കാവ്യ മാധവന്‍ ഹാപ്പിയല്ലേ? ചോദ്യത്തിന് നടി നല്‍കിയ മറുപടി, അഭിനയത്തിലേക്ക് തിരിച്ചുവരുമോ?

1 month ago 5
ദിലീപിന്റെ ദേ പുട്ട് എന്ന റസ്റ്റോറന്റിന്റെ പുതിയ ഔട്ട്‌ലട്ട് ഇപ്പോള്‍ ചെന്നൈയിലും തുറന്നിരിക്കുകയാണ്. ഉദ്ഘാടന ചടങ്ങില്‍ ദിലീപിനൊപ്പം ഭാര്യ കാവ്യ മാധവനും മകള്‍ മഹാലക്ഷ്മിയും സുഹൃത്ത് നാദിര്‍ഷയും ഉണ്ടായിരുന്നു. അതീവ സുന്ദരിയായിട്ടാണ് കാവ്യ മാധവന്‍ എത്തിയത്. പഴയ അഴകിനും സൗന്ദര്യത്തിനും ഒരു മാറ്റവുമില്ല. ഇന്നും നോക്കി നിന്ന് പോകുന്ന സൗന്ദര്യമാണ് കാവ്യയുടേത് എന്ന് ആരാധകര്‍ പറയുന്നു.

മീനാക്ഷി പരിപാടിയില്‍ പങ്കെടുത്തിട്ടില്ല. യുകെയിലാണ് മീനാക്ഷി എന്ന് കാവ്യ മാധവന്‍ മാധ്യമങ്ങളോട് പ്രതികരിക്കവെ പറഞ്ഞു. കാവ്യയുടെ സൗന്ദര്യത്തെ വര്‍ണിച്ചപ്പോള്‍ ഹൃദ്യമായ ചിരിയായിരുന്നു നടിയുടെ മറുപടി. ഹാപ്പിയല്ലേ കാവ്യേച്ചീ എന്ന് ചോദിച്ചപ്പോള്‍, അതെന്താ എന്നെ കണ്ടിട്ട് സങ്കടമുള്ളത് പോലെ തോന്നുന്നുണ്ടോ എന്നായിരുന്നു കാവ്യയുടെ മറുപടി.

Samayam Malayalamഎത്ര കാറുണ്ട് എന്ന ചോദ്യത്തിന് ഫഹദ് ഫാസിലിന്റെ മറുപടി, പട്ടിയെ പോലെ പണിയെടുത്ത് ഉണ്ടാക്കിയ കാശിന് വാങ്ങിയതാണ്!
സിനിമയിലേക്ക് തിരിച്ചുവരുമോ, കാവ്യേച്ചിയെ മലയാള സിനിമ മിസ്സ് ചെയ്യുന്നു, ദിലീപേട്ടനൊപ്പമെങ്കിലും ഒരു സിനിമ ചെയ്യൂ എന്നൊക്കെ ആരാധകര്‍ പറയുമ്പോള്‍ ഒന്നിനും കാവ്യ മറുപടി നല്‍കിയില്ല. വരുമെന്നോ, ഇല്ലെന്നോ, താത്പര്യമില്ലെന്നോ ഒന്നും താവ്യ തന്റെ മാനറിസത്തിലൂടെ പോലും പറയാന്‍ തയ്യാറായില്ല.ഒട്ടും പിടിതരാത്ത ഒരു ചിരി മാത്രമായിരുന്നു മറുപടി.

തന്റെ അഞ്ചാം വയസ്സില്‍ സിനിമയിലേക്ക് വന്നതാണ്, വിവാഹത്തിന് ശേഷം കുടുംബവും കുട്ടികളുമായി സ്വകാര്യ ജീവിതം നയിക്കാനാണ് ആഗ്രഹം എന്ന് ആദ്യ വിവാഹത്തിന്റെ സമയത്ത് തന്നെ കാവ്യ പറഞ്ഞിട്ടുള്ളതാണ്. ആ വിവാഹ ബന്ധം വേര്‍പെടുത്തിയതിന് ശേഷമാണ് പിന്നീട് അഭിനയത്തിലേക്ക് വന്നത്. ദിലീപിനെ വിവാഹം ചെയ്തതിന് ശേഷം പൂര്‍ണമായും സിനിമയില്‍ നിന്ന് മാറി നില്‍ക്കുകയാണ്. അടൂര്‍ ഗോപാലകൃഷ്ണന്റെ പിന്നെയും എന്ന ചിത്രത്തിലാണ് ഏറ്റവുമൊടുവില്‍ കാവ്യ അഭിനയിച്ചത്. ദിലീപ് ആയിരുന്നു ചിത്രത്തിലെ നായകന്‍.

സിനിമ മാത്രമല്ല നൃത്തവും കാവ്യ വിവാഹത്തിന് ശേഷം പാടെ ഉപേക്ഷിച്ചു. അഭിനയം പോലെ തന്നെ നൃത്തവും സജീവമായി മുന്നോട്ടു കൊണ്ടു പോയ ആളായിരുന്നു കാവ്യ മാധവന്‍. ഇപ്പോള്‍ അഭിനയനും നൃത്തവും മാറ്റി നിര്‍ത്തിയ കാവ്യ ബിസിനസ്സില്‍ ശ്രദ്ധ കേന്ദ്രീകരിച്ചിരിക്കുന്നത്. ലക്ഷ്യ എന്ന തൻറെ ഓൺലൈൻ സാരി ബിസിനസ്സ് വിജയകരമായി മുന്നോട്ടു കൊണ്ടു പോകുന്ന കാവ്യ, അതുമായി ബന്ധപ്പെട്ട പോസ്റ്റുകളാണ് തൻറെ സോഷ്യൽ മീഡിയ പേജിലും പങ്കുവയ്ക്കുന്നത്. അതിന് ദിലീപിൻറെയും മീനാക്ഷിയുടെയും എല്ലാം ശക്തമായ പിന്തുണയുമുണ്ട്.

Read Entire Article