കല്യാണത്തെ കുറിച്ചുള്ള ചോദ്യങ്ങൾക്ക് സത്യരാജിന്റെ മകളുടെ മറുപടി; എന്റെ രണ്ട് അമ്മൂമ്മമാരും സിം​ഗിൾ ആയിരുന്നു

Authored by: അശ്വിനി പി|Samayam Malayalam•26 Sept 2025, 3:13 pm

ഒരു പ്രായം കഴിഞ്ഞാൽ സ്ത്രീകൾ ആണെങ്കിലും പുരുഷന്മാരാണെങ്കിലും നേരിടുന്ന പ്രധാന ചോദ്യമാണ്, കല്യാണം ആയില്ലേ എന്ന്. അതിപ്പോൾ സെലിബ്രിറ്റികൾ തന്നെ ആവണം എന്നില്ല. സായി പല്ലവി, ഐശ്വര്യ ലക്ഷ്മി, ശ്രുതി ഹാസൻ തുടങ്ങിയ നടിമാർ തങ്ങൾ വിവാഹമേ ചെയ്യുന്നില്ല എന്ന് ഇതിനോടകം വ്യക്തമാക്കിയതാണ്. ഐശ്വര്യ ലക്ഷ്മിയ്ക്കും ശ്രുതി ഹാസനും വിവാഹം എന്ന സമ്പ്രദായത്തിൽ വിശ്വാസമില്ല. കണ്ടീഷനുകളും നിബന്ധനകളും വച്ച് നിയമത്തിന്റെ ബലത്തിൽ ഒരാളെ പ്രണയിക്കുന്നതിൽ വിശ്വാസമില്ല, പക്ഷേ ലിവിങ് ടുഗെദർ ബന്ധത്തിനോട് എതിർപ്പും ഇല്ല എന്നാണ് പറഞ്ഞിട്ടുള്ളത്.

ഇതേപോലെ സമാനമായ ചിന്താഗതിയാണ് ന്യൂട്രീഷ്യനിസ്റ്റും നടൻ സത്യരാജിന്റെ മകളുമായ ദിവ്യ സത്യരാജിന്റേത്. തന്റെ അച്ഛന്റെ അമ്മയും അമ്മയുടെ അമ്മയും സിംഗിൾ ലൈഫ് ജീവിച്ചവരായിരുന്നു എന്ന് ദിവ്യ പറയുന്നു. കല്യാണത്തെ സംബന്ധിച്ച് കമന്റ് ബോക്സിൽ വരുന്ന നിരന്തരമായ ചോദ്യത്തിന് മറുപടി നൽകുകയായിരുന്നു ദിവ്യ സത്യരാജ് .

Also Read: എന്താ ബിജിഎം, എന്താ സിനിമ; ബൾട്ടി സിനിമ കണ്ടവരുടെ പ്രതികരണം, ഇത് നവാഗത സംവിധായകന്റെ സിനിമയാണെന്ന് വിശ്വസിക്കാൻ വയ്യ!

ദിവ്യ സത്യരാജിന്റെ പോസ്റ്റ്;

കമന്റിൽ ഒരുപാട് ആളുകൾ എന്റെ വിവാഹത്തെ കുറിച്ച് എന്നോട് ചോദിയ്ക്കുന്നു. എന്റെ ഇൻസ്റ്റ ഫാമിലിയോട് എന്റെ ചിന്തകൾ പങ്കുവയ്ക്കുന്നതിൽ എനിക്ക് സന്തോഷമേയുള്ളൂ. നിരുപാതിക സ്നേഹത്തിൽ വിശ്വസിക്കുന്ന ആളാണ് ഞാൻ. എന്നാൽ വ്യവസ്ഥകളും വിട്ടുവീഴ്ചകളും നിറഞ്ഞ ഒരു സൗകര്യപ്രദമായ വിവാഹത്തിൽ ഞാൻ വിശ്വസിക്കുന്നില്ല.

സമ്പന്നരാവാൻ വേണ്ടി വിവാഹം ചെയ്യുന്നവരെ കാണുമ്പോൾ എനിക്ക് എന്തൊരു അസംബന്ധമാണ് ഇതെന്ന് തോന്നാറുണ്ട്. എന്റെ സാമ്പത്തിക സ്വാതന്ത്ര്യത്തിൽ ഞാൻ അഭിമാനിക്കുന്നു, എന്റെ സ്വാശ്രയത്വത്തെ ഞാൻ ശരിക്കും വിലമതിക്കുന്നു.

Also Read: പ്രണവ് ജർമ്മനയിൽ മീനാക്ഷിയും പുറത്താണ്; പൃഥ്വി എത്തിയില്ല; മഞ്ജു ഇത്തവണയും വിട്ടുനിന്നു; താര നിബിഢമായി കല്യാൺ നവരാത്രി


എന്റെ രണ്ട് മുത്തശ്ശിമാർക്കും - എന്റെ അമ്മയുടെ അമ്മ വിശാലാക്ഷി സുന്ദരം അവർകൾക്കും, എന്റെ അച്ഛന്റെ അമ്മ നതാംബാൽ കലിംഗരായർ അവർകൾക്കും - ഒരു വലിയ സല്യൂട്ട്. ഞാൻ ഇതുവരെ കണ്ടിട്ടുള്ളതിൽ വച്ച് ഏറ്റവും ശക്തയും കൂൾ ആയ അവിവാഹിത സ്ത്രീകളായിരുന്നു അവർ- ദിവ്യ സത്യരാജ് പറഞ്ഞു