കല്യാണം കഴിഞ്ഞ കാലം മുതൽ ആ ഒരു കാര്യത്തിന് അമ്മയും അച്ഛനും അടിയാണ്, ഇവിടെ വന്നാൽ അച്ഛൻ ഒറ്റപ്പെട്ടു പോകും എന്ന് സ്വാസിക

Authored by: അശ്വിനി പി|Samayam Malayalam•17 Jul 2025, 4:56 pm

തമിഴ്, തെലുങ്ക് സിനിമാ ലോകത്തായി ഇപ്പോൾ തിരക്കിലാണ് സ്വാസിക . ലബ്ധർ പന്തിന് ശേഷം കരുത്തിന്റെ സ്ത്രീ കഥാപാത്രങ്ങൾ സ്വാസികയെ തേടിയെത്തുന്നു. തമ്മുടു എന്ന പുതിയ തെലുങ്ക് ചിത്രത്തിൽ സ്വാസിക ചെയ്യാൻ പോകുന്നത് എന്താണ് എന്ന് അറിയാനുള്ള ആകാംക്ഷയിലാണ് ആരാധകർ. കാരണം ചിത്രത്തിലെ നടിയുടെ ലുക്ക് സോഷ്യൽ മീഡിയയിലൂടെ കണ്ടവർ ശരിക്കും അമ്പരന്നിരിക്കുകയാണ്. ചുരുട്ട് ചുണ്ടിൽ വച്ച് പുക ഊതി വലിച്ച്, ആരു കാട്ട് വേഷത്തിൽ പക്ക ഡെയ്ഞ്ചർ ആയ ഒരു ലുക്കിലാണ് തമ്മുടുവിൽ സ്വാസിക എത്തുന്നത് എന്ന് ആ ചിത്രങ്ങളിൽ വ്യക്തം.

സിനിമ തിരക്കുകൾ ഒരു ഭാഗത്ത് നടക്കുമ്പോഴും കുടുംബത്തിനൊപ്പമുള്ള സന്തോഷ നിമിഷങ്ങൾ ഒന്നും തന്നെ സ്വാസിക മിസ്സ് ചെയ്യാറില്ല. അതൊക്കെയും യൂട്യൂബ് വീഡിയോ ആക്കി ആരാധകരെയും എന്റർടൈൻ ചെയ്യിപ്പിക്കാറുണ്ട്. ഏറ്റവുമൊടുവിൽ അച്ഛൻ ഗൾഫിൽ നിന്ന് വന്ന സന്തോഷ വാർത്തയൊക്കെ സ്വാസിക തന്റെ യൂട്യൂബ് ചാനലിലൂടെ അറിയിച്ചിരുന്നു.

Also Read: എന്റെ ജീവിതത്തിലെ ഏറ്റവും മോശം രാത്രിയായിരുന്നു അത്, 16 വർഷങ്ങൾക്ക് ശേഷം ഡേവിഡ് ലെറ്റർമാനോട് മാപ്പ് പറഞ്ഞ് വോക്വിൻ ഫീനിക്സ്

ഇപ്പോഴിതാ അച്ഛനെയും ഭർത്താവ് പ്രേം ജേക്കബിനെയും ഒരുമിച്ച് കിട്ടിയപ്പോൾ, ഇവരിൽ ആർക്കാണ് തന്നെ ഏറ്റവും കൂടുതൽ നന്നായി അറിയാവുന്നത് എന്ന് അറിയാനുള്ള ഒരു ഗെയിമുമായി എത്തിയിരിക്കുകയാണ് സ്വാസിക. ഇഷ്ടപ്പെട്ട ഭക്ഷണം, നിറം, സ്ഥലം എന്നിങ്ങനെ മിക്ക കാര്യങ്ങളും ഇരുവരും ഒരുപോലെ മനസ്സിലാക്കിയിരിക്കുന്നു. അക്കൂട്ടത്തിൽ ഒരു ചോദ്യമായിരുന്നു സ്വാസികയുടെ ഇഷ്ട നടൻ ആരാണ് എന്നത്. രണ്ട് പേരും ഒരു സെക്കന്റ് പോലും ആലോചിക്കാതെ പറഞ്ഞു, അത് മോഹൻലാൽ ആണ് എന്ന്.


പക്ഷേ സ്വാസികയുടെ അച്ഛൻ കടുത്ത മമ്മൂട്ടി ഫാൻ ആണ്. അച്ഛന്റെ വീട്ടിൽ അധികവും മമ്മൂട്ടി ഫാൻസ് തന്നെയാണ്. പക്ഷേ അമ്മയും മോഹൻലാൽ ഫാനാണ്. കല്യാണം കഴിഞ്ഞ തുടക്ക കാലത്തിലൊക്കെ ഈ ഒരു കാര്യത്തിന് അച്ഛനും അമ്മയും സ്ഥിരം വഴക്കിടുമായിരുന്നുവത്രെ. അമ്മ വീട്ടിൽ എല്ലാവരും മോഹൻലാൽ ഫാൻ ആണ്. ഇവിടെ വന്നാൽ അച്ഛൻ ഒറ്റപ്പെട്ടു പോകും എന്നാണ് സ്വാസിക പറഞ്ഞത്. എന്തൊക്കെ പറഞ്ഞാലും ആ ഇഷ്ടം മാറ്റാൻ സ്വാസികയുടെ അച്ഛനും താത്പര്യമില്ല. സ്വാസികയ്ക്ക് ഇഷ്ടപ്പെട്ട സെലിബ്രിറ്റി ക്രഷ് ഷാരൂഖ് ഖാൻ ആണെന്നും വീഡിയോയിൽ പറയുന്നുണ്ട്.