കാളിദാസിന് നായിക ഇഷാനിയോ! 25 വർഷങ്ങൾക്ക് ശേഷം അച്ഛനും മകനും ഒരുമിച്ചെത്തുന്നു; ആശകൾ ആയിരം പൂജ ചടങ്ങിന്റെ വിശേഷങ്ങൾ

Authored by: ഋതു നായർ|Samayam Malayalam•18 Aug 2025, 1:13 pm

ഒരു വടക്കൻ സെൽഫി സംവിധായകൻ ജി പ്രജിത്ത് സംവിധാനം ചെയ്യുന്ന ആശകൾ ആയിരം എന്ന ചിത്രത്തിലൂടെ ജയറാമും കാളിദാസ് ജയറാമും വീണ്ടും ഒന്നിക്കുന്നു. അച്ഛൻ-മകൻ ജോഡികളെ അവതരിപ്പിക്കുന്ന ചിത്രത്തിന്റെ പൂജ തിങ്കളാഴ്ച നടന്നു.

ജൂഡ് ആന്റണി ജോസഫും അരവിന്ദ് രാജേന്ദ്രനും സംയുക്തമായിട്ടാണ് ചിത്രത്തിന്റെ തിരക്കഥ ഒരുക്കുന്നത്. ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ പങ്കുവെച്ച കാളിദാസ് ഇമോഷണൽ ആയി ഒരു പോസ്റ്റും പങ്കിട്ടിരുന്നു. കൊച്ചിയിലും പരിസരപ്രദേശങ്ങളിലും ആണ് ആശകൾ ആയിരത്തിന്റെ ചിത്രീകരണം. . കാക്കനാട് മാവേലിപുരത്ത് ഓണം പാർക്കിൽ നടന്ന പൂജാ ചടങ്ങുകളുടെ ചിത്രങ്ങൾ ഇപ്പോൾ സമൂഹ മാധ്യമങ്ങളിൽ നിറയുന്നുണ്ട്

ജയറാം, മകൻ കാളിദാസ് ജയറാം എന്നിവക്ക് പുറമെ ഇസ്ഹാനി കൃഷ്ണയും ചിത്രത്തിൽ എത്തുന്നുണ്ട്.

ആനന്ദ് മന്മദൻ, ഷിൻഷാ തുടങ്ങിയവരും സിനിമയുടെ ഭാഗമാണ്. പ്രോജക്റ്റ് ഡിസൈനർ : ബാദുഷാ എൻ.എം., കഥ, തിരക്കഥ : അരവിന്ദ് രാജേന്ദ്രൻ, ജൂഡ് ആന്റണി ജോസഫ്, എഡിറ്റർ : ഷഫീഖ് പി.വി., മ്യൂസിക് : സനൽ ദേവ്, ആർട്ട് : നിമേഷ് താനൂർ, കോസ്റ്റ്യൂം : അരുൺ മനോഹർ, മേക്കപ്പ് : ഹസ്സൻ വണ്ടൂർ, ചീഫ് അസ്സോസിയേറ്റ് ഡയറക്ടർ : ബേബി പണിക്കർ, പബ്ലിസിറ്റി ഡിസൈൻ : ടെൻ പോയിന്റ്, സ്റ്റിൽസ് : ലെബിസൺ ഗോപി എന്നിവർ ആണ്

ഒരു വടക്കൻ സെൽഫി ഫെയിം ജി പ്രജിത് സംവിധാനം ചെയ്യുന്ന ഈ ഫാമിലി എന്റെർറ്റൈനെർ നിർമ്മിക്കുന്നത് ശ്രീ ഗോകുലം മൂവീസ് ആണ്. ഗോകുലം സാറും ഈ പ്രൊഡക്ഷൻ ടീമും ഇല്ലെങ്കിൽ ഞങ്ങൾ ഇല്ലെന്നാണ് കാളിദാസ് പറഞ്ഞത് .

പ്രശസ്ത സംവിധായകൻ ജൂഡ് ആന്റണി ജോസഫ്, അരവിന്ദ് രാജേന്ദ്രൻ എന്നിവർ ചേർന്നാണ് ചിത്രം രചിച്ചത്. ഷാജി കുമാർ കാമറ ചലിപ്പിക്കുന്ന ചിത്രത്തിന് സംഗീതമൊരുക്കുന്നത് സനൽ ദേവ്, എഡിറ്റിംഗ് നിർവഹിക്കുന്നത് ഷഫീക് വി ബി. കാളിദാസിന്റെ ബാലതാരമായുള്ള അരങ്ങേറ്റ ചിത്രമായ 'കൊച്ചു കൊച്ചു സന്തോഷങ്ങൾ', എന്റെ വീട് അപ്പൂന്റേം എന്നിവക്ക് ശേഷം ജയറാം- കാളിദാസ് ടീം ഒന്നിക്കുന്ന ചിത്രമാണിത്.