കാജൾ അഗർവാളിന് അപകടം സംഭവിച്ചു, അതീവ ഗുരുതരം എന്ന് വാർത്തകൾ; സത്യാവസ്ഥ വെളിപ്പെടുത്തി നടി

4 months ago 4

Authored by: അശ്വിനി പി|Samayam Malayalam•9 Sept 2025, 12:56 pm

വാഹാനാപകടത്തെ തുടർന്ന് കാജൾ അഗർവാൾ മരണപ്പെട്ടു എന്ന തരത്തിലായിരുന്നു വാർത്തകൾ. അവസാനം ഞാൻ ജീവനോടെയുണ്ട് എന്ന് പറഞ്ഞ് നടിയ്ക്ക് സോഷ്യൽ മീഡിയ പോസ്റ്റ് പങ്കുവയ്ക്കേണ്ടി വന്നു

തെന്നിന്ത്യൻ താരം കാജൾ അഗർവാൾ അപകടത്തിൽ പെട്ടു എന്നും, അതീവ ഗുരുതരാവസ്ഥയിൽ ആണ് എന്നുമുള്ള തരത്തിൽ മണിക്കൂറുകൾക്ക് മുൻപ് വാർത്തകൾ വന്നിരുന്നു. ഇനിയില്ല എന്ന തരത്തിൽ പോലും റിപ്പോർട്ട് ചെയ്യപ്പെട്ടു. എന്നാൽ അത് തീർത്തും വാസ്തവ വിരുദ്ധമായ കാര്യമാണ്, തനിക്കൊരു കുഴപ്പുവും സംഭവിച്ചിട്ടില്ല എന്ന് പറഞ്ഞ് രംഗത്തെത്തിയിരിക്കുകയാണ് ഇപ്പോൾ നടി.

ഇൻസ്റ്റഗ്രാം സ്റ്റോറിയിലൂടെയാണ് കാജൾ അഗർവാൾ വാർത്തകളോട് പ്രതികരിച്ചത്. എനിക്ക് അപകടം സംഭവിച്ചു എന്നും, ഇനിയില്ല എന്നുമുള്ള വാർത്തകൾ കേട്ടതിന് വിശദീകരണവുമായിട്ടാണ് ഞാൻ വന്നിട്ടുള്ളത്. അത് വളരെ രസകരമായി തോന്നുന്നു, കാരണം ആ വാർത്തകൾ തീർത്തും വ്യാജമാണ്.

Also Read: അതെന്റെ ക്രെഡിറ്റ് ആണ് എന്ന് പലരും പറയാറുണ്ട്, അങ്ങനെയല്ല; ഞാനൊരാൾ മാത്രം വിചാരിച്ചതുകൊണ്ട് ഒന്നും സംഭവിക്കില്ല എന്ന് കാവ്യ

ദൈവത്തിന്റെ അനുഗ്രഹത്താൽ, ഞാൻ പൂർണമായും ആരോഗ്യവതിയും സുരക്ഷിതയായും വളരെ നന്നായിരിക്കുന്നു എന്ന് നിങ്ങളെ എല്ലാവരെയും അറിയിക്കാൻ ആഗ്രഹിക്കുന്നു. ഇത്തരം വാർത്തകൾ വിശ്വസിക്കുകയോ പ്രചരിപ്പിയ്ക്കുകയോ ചെയ്യരുത് എന്ന് നിങ്ങളോടെല്ലാം ഞാൻ വിനീതമായി അപേക്ഷിക്കുന്നു. പോസിറ്റീവായതും സത്യസന്ധമായതുമായ കാര്യങ്ങളിൽ നമുക്ക് ശ്രദ്ധ കേന്ദ്രീകരിക്കാം- കാജൾ അഗർവാൾ പറഞ്ഞു.

Also Read: ബന്ധക്കാരിയാണ് ഒൻപത് വയസ് താഴെയും! കല്യാണച്ചിലവ്, സാലറി, ബേബി പ്ലാനിങ്; റൊമാന്റിക് മൊമെന്റ്‌സ്‌ എന്തുകൊണ്ടില്ല; കാർത്തിക് പറയുന്നു

ലക്ഷ്മി കല്യാൺ എന്ന തെലുങ്ക് സിനിമയിലൂടെയായിരുന്നു കാജൾ അഗർവാളിന്റെ സിനിമയിലേക്കുള്ള അരങ്ങേറ്റം. പിന്നീട് മഗധീര, ആര്യ 2 പോലുള്ള സിനിമകളിലൂടെ മുൻനിര നായികമാരിൽ ഒരാളായി. ഒരേ സമയം തെലുങ്ക്- തമിഴ് സിനിമകളിൽ ആക്ടീവായിരിക്കുമ്പോഴും നടി ബോളിവുഡ് സിനിമകളിലും ശ്രദ്ധ ചെലുത്തിയിരുന്നു. തുപ്പാക്കി പോലുള്ള സിനിമകളിലെ വേഷം ഏറെ ശ്രദ്ധിക്കപ്പെട്ടു.

US Visa Rules 2025: അമേരിക്കൻ വിസ; പുതിയ നിയമങ്ങൾ എന്തൊക്കെ? അറിയേണ്ടതെല്ലാം!

2020 ൽ ആയിരുന്നു കാജൾ അഗർവാളിന്റെ വിവാഹം. ഗൗതം കിച്ലുവുമായുള്ള വിവാഹത്തിന് ശേഷവും നടി സിനിമകളിൽ സജീവമായിരുന്നു. കുഞ്ഞ് പിറന്നതിന് ശേഷം ശരീര സൗന്ദര്യം വീണ്ടെടുത്ത നടി, അമ്മയായതിന് ശേഷം സിനിമയിൽ നേരിടുന്ന അവഗണനകളെ കുറിച്ചും സംസാരിച്ചിരുന്നു. എന്നിരുന്നാലും മികച്ച വേഷങ്ങൾ കാജളിനെ തേടിയെത്തി. കണ്ണപ്പ എന്ന പാൻ ഇന്ത്യൻ ചിത്രത്തിലെ വേഷം ശ്രദ്ധേയമായിരുന്നു. നിലവിൽ ഹിന്ദിയിലും തമിഴിലുമായി ഒരുപിടി നല്ല സിനിമകളുമായി തിരക്കിലാണ് നടി.

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക