കുടുംബ കലഹത്തിനിടയിൽ വിവാഹ വാർഷികം, ഇത് അച്ഛനും അമ്മയ്ക്കുമുള്ള മറുപടിയോ; ബന്ധം കൂടുതൽ ദൃഢമാക്കി ബ്രൂക്ലിൻ ബെക്കാമും നിക്കോള പെൽറ്റ്സും

Authored by: അശ്വിനി പി|Samayam Malayalam•4 Aug 2025, 2:58 pm

മുൻ അമേരിക്കൻ ഫുട്ബോൾ പ്ലെയർ ഡേവിഡ് ബെക്കാമിന്റെയും ഫാഷൻ ഡിസൈനറും സ്പൈസ് ഗേൾസ് അംഗവുമായ വിക്ടോറിയ ബെക്കാമിന്റെയും മകനാണ് മോഡലും ഫോട്ടോഗ്രാഫറുമായ ബ്രൂക്ലിൻ ബെക്കാം . ഭാര്യ നിക്കോള പെൽറ്റ്സ് മോഡലും നടിയും ശതകോടീശ്വരിയുമാണ്.

എന്നാൽ ഇരുവരും അടുത്തിടെ വാർത്തകളിൽ നിറഞ്ഞത്, അച്ഛൻ ഡേവിഡ് ബെക്കാമിൻരെ അൻപതാം പിറന്നാൾ ആഘോഷത്തിൽ നിന്നും വിട്ടു നിന്നതിനെ തുടർന്നാണ്. കുടുംബ കലഹം കാരണമാണ് താര ദമ്പതികൾ ബർത്ത് ഡേ പാർട്ടിയിൽ നിന്നും വിട്ടു നിന്നത് എന്നായിരുന്നു വാർത്തകൾ.

Also Read: നിക്ക് ജോനസ് ഇല്ല, മകൾക്കൊപ്പം പ്രിയങ്ക ചോപ്ര തിരിച്ചെത്തി; ഈ വരവ് പൃഥ്വിരാജിന്റെ സിനിമയ്ക്ക് വേണ്ടിയോ?

വിവാഹത്തിന് മുൻപേ തന്നെ അമ്മായിയമ്മ വിക്ടോറിയയും മരുമകൾ നിക്കോള പെൽറ്റ്സും തമ്മിൽ പ്രശ്നങ്ങളുണ്ടായിരുന്നുവത്രെ. പിറന്നാളിന് വിക്ടോറിയയും ഡേവിഡും നേരിട്ട് ചെന്ന് വിളിച്ചിട്ടും ബ്രൂക്ലിൻ ബെക്കാമയും നിക്കോള പെൽറ്റ്സും വന്നില്ല എന്ന് പറഞ്ഞായിരുന്നു വിവാദങ്ങൾ.

എന്നാൽ ഇതൊന്നും തന്നെ താരദമ്പതികളെ ബാധിച്ചിട്ടില്ല. തങ്ങളുടെ ദാമ്പത്യ ജീവിതം കൂടുതൽ ദൃഢമാക്കുകയാണ് ബ്രൂക്ലിനും നിക്കോളയും. മൂന്നാം വിവാഹ വാർഷികത്തിന് ബ്രൂക്ലിൻ പങ്കുവച്ച പോസ്റ്റാണ് ഇപ്പോൾ സോഷ്യൽ മീഡിയയിൽ വൈറലാവുന്നത്.

Also Read: ദിലീപേ ഞാൻ വെള്ളിയാഴ്ച വരേ ഉളളൂ അന്ന് ഉച്ച കഴിഞ്ഞു എനിക്ക് പോണം! അറംപറ്റിപ്പോയ വാക്കുകൾ; ആ വിയോഗം വിശ്വസിക്കാനാകാതെ പ്രിയപ്പെട്ടവർ

പ്രിയപ്പെട്ട നിക്കോള, വിവാഹ വാർഷിക ആശംസകൾ പ്രിയേ. ഞാൻ നിന്നെ ഒരുപാട് പ്രണയിക്കുന്നു, ഓരോ നിമിഷവും നിന്നോടുള്ള പ്രണയം കൂടിക്കൊണ്ടിരിയ്ക്കുകയാണ്. നീ എന്നെ നല്ല ഒരു മനുഷ്യനാക്കി, ഇതിലും നല്ല ഒരു പങ്കാളിയെ എനിക്ക് ലഭിക്കില്ല. നീയാണ് എന്റെ ആത്മാവും ബലവും. നിന്നെ ഒരുപാട് പ്രണയിക്കുന്നു- എന്നൊക്കെ പറഞ്ഞുകൊണ്ടാണ് പോസ്റ്റ്. ഇത് തന്റെ മാതാപിതാക്കളെ കൂടുതൽ പ്രകോപിപ്പിക്കുന്നതാണ് എന്ന കമന്റുകളാണ് പോസ്റ്റിന് താഴെ വരുന്നത്.


2019 ൽ ആണ് ബ്രൂക്ലിനും നിക്കോളയും കണ്ടുമുട്ടിയത്. കുറച്ച് മാസങ്ങൾ ഡേറ്റിങ് ചെയ്തതിന് ശേഷം ഇരുവരും ബന്ധം സോഷ്യൽ മീഡിയയിലൂടെ അറിയിച്ചു. 2020 ൽ വിവാഹ നിശ്ചയം കഴിഞ്ഞു, 2022 ൽ ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ മനോഹരമായ ഒരു വിവാഹവും നടന്നു.