കാമുകിയെ അതിഥിയാക്കി ട്രാവിസ് കെൽസ്; ന്യൂ ഹൈറ്റ്സ് പോട്കാസ്റ്റിൽ ടെയ്ലർ സ്വിഫ്റ്റ് എത്തിയ ടീസർ പുറത്തുവിട്ടു

Authored by: അശ്വിനി പി|Samayam Malayalam•12 Aug 2025, 2:15 pm

ഹോളിവുഡിലെ ഏറ്റവും മികച്ച താരജോഡികൾ എന്ന് അറിയപ്പെട്ടുകൊണ്ടിരിയ്ക്കുകയാണിപ്പോൾ ഫുട്ബോൾ താരമായ ട്രാവിസ് കെൽസിയും ഗായികയും സംഗീത സംവിധായികയുമൊക്കെയായ ടെയ്ലർ സ്വിഫ്റ്റും. ഇരുവരുടെയും വിശേഷങ്ങൾ വളരെ പെട്ടന്ന് സോഷ്യൽ മീഡിയ ഏറ്റെടുക്കാറുണ്ട്. ഇപ്പോഴിതാ ട്രാവിസ് കെൽസിന്റെ അതിഥിയായി കാമികി ടെയ്ലർ സ്വിഫ്റ്റ് എത്തുന്നു

ട്രാവിസ് കൽസിയും സഹോദരൻ ജെയ്സൺ കെൽസും നടത്തുന്ന ന്യൂ ഹൈറ്റ്സ് എന്ന പോട്കാസ്റ്റിൽ ഗായിക എത്തുന്ന ടീസർ പുറത്തുവിട്ടു. ഇരുവരും തമ്മിലുള്ള സംസാരം എത്തായിരിക്കും എന്നറിയാനുള്ള ആവേശത്തിലാണ് ആരാധകർ. അത്തരത്തിലാണ് ടീസര്‌‍ പുറത്തുവിട്ടിരിയ്ക്കുന്നത്.

Also Read: മലയാളി നടിയുടെ മകൻ, ഒരു കാലത്തെ പരസ്യ ചിത്രങ്ങളിൽ സൂപ്പർ താരം; കരൾ രോഗം രൂപം തന്നെ മാറ്റിയ അഭിനയുടെ ഇന്നത്തെ അവസ്ഥ?

കെൽസ് ധരിച്ച ടി ഷർട്ടിന്റെ കളർ നന്നായിരിക്കുന്നു എന്ന് സ്വിഫ്റ്റ് പറഞ്ഞപ്പോൾ, അത് നിന്റെ മനോഹരമായ നീല കണ്ണികളുടെ നിറമാണെന്നായിരുന്നു ട്രാവിസ് കെൽസിന്റെ മറുപടി. നമ്മളെന്ത് പോട്കാസ്റ്റാണ് ചെയ്യുന്നത് എന്ന് ചോദിച്ച് ടെയിലർ സ്വിഫ്റ്റ് ചിരിക്കുന്നതോടെയാണ് ടീസർ അവസാനിക്കുന്നത്.

ന്യൂ ഹൈറ്റ്സിന്റെ ഇൻസ്റ്റഗ്രാം ചാനലിലൂടെ പുറത്തുവിട്ട, മിനിട്ടുകൾ മാത്രം ദൈർഘ്യമുള്ള വീഡിയോയ്ക്ക് വലിയ സ്വീകരണമാണ് ലഭിയ്ക്കുന്നത്. ആഗസ്റ്റ് 13 ന് പുറത്തുവരാനിരിയ്ക്കുന്ന പോട്കാസ്റ്റ് എന്തായി തീരും എന്ന ആകാംക്ഷയിലാണ് ആരാധകരും.

Also Read: ഗോസിപ്പുകളിൽ സത്യമില്ല! ഞങ്ങൾ എട്ടുവർഷമായി ഇങ്ങനെ ജീവിക്കുന്നു; ഇനിയും മുൻപോട്ട് പോകാൻ ഏറെ ദൂരമുണ്ട്; ആരോപണങ്ങളിൽ ബഷീർ

2023 മുതലാണ് ടെയ്ലർ സ്വിഫ്റ്റും ട്രാവിസ് കെൽസും പ്രണയിക്കുന്നതായ ഗോസിപ്പുകൾ വന്നത്. പരേഡ് വെബ്സൈറ്റ് നൽകിയ റിപ്പോർട്ടുകൾ പ്രകാരം, ട്രാവിസ് കെൽസി ടെയ്ലർ സ്വിഫ്റ്റിന്റെ നമ്പർ തപ്പിയെടുത്ത് സംസാരിച്ചു തുടങ്ങുകയും പ്രണയത്തിലാവുകയുമായിരുന്നുവത്രെ. ഇരുവരും ഒരുമിച്ചുള്ള ചിത്രങ്ങൾ പുറത്തുവന്നതോടെ ഡേറ്റിങിലാണ് എന്ന് ആരാധകരും ഉറപ്പിച്ചു. ഇരുവരും ഔദ്യോഗികമായി അത് അംഗീകരിക്കുകയും ചെ്യതു
ടെയ്ലർ സ്വിഫ്റ്റും ട്രാവിസ് കെൽസും രഹസ്യമായി വിവാഹ നിശ്ചയം നടത്തി എന്ന വാർത്തകളും അടുത്തിടെ പുറത്തുവന്നിരുന്നു. എന്നാല‍്‍ അക്കാര്യത്തിൽ ഔദ്യോഗിക റിപ്പോർട്ടുകളില്ല.