കഴിവിൽ അമ്പിളിയും ഒട്ടും മോശമല്ല! നൃത്തത്തിൽ മിടുക്കി എന്നതിനേക്കാൾ ഏറ്റവും നല്ല മനസിന്റെ ഉടമയെന്ന് നവ്യ നായർ

Authored by: ഋതു നായർ|Samayam Malayalam•11 Aug 2025, 12:52 pm

ഓരോ കലോത്സവങ്ങൾ വരുമ്പോളും സോഷ്യൽ മീഡിയയിൽ ഏറെ വൈറൽ ആകുന്ന ഒരു വീഡിയോ ആണ് നവ്യ നായരുടെയും അമ്പിളി ദേവിയുടെയും കലോത്സവകാലം. തനിക്ക് സമ്മാനം കിട്ടാഞ്ഞതിന്റെ സങ്കടവും അമർഷവും നവ്യ നായർ മാധ്യമങ്ങൾക്ക് മുൻപിൽ നിറകണ്ണുകളോടെ പങ്കിടുന്നതാണ് ഒരു സീൻ. സെക്കൻഡ് സീനിൽ സന്തോഷത്തോടെ നിൽക്കുന്ന അമ്പിളിദേവിയും.

ഇരുവരുടെയും ലൈഫ് ചേഞ്ചിങ് മോമെന്റ്റ് എന്നുകൂടി ആ കലോത്സവ വേദിയെ വിശേഷിപ്പിക്കാം. ഇരുവരുടെയും വീഡിയോ എഡിറ്റ് ചെയ്തുകൊണ്ട് നവ്യ നായരുടെ ഇപ്പോഴത്തെ ചേഞ്ചും കാട്ടിയാണ് ഇൻസ്റ്റ പേജിലൂടെ ചില വീഡിയോസ് വൈറൽ ആകുന്നത്. എന്നാൽ ആ വീഡിയോസിന് നന്ദി പറഞ്ഞ നവ്യ നായർ അമ്പിളി ദേവി നല്ല മനസിന്റെ ഉടമയെന്നും നല്ലൊരു ഹ്യൂമൻ ബീയിങ് ആണെന്നും നല്ലൊരു കലാകാരി ആണെന്നും പറയുകയുണ്ടായി

. മുൻപും നവ്യ നായർ അമ്പിളി ദേവിയെക്കുറിച്ച് സംസാരിച്ചിരുന്നു. അന്നും തന്റെ അടുത്ത സുഹൃത്താണ് അമ്പിളി എന്നായിരുന്നു നവ്യ പറഞ്ഞത്.

ആ സമയത്ത് തനിക്ക് അമ്പിളിയോട് ദേഷ്യം ഉണ്ടായിരുന്നു എങ്കിലും പിന്നീട് തങ്ങൾ നല്ല സുഹൃത്തുക്കളായെന്ന് നവ്യ ഒരുപാട് അവസരങ്ങളിൽ തുറന്നുപറഞ്ഞിട്ടുണ്ട്. .അമ്പിളിയെ നേരിട്ട് പരിചയമില്ലാത്ത സമയത്തായിരുന്നു ആ പ്രശ്നം നടക്കുന്നത്. മീരയുടെ ദുഖവും മുത്തുവിന്റെ സ്വപ്നവും എന്ന സിനിമയിൽ അഭിനയിക്കാതിരുന്ന സമയത്തും കുറേ ഗോസിപ്പുകൾ പ്രചരിച്ചിരുന്നു. പരീക്ഷ കാരണമാണ് അന്ന് ആ സിനിമ ചെയ്യാതിരുന്നതെന്നും നവ്യ പറഞ്ഞിട്ടുണ്ട്.

അതേസമയം നവ്യയും ആയി അടുത്ത ബന്ധമാണ് തനിക്ക് ഉള്ളതെന്നും തന്റെ ജീവിതത്തിലെ മോശം ഘട്ടത്തിൽ തന്നെ ആശ്വസിപ്പിച്ചവരിൽ നവ്യയും സന്തോഷേട്ടനും ഉണ്ടെന്നും അവർ തന്നോട് സംസാരിച്ചിരുന്നുവെന്നും അമ്പിളി ദേവി പറഞ്ഞിട്ടുണ്ട്.

ALSO READ: പതിനാല് വർഷത്തെ സിംഗിൾ ലൈഫ്! പത്തുമാസത്തെ അമേരിക്കൻ ജീവിതം; പ്രശാന്തേട്ടൻ വന്നതോടെ ജീവിതത്തിന് അർത്ഥമുണ്ടായി

2001 ല്‍ തൊടുപുഴയില്‍ നടന്ന കലോത്സവത്തിലായിരുന്നു നവ്യയും അമ്പിളിയും പങ്കെടുത്തത്. ഇരുവരും പിന്നീട് സിനിമയിൽ സജീവമായി. ഇന്നും അഭിനയരംഗത്തു സജീവമാണ് നവ്യയും അമ്പിളിയും.

സീരിയൽ രംഗത്ത് നടിയെന്ന നിലയിൽ സ്വന്തമായി ഒരു ഇടം നേടിയ അമ്പിളി ദേവി 2005 ൽ മികച്ച ടെലിവിഷൻ നടിയ്ക്കുള്ള കേരള സംസ്ഥാന ടെലിവിഷൻ അവാർഡ് നേടിയിരുന്നു. . ഭരതനാട്യം, കുച്ചിപ്പുടി, മോഹിനിയാട്ടം, ഫോക്ക് ഡാൻസ് എന്നിവയിൽ പരിശീലനം നേടിയ അമ്പിളി സ്വന്തമായി നൃത്ത വിദ്യാലയവും നടത്തിവരുന്നു

ALSO READ: എന്റെ ഉള്ളിന്റെ ഉള്ളിൽ ഇന്നും രജനിയോട് ക്രഷ്! കൂലിയിൽ ഫയർ ആണ് രജനിയെന്നും സിമ്രാൻ
നവ്യ ആകട്ടെ ടെലിവിഷൻ ഷോകളിലും സിനിമയിലും സജീവമാണ്. 2001-ൽ ഇഷ്ടം എന്ന സിനിമയിൽ ദിലീപിന്റെ നായികയായി അഭിനയിച്ചുകൊണ്ടാണ് നവ്യ ആദ്യ ചലച്ചിത്ര അരങ്ങേറ്റം നടത്തുന്നത്. അഞ്ജന എന്ന നായികാവേഷം ലഭിക്കുമ്പോൾ അവർ ഹൈസ്‌കൂൾ വിദ്യാർത്ഥിനിയായിരുന്നു.

മഴത്തുള്ളിക്കിലുക്കം, കുഞ്ഞിക്കൂനൻ, കല്യാണരാമൻ, പാണ്ടിപ്പട, ഗ്രാമഫോൺ, പട്ടണത്തിൽ സുന്ദരൻ എന്നിങ്ങനെ തുടക്കകാലത്ത് നവ്യക്ക് കൈനിറയെ സിനിമകൾ ആണ് ലഭിച്ചത്. മാതംഗി എന്ന പേരിൽ നൃത്ത വിദ്യാലയവും നടത്തിവരുന്നു.