കൂളിങ് ഗ്ലാസും വച്ച് കുതിരപ്പുറത്തേറി മഞ്ജു വാര്യര്‍! ഇത് നിയമ വിരുദ്ധമാണെന്ന് നടി ഋതിക സിംഗ്

വയസ്സ് 47, ഇപ്പോഴും എനര്‍ജെറ്റിക് ആയി എന്തെങ്കിലും വ്യത്യസ്തമായി ചെയ്തുകൊണ്ടിരിക്കാന്നു ആള്‍- ആരാണ് എന്ന് ചോദിച്ചാല്‍ രണ്ടാമതൊന്ന് ആലോചിക്കാതെ ഉതത്രം പറയാന്‍ സാധിക്കും അത് മഞ്ജു വാര്യര്‍ ആണെന്ന്. നടി ഏറ്റവുമൊടുവില്‍ തന്റെ ഇന്‍സ്റ്റഗ്രാമില്‍ പങ്കുവച്ച ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്.

ധാവണിയുടുത്ത്, കൂളിങ് ഗ്ലാസും വച്ച് കുതിരപ്പുറത്തേറി വരുന്ന ചിത്രങ്ങളാണ് മഞ്ജു വാര്യര്‍ പങ്കുവച്ചിരിയ്ക്കുന്നത്. മൈ ജി യുടെ ഓണം സ്‌പെഷ്യല്‍ ആഡ് ഫിലിം ഷൂട്ടിനിടയില്‍ എടുത്ത രംഗങ്ങളാണിത്. ആഡ് ഷൂട്ടില്‍ ഒരു സെക്കന്റ് മാത്രമാണ് മഞ്ജു വാര്യരുടെ ഈ സീന്‍ ഉള്ളത്. അത്രയും പ്രൗഢിയോടെയാണ് ആ വരവ്. ലവ് ഇമോജി മാത്രമാണ് ഫോട്ടോകള്‍ക്ക് മഞ്ജു നല്‍കിയിരിക്കുന്ന ക്യാപ്ഷന്‍.

ഒരു നിമിഷം പകച്ചു പോയി! മാളവിക മോഹന്റെയും അഥര്‍വയുടെയും വിവാഹ ചിത്രങ്ങള്‍ വൈറലാവുന്നു; ഇത് റീല്‍ കല്യാണം
ഇത്ര സുന്ദരിയായിരിക്കുന്നത് നിയമവിരുദ്ധമാണെന്ന കമന്റുമായി നടി ഋതിക സിംഗ് എത്തി. ഇരുതി സുട്ര് എന്ന ചിത്രത്തിലൂടെ അഭിമുഖമായി ഇന്ന് ബോളിവുഡ് സിനിമാ ലോകത്ത് നിറഞ്ഞു നില്‍ക്കുന്ന നടിയാണ് റിതിക സംഗ്, അവര്‍ പോലും മഞ്ജു വാര്യരുടെ സൗന്ദര്യത്തില്‍ അസൂയപ്പെടുന്നു എന്ന് കമന്റില്‍ വ്യക്തം. കലക്കി എന്ന കമന്റുമായി ലിസി ലക്ഷ്മിയും എത്തിയിട്ടുണ്ട്.

ഈ വരവ് കാണുമ്പോള്‍ കൃഷ്ണകുടിയില്‍ ഒരു പ്രണയ കാലത്ത് എന്ന ചിത്രവും സമ്മര്‍ ഇന്‍ ബത്‌ലഹേം എന്ന ചിത്രവും, ദയ എന്ന ചിത്രവുമൊക്കെ ഓര്‍മവരുന്നതായി ഓരോ ആരാധകര്‍ പറയുന്നു. എന്ത് തന്നെയായാലും അന്നത്തെ അതേ എനര്‍ജിയും ആവേശവും ഇന്നും മഞ്ജുവില്‍ ഉണ്ട് എന്ന കാര്യത്തില്‍ സംശയമില്ല.

മഞ്ജുവിന്റെ വരാനിരിക്കുന്ന സിനിമകള്‍

ആര്യയ്‌ക്കൊപ്പം തമിഴില്‍ ചെയ്ത മിസ്റ്റര്‍ എക്‌സ് എന്ന ചിത്രമാണ് ഏറ്റവുമൊടുവില്‍ മഞ്ജു വാര്യരുടേതായി പുറത്തിറങ്ങിയത്. ഹാപ്പി ലൂപ്, നേരെ ചൊവ്വേ, ഒടിയന്‍ - ദ എയ്ജ് ഓഫ് ഇല്യൂഷന്‍ എന്നീ ചിത്രങ്ങളാണ് ഇപ്പോള്‍ മലയാളത്തില്‍ മഞ്ജു വാര്യര്‍ ചെയ്തു കൊണ്ടിരിയ്ക്കുന്നത്. ഹിന്ദിയില്‍ അമേരികി പണ്ഡിറ്റ് എന്ന ചിത്രത്തിന്റെ ഷൂട്ടിങ് മഞ്ജു പൂര്‍ത്തിയാക്കിയതാണ്, സിനിമയെ കുറിച്ച് മറ്റ് അപ്‌ഡേഷനുകള്‍ വന്നിട്ടില്ല.

ഇപ്പോൾ സിനിമകളെക്കാൾ തൻറെ ബക്കറ്റ്ലിസ്റ്റ് ആഗ്രഹങ്ങൾ ഓരോന്ന് പൂർത്തിയാക്കുന്ന തിരക്കിലാണ് മഞ്ജു വാര്യർ. ഒറുപാട് യാത്രകൾ ചെയ്യുന്നു, മുൻപ് മാറ്റി വച്ചിരുന്ന ചിത്രകലയും മറ്റും പൊടി തട്ടിയെടുക്കുന്നു, ബൈക്ക് റൈഡ് നടത്തുന്നു അങ്ങനെ പലതും.