കല്യാണം കഴിഞ്ഞിട്ട് 30 വർഷങ്ങൾ; ദൈവം തീരുമാനിച്ച വിവാഹം! ഇപ്പോഴും ഞങ്ങൾ ഡേറ്റിങ്ങിലെന്ന് മാധവി

Authored by: അശ്വിനി പി|Samayam Malayalam•7 Oct 2025, 1:01 pm

മാധവി എന്നാൽ മലയാളി മനസ്സിൽ ആദ്യം എത്തുന്നത് വടക്കൻ വീരഗാഥയിലെ അമ്മയും, ആകാശദൂത് എന്ന ചിത്രത്തിലെ ആനിയും തന്നെയാണ്. അത് മാത്രമല്ല, വളർത്തുമൃഗങ്ങൾ, ഓർമയ്ക്കായി പോലുള്ള മികച്ച സിനിമകളും മാധവി മലയാളത്തിൽ ചെയ്തിട്ടുണ്ട്. മലയാളത്തിൽ മാത്രമല്ല, തൊണ്ണൂറുകളിൽ തമിഴ്, തെലുങ്ക്, കന്നട ഭാഷകളിൽ എല്ലാം നിറഞ്ഞു നിന്നിട്ടുള്ള നായിക നടിയാണ് മാധവി.

എന്നാൽ വിവാഹത്തിന് ശേഷം പൂർണമായും സിനിമയിൽ നിന്നും അകന്നു നിൽക്കുകയാണ്. സിനിമയുമായി ബന്ധപ്പെട്ട യാതൊരു പരിപാടികളിലും ലൈം ലൈറ്റിലും മാധവിയെ കാണാറില്ല. എന്നാൽ ഇൻസ്റ്റഗ്രാമിൽ തന്റെയും കുടുംബത്തിന്റെയും ചിത്രങ്ങൾ പങ്കുവച്ച് മാധവി സ്ഥിരം എത്താറുണ്ട്. അമ്മയെക്കാൾ സുന്ദരികളായ മാധവിയുടെ പെൺമക്കളും സോഷ്യൽ മീഡിയയിൽ വൈറലാണ്.

Also Read: ഇവിടെ നിൽക്കാൻ കഴിയാതെ, പേടിച്ച് ഒളിച്ചോടിയതാണ് ഞാൻ, പ്രേമം തന്നത് സന്തോഷമല്ല; തുറന്ന് പറഞ്ഞ് അനുമോൾ

ഇപ്പോഴിതാ ഭർത്താവിനൊപ്പം ഡേറ്റിങ് ചെയ്യുന്ന ഏതാനും പുതിയ ഫോട്ടോകളുമായി എത്തിയിരിക്കുകയാണ് ഇപ്പോൾ നടി. വിവാഹം കഴിഞ്ഞിട്ട് 30 വർഷങ്ങളായി, ഞങ്ങളിപ്പോഴും ഡേറ്റിങ് ചെയ്തുകൊണ്ടിരിയ്ക്കുകയാണ് എന്ന ക്യാപ്ഷനോടെയാണ് ഫോട്ടോ പങ്കുവച്ചിരിയ്ക്കുന്നത്.

മാധവിയുടെയും റാൽഫ് ശർമയുടെയും വിവാഹം ദൈവം തീരുമാനിച്ചതാണെന്നാണ് നടി പറഞ്ഞിട്ടുള്ളത്. അത് തന്നെയാണ് മൂന്ന് പതിറ്റാണ്ടുകൾക്കിപ്പുറവും നിൽക്കുന്ന ഈ പ്രണയത്തിന്റെയും ബന്ധത്തിന്റെയും രഹസ്യവും.

Also Read: മരിക്കാൻ ശ്രമിച്ചത് ഏഴ് തവണ; മതം മാറ്റം, വിവാഹ ബന്ധം, ഡിവോഴ്സ് ചെയ്യാത്തതിന് കാരണം എല്ലാം മോഹിനി തുറന്ന് പറയുന്നു

മാധവിയുടെ ആത്മീയ ഗുരുവായ സ്വാമി രാമയാണ് റാൽഫ് ശർമയെ മാധവിക്കായി കണ്ടെത്തിയത്. സ്വാമിയുടെ ശിഷ്യന്മാരിൽ ഒരാളായിരുന്നു ഫാരമസ്യൂട്ടിക്കൽ ബിസിനസ്സുകാരനായ റാൽഫ്. ഹിമാലയൻ ഇൻസ്റ്റിറ്റ്യൂട്ട് ഓഫ് യോഗ സയൻസ് ആന്റ് ഫിലോസഫിയിൽ വച്ച് തന്റെ 32 ആം വയസ്സിലാണ് റാൽഫ് സ്വാമി രാമയെ ആദ്യമായി കണ്ടത്. അദ്ദേഹം മാധവിയെ റാൽപിന് പരിചയപ്പെടുത്തി.


1995 ൽ ആയിരുന്നു റാൽഫും മാധവിയും കണ്ടുമുട്ടിയത്. ഗുരു കണ്ടെത്തിയ ആളായതുകൊണ്ടു തന്നെ മാധവിയ്ക്ക് അധികം ഒന്നും ആലോചിക്കേണ്ടി വന്നില്ല. 1996 ൽ ഫെബ്രുവരി 14, ഒരു പ്രണയ ദിനത്തിലായിരുന്നു ഇരുവരുടെയും വിവാഹം. മൂന്ന് മക്കളും പിറന്നു. ഭർത്താവിനും മക്കൾക്കുമൊപ്പം ന്യൂജേഴ്സിയിലാണ് ഇപ്പോൾ മാധവി. വിവാഹത്തോടെ അഭിനയം പൂർണമായും ഉപേക്ഷിക്കുകയായിരുന്നു.