കാണാന്‍ കൊള്ളാം, പക്ഷേ അഭിനയിക്കാന്‍ അറിയില്ല എന്ന് പറഞ്ഞയാളോട് രശ്മിക മന്ദാനയുടെ മറുപടി; കമന്റില്‍ അടിയോടടി!

Authored byഅശ്വിനി പി | Samayam Malayalam | Updated: 27 Mar 2025, 8:56 am

Samayam Malayalamരശ്മിക മന്ദാന

കന്നട സിനിമയില്‍ തുടങ്ങി, വളരെ ചുരിങ്ങിയ കാലം കൊണ്ട് ഇന്ത്യന്‍ സിനിമയില്‍ തന്റെ ഇടം കണ്ടെത്തിയ നടിയാണ് രശ്മിക മന്ദാന. ഇപ്പോള്‍ബോളിവുഡ് സിനിമാ ലോകത്ത് തിരക്കിലാണ് നടി. നാഷണല്‍ ക്രഷ് എന്ന വിശേഷണമുള്ള രശ്മികയുടെ സൗന്ദര്യത്തിന് ആര്‍ക്കും എതിരഭിപ്രായമില്ല, പക്ഷേ അഭിനയത്തിന്റെ കാര്യത്തില്‍ ചിലര്‍ക്കൊക്കെ എതിരഭിപ്രായമുണ്ട്. പുഷ്പ എന്ന ചിത്രത്തിന് ശേഷം കേരളത്തില്‍ നിന്ന് രശ്മികയ്‌ക്കെതിരെ ഉയര്‍ന്ന നെഗറ്റീവ് കമന്റുകള്‍ ചര്‍ച്ചയായിരുന്നു.

Also Read: സംഭവിച്ചതെല്ലാം നല്ലതിന്; നയന്‍താരയും സുന്ദര്‍ സിയും തമ്മില്‍ അടി, മൂക്കുത്തി അമ്മന്‍ സിനിമ നിലച്ചു എന്ന വാര്‍ത്തയോട് ഖുശ്ബുവിന്റെ പ്രതികരണം

ഇപ്പോഴിതാ രശ്മികയുടെ സോഷ്യല്‍ മീഡിയ പോസ്റ്റിന് താഴെ വന്ന കമന്റും, അതിന് നടി നല്‍കിയ മറുപടിയും ചര്‍ച്ചയാവുന്നു. സാരിയുടുത്ത് അല്പം ക്ഷീണിതയായി നില്‍ക്കുന്ന ഏതാനും ചിത്രങ്ങള്‍ ദിവസങ്ങള്‍ക്ക് മുന്‍പ് രശ്മിക ഇന്‍സ്റ്റഗ്രാമില്‍ പങ്കുവച്ചിരുന്നു. ഫോട്ടോയ്ക്ക് താഴെ രശ്മികയുടെ സൗന്ദര്യത്തെ പ്രശംസിച്ചും, നടിയോടുള്ള ഇഷ്ടം അറിയിച്ചും ഒത്തിരി കമന്റുകളാണ് വന്നുകൊണ്ടിരിയ്ക്കുന്നത്. അക്കൂട്ടത്തിലാണ് ഒരു നെഗറ്റീവ് കമന്റ് വന്നത്.

Also Read: ഭര്‍ത്താവിന്റെ കാര്യത്തില്‍ ഒരേ ഒരു കുറ്റബോധമേ എനിക്കുള്ളൂ, കുറച്ചുകൂടെ നേരത്തെ ആവേണ്ടതായിരുന്നു; പ്രണയ ജീവിതത്തെ കുറിച്ച് പദ്മപ്രിയ

'അഭിനയിക്കാന്‍ അറിയാത്ത സുന്ദരി' എന്ന അര്‍ത്ഥത്തിലാണ് കമന്റ്. അതിന് രശ്മിക നല്‍കിയ മറുപടി, 'ഞാന്‍ സുന്ദരിയാണ് എന്ന് നിങ്ങള്‍ പറഞ്ഞുവല്ലോ, അത് ഞാന്‍ എടുക്കുന്നു, നന്ദി' എന്നായിരുന്നു. നെഗറ്റീവ് ആയ ഒരു കമന്റിനെ രശ്മിക എങ്ങനെ പോസിറ്റീവ് ആക്കി എന്ന് പറഞ്ഞ് അപ്പോഴും ആരാധകരെത്തി. എന്നാല്‍ 'കഴിവുള്ള ഒരുപാട് നടിമാര്‍ ഇന്റസ്ട്രിയിലുണ്ട്, സൗന്ദര്യം മാത്രം പോര, അഭിനയവും കാര്യമാണ്' എന്നായിരുന്നു അയാളുടെ വാദം. തുടര്‍ന്ന് രശ്മിക ഫാന്‍സും കമന്റിട്ട ആളും തമ്മിലുള്ള അടിയോടടിപിടി കമന്റുകളാണ് പോസ്റ്റിന് താഴെ വന്നത്.

കന്നടയില്‍ നിന്ന് തെലുങ്കിലേക്കും, അവിടെ നിന്ന് തമിഴിലേക്കും എത്തിയ രശ്മിക ഇപ്പോള്‍ ബോളിവുഡില്‍ സജീവമായിക്കൊണ്ടിരിയ്ക്കുകയാണ്. ആനിമല്‍, ഛവ്വ എന്നീ ചിത്രങ്ങള്‍ക്ക് ശേഷം സിക്കന്ദര്‍ എന്ന സിനിമയാണ് ഇപ്പോള്‍ രശ്മികയുടേതായി പുറത്തിറങ്ങുന്നത്. സല്‍മാന്‍ ഖാന്റെ നായികയായി രശ്മിക എത്തുന്ന സിക്കന്ദര്‍ ഇന്ന്, മാര്‍ച്ച് 28 ന് തിയേറ്ററുകളിലെത്തി.