചാല്‍ മനോജിനെ മാത്രമേ കഴിക്കൂ എന്ന് വാശിപിടിച്ചു; ഇന്ന് ഭര്‍ത്താവിന്റെ മൃതദേഹത്തിന് മുന്നില്‍ നെഞ്ചുപൊട്ടി നന്ദന, ആ പ്രണയം..

Authored byഅശ്വിനി പി | Samayam Malayalam | Updated: 26 Mar 2025, 8:57 am

Samayam Malayalamമനോജ് ഭാരതിരാജയുടെ ഭാര്യ നന്ദന

ഭാരതിരാജയുടെ മകന്‍ മനോജ് ഭാരതി രാജയുടെ മരണ വാര്‍ത്ത അറിഞ്ഞ നടുക്കത്തിലാണ് തമിഴ് സിനിമാ ലോകം. ഹൃദയാഘാതത്തെ തുടര്‍ന്ന് ഇന്നലെയാണ് (മാര്‍ച്ച് 25) മനോജ് മരണപ്പെട്ടത്. 48 വയസ്സായിരുന്നു പ്രായം. മനോജിന്റെ ചേതനയറ്റ ശരീരത്തിന് മുന്നില്‍ തളര്‍ന്നു വീണു കരയുന്ന ഭാരതി രാജയുടെ വീഡിയോകള്‍ ഇന്നലെ മുതല്‍ സോഷ്യല്‍ മീഡിയയില്‍ വൈറലാണ്. അടുത്ത് നെഞ്ചുപൊട്ടി കരഞ്ഞ് മറ്റൊരാള്‍ കൂടെയുണ്ട്, മലയാളികളുടെ നന്ദന

സ്‌നേഹതിന്‍, സ്വപ്‌നം കൊണ്ട് തുലാഭാരം, സേതുരാമയ്യര്‍ സിബിഐ, ചതിക്കാത്ത ചന്തു, കല്യാണ കുറിമാനം തുടങ്ങിയ മലയാള സിനിമകളിലൂടെ പരിചിതയായ നന്ദനയാണ് മനോജ് ഭാരതിരാജയുടെ ഭാര്യ. കോഴിക്കോട്ടുകാരിയായ നന്ദനയുടെയും മനോജിന്റെയും പ്രണയ വിവാഹമായിരുന്നു. രണ്ട് വര്‍ഷത്തെ പ്രണയവും, 19 വര്‍ഷത്തെ ദാമ്പത്യ ജീവിതവും വളരെ മനോഹരമായിരുന്നു, തങ്ങളുടെ പ്രണയത്തെ കുറിച്ച് സംസാരിക്കുമ്പോള്‍ എല്ലാം മനോജ് നന്ദനയെ കുറിച്ച് അത്രയധികം വാചാലയാവുകയും ചെയ്തിട്ടുണ്ട്.

Also Read: മകന്റെ മൃതശരീരത്തിന് അരികെ തളര്‍ന്നു വീണ ഭാരതിരാജ; ആരായിരുന്നു മനോജ്, ആഗ്രഹിച്ച ഇടത്ത് എത്താതെ പോയ താരപുത്രന്‍!

സാധുര്യന്‍ എന്ന ചിത്രത്തില്‍ ഒന്നിച്ചഭിനയിച്ചപ്പോഴാണ് പ്രണയം സംഭവിച്ചത്. തനിക്ക് ലവ് അറ്റ് ഫസ്റ്റ് സൈറ്റ് ആയിരുന്നു എന്ന് മനോജ് പറയുന്നു. എസ് എം എസ് അയച്ച് പ്രണയം തുടങ്ങി. രണ്ട് വര്‍ഷം പ്രണയിച്ചു. പക്ഷേ വിവാഹത്തോട് നന്ദനയുടെ വീട്ടുകാര്‍ക്ക് ആദ്യം യോജിപ്പുണ്ടായിരുന്നില്ല. വിവാഹം കഴിക്കുന്നുണ്ടെങ്കില്‍ നന്ദനയേ കഴിക്കൂ എന്ന് മനോജ് കണ്ടപ്പോള്‍ തന്നെ ഉറപ്പിച്ചതാണ്. പക്ഷേ മറ്റൊരു ഭാഷക്കാരന്‍, വേറെ സംസ്‌കാരം, അഡ്ജസ്റ്റ് ചെയ്യാന്‍ പറ്റില്ല എന്ന് പറഞ്ഞ് നന്ദനയുടെ വീട്ടുകാര്‍ എതിര്‍ത്തു.

വിവാഹം കഴിക്കാനാണെങ്കില്‍ യുകെയില്‍ നിന്നും ലണ്ടനില്‍ നിന്നും വരനെ കൊണ്ടുവരാം എന്ന് പറഞ്ഞ് ചിലരെ കൊണ്ടു വരികയും ചെയ്തു. അച്ഛന്‍ അത്രയും വാശി പിടിച്ചപ്പോള്‍ എനിക്കും വാശിയായി, വിവാഹം ചെയ്താല്‍ മനോജിനെ മാത്രമേ വിവാഹം ചെയ്യൂ എന്ന് ഞാനും വാശി പിടിച്ചു. പിന്നീട് മനോജിന്റെ അമ്മയും ചിറ്റപ്പനും കോഴിക്കോട് വന്ന് നന്ദനയെ കണ്ടു, അതിന് ശേഷം ഭാരതി രാജയും വന്ന് കണ്ടു. വീട്ടുകാര്‍ക്ക് പരസ്പരം ഇഷ്ടപ്പെട്ടതോടെ, അവരുടെ അനുഗ്രഹത്തോടെയായിരുന്നു വിവാഹം.


2006 ല്‍ ആയിരുന്നു വിവാഹം. രണ്ട് പെണ്‍കുട്ടികളാണ് നന്ദനയ്ക്കും മനോജിനും. എനിക്ക് ഏറ്റവും വലിയ പിന്തുണ ഭാര്യയാണ് എന്ന് ഏറ്റവുമൊടുവില്‍ നല്‍കിയ അഭിമുഖത്തിലും മനോജ് പറഞ്ഞിരുന്നു. തളര്‍ന്ന് പോയപ്പോഴും, നിങ്ങള്‍ക്ക് പറ്റും പറ്റും എന്ന് പറഞ്ഞ് കൂടെ തന്നെ നിന്ന്, എല്ലാ അവസ്ഥയില്‍ നിന്നും എന്ന് പുറത്ത് കൊണ്ടുവന്നത് അവളാണെന്നാണ് മനോജ് പറഞ്ഞത്.