കാളേശ്വരീദേവി സലീമയായി! ഓറൽ കാൻസറിന്റെ ഇര; വിവാഹം വേണ്ടെന്ന് വച്ച ജീവിതം; ഈ പോരാട്ടത്തിൽ ആരുമില്ലാതെ താരം

പഴയകാല നടിമാരിൽ, ഇന്നത്തെ തലമുറയും മനസ്സിൽ നിറച്ചുവയ്ക്കുന്നൊരു പേരാണ് നടി സലീമയുടേത്. ആരണ്യകം എന്ന സിനിമയിലെ അമ്മിണി, നഖക്ഷതങ്ങളിലെ ലക്ഷ്മി ; ഒക്കെയും യുവതലമുറയും മനസോടെ ചേർത്തുവയ്ക്കുന്നു. വർഷങ്ങൾക്ക് ശേഷം രേഖാചിത്രം എന്ന സിനിമയിലൂടെ തിരിച്ചെത്തിയ നടി ഇപ്പോൾ ഓറൽ കാൻസറും ആയുള്ള പോരാട്ടത്തിലാണ്. താരത്തിന്റെ ചികിത്സയ്ക്ക് സഹായം തേടി സോഷ്യൽ മീഡിയയിൽ നിറയുകയാണ് പ്രിയപെട്ടവർ. 1995-ൽ മാതാപിതാക്കളെ നഷ്ടപ്പെട്ട ശേഷം സലീമ ഒറ്റയ്ക്ക് ആണ്. അവിവാഹിതയാണ് സലീമ. തുടർച്ചയായ കീമോ റേഡിയേഷൻ അങ്ങനെ നീളുകയാണ് ജീവിതം. അതിജീവിക്കാൻ പാടുപെടുന്ന അവസ്ഥയിലാണ് താരം. നിരവധി സിനിമകളിലും ഇടക്ക് ബിസിനസിലേക്കും തിരിഞ്ഞതോടെ വിവാഹത്തെ കുറിച്ച് മറന്നുപോയിരുന്നു സലീമ.

പാരമ്പര്യമായി പകർന്നുലഭിച്ച കഴിവാണ് അഭിനയം. ആന്ധ്രപ്രദേശ് സ്വദേശിയായ കാളേശ്വരീദേവി എന്ന പേരിൽ ആയിരുന്നു ആദ്യം അറിയപ്പെട്ടത്. സിനിമയിൽ എത്തിയതോടെയാണ് ആ പേര് സലീമ എന്നാക്കി മാറ്റി. തെലുഗു സ്റ്റാർ ആയിരുന്ന ഗിരിജയുടെ മകളാണ് സലീമ. താരത്തിന്റ മുത്തശ്ശി തിലകവും അറിയപ്പെടുന്ന നടിയായിരുന്നു.

വളരെ ചെറുപ്പത്തിൽ തന്നെ ലൊക്കേഷനലുകളിൽ ആയിരുന്നു കുഞ്ഞു സലീമയുടെ ജീവിതം. പഠനം കഴിഞ്ഞിട്ടുമതി അഭിനയം എന്ന നിലപാടാണ് അമ്മയും മുത്തശ്ശിയും സലീമയുടെ കാര്യത്തിൽ എടുത്തത്. തുടക്കത്തിൽ തെലുഗു ചിത്രത്തിലൂടെ വന്നെങ്കിലും ശ്രദ്ധിക്കപ്പെട്ടില്ല. പിന്നെ ചില പരസ്യ ചിത്രങ്ങൾ മോഹൻലാൽ ചിത്രം അങ്ങനെ കരിയറിന്റെ ചവിട്ടുപടികൾ ഓരോന്നായി സലീമാ കയറി. ഒടുവിൽ നഖക്ഷതങ്ങളിൽ സംസാരശേഷിയില്ലാത്ത കഥാപാത്രത്തിനെ ഏറ്റവും മനോഹരമാക്കി സലീമ അവതരിപ്പിച്ചു. ഇന്നും ലക്ഷ്മി എന്ന കഥാപാത്രം മലയാളികളുടെ മനസ്സിൽ മായാതെ നിൽക്കുന്നു. പിന്നെയും നിരവധി ചിത്രങ്ങൾ വന്നെങ്കിലും പ്രതീക്ഷിച്ച രീതിയിൽ തിളങ്ങാൻ താരത്തിന് ആയില്ല.

ALSOREAD : പ്രകൃതി എന്ന ഞങ്ങളുടെ മഹാലക്ഷ്മി! പാദപൂജയും അഷ്ടലക്ഷ്മി പൂജയും; തൊണ്ണൂറ്ദിവസത്തെ ചടങ്ങുകൾക്ക് പ്രത്യേകതകളേറെ
വ്യക്തിജീവിതത്തില്‍ പിന്നീട് ഒന്നിന് പിറകെ ഒന്നായി ദുരന്തങ്ങളായി. മുത്തശ്ശിയുടെയും അമ്മയുടെയും മരണം, ബിസിനസിലെ തകര്‍ച്ച അങ്ങനെ സലീമയുടെ ജീവിതം സിനിമകഥപോലെയായി. ഇതിനിടയിൽ വിവാഹം കഴിക്കാനും മറന്നുപോയി എന്ന് പറയുന്നതിൽ തെറ്റില്ല. ഇന്ന് ഒരു ആലംബം ഇല്ലാതെ സലീമ വലയുമ്പോൾ അവരുടെ ആരോഗ്യത്തിനുവേണ്ടി പ്രാർത്ഥനയാണ് ആരാധകർക്ക് നൽകാൻ സാധിക്കുക ഒപ്പം തങ്ങളാൽ കഴിയുന്ന സഹായങ്ങളും.