കല്യാണം കഴിച്ചിട്ടില്ല, പ്രസവിച്ചിട്ടുമില്ല, പക്ഷേ തൃഷ അമ്മയാണ്! മാതൃദിനത്തിൽ തന്നെ ആദ്യമായി അമ്മ എന്ന് വിളിച്ച കുഞ്ഞിനൊപ്പം താരം

Authored byഅശ്വിനി പി | Samayam Malayalam | Updated: 11 May 2025, 5:21 pm

42 വയസ്സായി തൃഷയ്ക്ക്, ഇപ്പോഴും അവിവാഹിതയാണ്. വിവാഹം കഴിക്കില്ല എന്ന നി‍ബന്ധമൊന്നും ഇല്ല. അങ്ങനെ ഒരാൾ ഒത്തുവന്നില്ല, അതുകൊണ്ട് വിവാഹം ചെയ്തില്ല. പറ്റിയ ഒരാൾ വന്നാൽ വിവാഹം ചെയ്യാൻ തയ്യാറുമാണ്. അതേ സമയം അയ്യോ ഇത്ര വയസ്സായല്ലോ, വിവാഹം കഴി‍ഞ്ഞില്ലല്ലോ എന്ന വിഷമവും തനിക്കില്ല എന്നാണ് തൃഷ കൃഷ്ണൻ ഒരു അഭിമുഖത്തിൽ പറഞ്ഞിട്ടുള്ളത്. അതേ സമയം തൃഷയ്ക്ക് കുറേ മക്കളുണ്ട്, ഒരു അമ്മ എന്ന നിലയിലുള്ള സ്നേഹം താൻ അനുഭവിക്കുന്നു എന്നാണ് തൃഷയുടെ ഏറ്റവും പുതിയ ഇൻസ്റ്റഗ്രാം പോസ്റ്റ്.

Also Read: കല്യാണം കഴിഞ്ഞ് അധിക കാലം ആയില്ലല്ലോ, അപ്പോഴേക്കും ഡിവോഴ്സോ? പ്രതികരണവുമായി റോബിൻ രാധാകൃഷ്ണൻ

ലോക മാതൃദിനത്തിലാണ് തൃഷ താൻ അനുഭവിച്ച മാതൃത്വത്തെ കുറിച്ച് പോസ്റ്റ് പങ്കുവച്ചത്. പെറ്റ് ലവ്വർ ആണ് തൃഷ, ഒത്തിരി പെറ്റ് ഡോഗ്സിനെ നടി ദത്ത് എടുത്ത് വളർത്തുന്നുണ്ട്. മക്കളായിട്ട് തന്നെയാണ് തൃഷ അവയെ കാണുന്നത്. അതിൽ തനിക്ക് ഒരു അമ്മ എന്ന നിലയിലുള്ള സ്നേഹം തന്ന കുഞ്ഞിനൊപ്പം എന്ന് പറഞ്ഞാണ് തൃഷ ഇൻസ്റ്റഗ്രാം സ്റ്റോറി പങ്കുവച്ചത്.

തൃഷയുടെ പെറ്റ് ലവ്വ് എത്രത്തോളമാണ് എന്ന് സമീപകാലത്ത് ആരാധകർ കണ്ടതാണ്. വളർത്തു നായയുടെ മരണത്തിൽ മനം നൊന്ത താരം സോഷ്യൽ മീഡിയയിൽ നിന്നും സിനിമയിൽ നിന്നും എല്ലാം ബ്രേക്ക് എടുത്ത് മാറി നിന്നിരുന്നു. അതിന്റെ മരണാനന്തര ചടങ്ങുകളും എല്ലാ ബഹുമാനത്തോടെയും തൃഷ നൽകിയും വാർത്തയായിരുന്നു.

അതേ സമയം ഈ മാതൃദിനത്തിൽ തന്റെ പെറ്റമ്മയെ കുറിച്ചും തൃഷ ഇൻസ്റ്റഗ്രാം സ്റ്റോറി പങ്കുവച്ചിട്ടുണ്ട്, ലോകത്തെ ഏറ്റവും മികച്ച അമ്മയെയാണ് എനിക്ക് കിട്ടിയത് എന്ന് നടി പറയുന്നു. തന്റെ കരിയർ ഈ നിലയിൽ വളരാൻ കാരണം അമ്മ ഉമയാണ് എന്ന് പല അവസരത്തിലും തൃഷ പറഞ്ഞിട്ടുണ്ട്. തൃഷയുടെ മാനേജരും അമ്മ തന്നെയാണ്. മകളുടെ വർക്കിന്റെ കാര്യത്തിൽ കൃത്യനിഷ്ഠ പാലിക്കുന്ന അമ്മ, എല്ലാ ഡേറ്റുകളും കൃത്യമായി അറേഞ്ച് ചെയ്യുന്നതിലെല്ലാം അതീവ ശ്രദ്ധ കേന്ദ്രീകരിച്ചു. ഡേറ്റിന്റെ കാര്യത്തിലോ സമയത്തിലോ തൃഷ ഒരു വീഴ്ചയും വരുത്താത്തതിനും, നൂറ് ശതമാനം പ്രൊഫഷണലാവാനും കാരണം അമ്മ തന്നെയാണ്. മാത്രമല്ല 42 ലും മങ്ങാത്ത തൃഷയുടെ ഈ സൗന്ദര്യത്തിന് കാരണവും അമ്മയുടെ ഈ ജീൻ തന്നെയാണ് എന്ന് ആരാധകർ പറയുന്നു