കുംഭമേളത്തിലെ വൈറൽ താരം മൊണാലിസ ഭോസ്ലെ മലയാളത്തിൽ, ആരുടെ നായികയായിട്ടാണെന്ന് അറിയാമോ?

Authored by: അശ്വിനി പി|Samayam Malayalam•28 Aug 2025, 5:05 pm

മഹാകുംഭ മേളത്തിൽ രുദ്രാക്ഷം വിൽക്കാനായി എത്തിയ പതിനാറു കാരിയുടെ ചിത്രം സോഷ്യൽ മീഡിയയിൽ വൈറലായത് വളരെ പെട്ടന്നായിരുന്നു. അവളുടെ പൂച്ച കണ്ണുകളും, ചിരിയും ആരാധകരെ ആകർഷിച്ചു. പിന്നീട് ഫോട്ടോഗ്രാഫേഴ്സും സിനിമാക്കാരും മൊണാലിസയ്ക്ക് പിന്നാലെയായതോടെ, ഒരു സെലിബ്രേറ്റി ഇമേജും ഭോസ്ലെയ്ക്ക് ലഭിച്ചു

ബോളിവുഡിൽ പല അവസരങ്ങളും മൊണാലിസയെ തേടിയെത്തുന്നു എന്ന വാർത്തകൾക്ക് പിന്നാലെ ഇതാ, താരത്തിന്റെ മലയാളം അരങ്ങേറ്റത്തെ കുറിച്ചുള്ള വാർത്തകൾ വരുന്നു. നാഗമ്മ എന്ന ചിത്രത്തിലൂടെയാണ് മൊണാലിസ മലയാളത്തിലേക്ക് എത്തുന്നത്. ചിത്രത്തിന്റെ പൂജ കഴിഞ്ഞു.

Also Read: അച്ഛനോട് അനുവാദം വാങ്ങിയ ശേഷമാണ് കെൽസി ടെയ്ലർ സ്വിഫ്റ്റിനെ പ്രപ്പോസ് ചെയ്തത്, വിരലിൽ അണിഞ്ഞത് 4.8 കോടിയുടെ വിജ്ര മോതിരം!

നീലത്താമര എന്ന ആദ്യ ചിത്രത്തിലൂടെ തന്നെ പ്രേക്ഷക പ്രിയം നേടിയ കൈലാഷ് ആണ് ചിത്രത്തിലെ നായക വേഷത്തിൽ എത്തുന്നത്. പി ബിനു വർഗീസ് സംവിധാനം ചെയ്യുന്ന ചിത്രം നിർമിയ്ക്കുന്നത് ജീലി ജോർജ് ആണ്. ചിത്രത്തിന്റെ ലോഞ്ച് ഈവന്റിന് സംവിധായകൻ സിബി മലയിൽ അടക്കമുള്ളവർ പങ്കെടുത്തിരുന്നു. സെപ്റ്റംബർ അവസാനത്തോടെ നാഗമ്മയുടെ ഷൂട്ടിങ് ആരംഭിക്കും.

Also Read: എല്ലാ ഓണവും അമ്മയ്ക്ക് ഒപ്പമായിരുന്നു, ഇത്തവണ ചെറിയമാറ്റം; കാണാൻ പറ്റുമ്പോൾ ഒക്കെയും ബിഗ് ബോസ് കാണുന്ന പ്രേക്ഷകനാണ് ഞാൻ

ഇന്റോറിൽ നിന്ന് നൂറ് കിലോമീറ്റർ അകലെയുള്ള മഹേശ്വര എന്ന സ്ഥലത്ത് ജനിച്ചു വളർന്ന പെൺകുട്ടിയാണ് മോണി ബോസ്ലെ. മഹാ കുംഭമേളയിൽ രുദ്രാക്ഷം വിൽപനയ്ക്കെത്തിയ പെൺകുട്ടിയുടെ ഫോട്ടോ സോഷ്യൽ മീഡിയയിൽ വൈറലായതോടെ, അവളുടെ കണ്ണുകളിലെ ആകർഷണം കൊണ്ടു തന്നെ ആളുകൾ അവളെ മൊണാലിസ ബോസ്ലെ എന്ന് വിളിച്ചു. സോഷ്യൽ മീഡിയയിൽ വൻ ചർച്ചാ വിഷയമായ താരം പിന്നീട് ഗംഭീര മേക്കോവർ നടത്തി ഒരു സെലിബ്രേറ്റി സ്റ്റാർഡത്തിലേക്ക് എത്തി. ഇന്ന് സോഷ്യൽ മീഡിയയിൽ ഏഴ് ലക്ഷത്തിലധികം ആളുകൾ മോണി ഭോസ്ലെയെ ഫോളോ ചെയ്യുന്നുണ്ട്. തന്റെ ഫോട്ടോകളും ചിത്രങ്ങളുമെല്ലാം താരം അവിടെ പങ്കുവയ്ക്കുകയും ചെയ്യുന്നു.


ഇപ്പോൾ മോഡലിങ് രംഗത്ത് വളരെ അധികം സജീവമാണ് മൊണാലിസ. സനോജ് മിശ്ര സംവിധാനം ചെയ്യുന്ന ദ ഡയറി ഓഫ് മണിപ്പൂർ എന്ന ബോളിവുഡ് ചിത്രത്തിൽ നായികയായ അഭിനയിക്കുന്നതും മൊണാലിസയാണ്. മ്യൂസിക് ആൽബങ്ങൾ എല്ലാം ഇതിനോടകം ചെയ്തിട്ടുള്ള മോണാലിസയുടെ രണ്ടാമത്തെ സിനിമയാണ് നാഗമ്മ. നേരത്തെ ചെമ്മണ്ണൂർ ജ്വല്ലറിയുടെ ഉദ്ഘാടനത്തിന് വേണ്ടി നടി കേരളത്തിൽ എത്തിയിരുന്നു.