കല്യാണത്തിന് മുൻപ് ഞാനെങ്ങനെയായിരുന്നു എന്നോർമയില്ല, പക്ഷേ ഇപ്പോൾ.. ; കാജൾ അ​ഗർവാൾ പറയുന്നു

Authored by: അശ്വിനി പി|Samayam Malayalam•30 Oct 2025, 4:28 pm

തെന്നിന്ത്യൻ സിനിമാ ലോകത്തെ ഏറ്റവും സുന്ദരിയായ നടിമാരിൽ ഒരാളായിട്ടാണ് കാജൾ അഗർവാൾ വിശേഷിക്കപ്പെടുന്നത്. തന്റെ നായികമാരിൽ ഏറ്റവും സുന്ദരി കാജൾ ആണെന്ന് സംവിധായകൻ എസ് എസ് രാജമൗലി പറഞ്ഞിരുന്നു. തമിഴിലും തെലുങ്കിലുമുള്ള ഒട്ടുമിക്ക എല്ലാ സൂപ്പർ താരങ്ങൾക്കുമൊപ്പവും ഒന്നിച്ച് അഭിനയിച്ചിട്ടുള്ള കാജളിന് ജീവിതത്തിൽ ലഭിച്ചത് ഏറ്റവും പെർഫക്ട് പെയർ തന്നെയാണ് എന്ന് പറയാതെ വയ്യ. ഇന്ന് കാജളിന്റെയും ഗൗതം കിച്ച്ലുവിന്റെയും അഞ്ചാം വിവാഹ വാർഷികമാണ്.

പ്രിയതമന്റെ തോളിൽ ചാഞ്ഞിരിയ്ക്കുന്ന ഒരു ഫോട്ടോയ്ക്കൊപ്പം കാജൾ അഗർവാൾ പങ്കുവച്ച സോഷ്യൽ മീഡിയ പോസ്റ്റാണ് ഇപ്പോൾ ശ്രദ്ധ നേടുന്നത്. നമ്മുടെ അഞ്ച് വർഷങ്ങൾ, നമ്മൾ എന്ന നിലയിലേക്ക് എത്തുന്നതിന് മുൻപ് ഞാൻ എങ്ങനെയായിരുന്നു എന്ന് ഓർത്തെടുക്കാൻ ശ്രമിക്കുകയാണ് ഞാനിപ്പോൾ. അതിനൊപ്പം ഞാനിപ്പോൾ ആരായി തീർന്നോ, അതിനെ ഇഷ്ടപ്പെടുന്നു. സ്നേഹം കൂടുതൽ ശാന്തമായി തോന്നുന്നു. കൂടുതൽ ആഴമേറിയതു പോലെ, എന്റെ ഹോം, വിവാഹ വാർഷിക ആശംസകൾ എന്ന് പറഞ്ഞ് ഗൗതം കിച്ച്ലുവിനെ ടാഗ് ചെയ്യുകയാണ് കാജൾ.

Also Read: 14 വർഷം അടക്കി വച്ചതെല്ലാം ആഘോഷിക്കുകയാണോ? ജീവിതം അടിച്ചു പൊളിച്ച് മ‍ഞ്ജു വാര്യർ, സിനിമകളും കുറച്ചു!

2020 ഒക്ടോബർ 30 ന് ആയിരുന്നു കാജൾ അഗർവാളിന്റെയും ബിസിനസ്സുകാരനായ ഗൗതം കിച്ച്ലുവിന്റെയും വിവാഹം കഴിഞ്ഞത്. കൊവിഡ് കാലത്ത് നടന്ന വിവാഹമായതുകൊണ്ടു തന്നെ വൻ ആഘോഷങ്ങൾ ഉണ്ടായിരുന്നില്ല, എന്നിരുന്നാലും ചടങ്ങുകൾക്കൊന്നും ഒരു കുറവും ഉണ്ടായിരുന്നില്ല.


ഏഴ് വർഷത്തെ സൗഹൃദത്തിന് ശേഷമാണ് ഗൗതം കിച്ച്ലുവും കാജൾ അഗർവാളും ഡേറ്റിങിലേക്ക് കടന്നത്. മൂന്ന് വർഷത്തെ പ്രണയത്തിന് ശേഷമായിരുന്നു വിവാഹം. അങ്ങനെ ആകെ മൊത്തം, പതിനഞ്ചു വർഷത്തെ ബന്ധം. ഇതിനിടയിൽ ഒരു മകനും പിറന്നു. വിവാഹ ശേഷവും, കുഞ്ഞ് പിറന്നതിന് ശേഷവും ശരീര സൗന്ദര്യം വീണ്ടെടുത്ത കാജൾ അഗർവാൾ അഭിനയത്തിലേക്ക് തിരിച്ചെത്തി. ഇപ്പോൾ നായിക റോളുകളിൽ സജീവമാണ് നടി. എന്നാൽ വിവാഹം കഴിഞ്ഞപ്പോഴും, അമ്മയായതിന് ശേഷവും നായികാ വേഷങ്ങളിൽ അവഗണന നേരിടുന്നതിനെ കുറിച്ച് കാജൾ തുറന്ന് സംസാരിച്ചിട്ടുണ്ട്.