കേട്ടത് സത്യം, തൃഷ കൃഷ്ണന്‍ അഭിനയം നിര്‍ത്തുന്നു എന്ന് ചിത്ര ലക്ഷ്മണ്‍; പ്രണയമില്ലെങ്കില്‍ ഒന്നിനും അര്‍ത്ഥമില്ല എന്ന് നടി

തൃഷ കൃഷ്ണന്‍ എന്ത് ചെയ്യുന്നു, എന്താണ് തൃഷയുടെ അടുത്ത സ്റ്റെപ് എന്ന് നോക്കിയിരിക്കുകയാമ് ആരാധകര്‍. സോഷ്യല്‍ മീഡിയയില്‍ വളരെ അധികം ആക്ടീവായ നടി തന്റെ വിശേഷങ്ങള്‍ എല്ലാം സോഷ്യല്‍ മീഡിയയില്‍ ഇന്‍സ്റ്റഗ്രാം സ്‌റ്റോറിയായി പങ്കുവയ്ക്കാറുണ്ട്. അങ്ങനെ പങ്കുവച്ച ഒരു പോസ്റ്റാണ് ഇപ്പോള്‍ ആരാധകര്‍ക്കിടയിലെ ചര്‍ച്ചാ വിഷയം.

പ്രണയമല്ല എല്ലാം, പക്ഷേ പ്രണയമില്ലെങ്കില്‍ ഒന്നിനും അര്‍ത്ഥമില്ല- എന്നാണ് തൃഷ പങ്കുവച്ചിരിയ്ക്കുന്ന ഇന്‍സ്റ്റഗ്രാം സ്റ്റോറി. ഇപ്പോള്‍ ഇതെന്തിനാണ് ഇങ്ങനെ ഒരു പ്രസ്താവനയുടെ കാര്യ കാരണം എന്നാണ് ആരാധകര്‍ ചികയുന്നത്. വിജയ് യുമായി ബന്ധപ്പെട്ട് വന്ന പ്രണയ ഗോസിപ്പുകള്‍ ഇപ്പോഴും തമിഴ് സിനിമ - രാഷ്ട്രീയ മേഖലയില്‍ തചൂടുള്ള വാര്‍ത്തയായി തന്നെ നിലനില്‍ക്കുകയാണ്. അതിനിടയിലാണ് ഇങ്ങനെ ഒരു പോസ്റ്റ് കൂടെ വന്നിരിയ്ക്കുന്നത്.

Also Read: 50 വയസ്സ്! പിറന്നാള്‍ ദിനത്തില്‍ സിമ്രന്റെ സ്റ്റൈലിനെ കുറിച്ച് ഭര്‍ത്താവ് ദീപക് പറഞ്ഞത്? പിറന്നാള്‍ സ്‌പെഷ്യല്‍ ഫോട്ടോഷൂട്ട്

അതിനിടയില്‍ തൃഷ അഭിനയം നിര്‍ത്തുന്നു എന്ന വാര്‍ത്തകളും വന്നുകൊണ്ടിരിക്കുകയാണ്. തൃഷ പുതിയ സിനിമകളൊന്നും കമ്മിറ്റ് ചെയ്യുന്നില്ല, മരണം വരെ അഭിനയിക്കണം എന്ന് പറഞ്ഞ ആള്‍, അഭിനയത്തിന് വേണ്ടി വിവാഹം പോലും വേണ്ട എന്ന് പറഞ്ഞ ആള്‍ അഭിനയം നിര്‍ത്തുകയാണ് എന്ന് പറഞ്ഞ് പല വാര്‍ത്തകളും ഇതിനോടകം സോഷ്യല്‍ മീഡിയയില്‍ വൈറലായിരുന്നു.

ഇപ്പോഴിതാ നടനും നിര്‍മാതാവുമായ ചിത്ര ലക്ഷ്മണ്‍ വിഷയത്തില്‍ പ്രതികരിക്കുന്നു. തൃഷ അഭിനയം നിര്‍ത്തുന്നു എന്നത് സത്യമാണ്, അപ്രോച്ച് ചെയ്തപ്പോള്‍ തൃഷ സിനിമകള്‍ നിരസിച്ചതായി ചില നിര്‍മാതാക്കള്‍ തന്നോട് പറഞ്ഞു എന്നാണ് ചിത്ര ലക്ഷ്മണ്‍ പറയുന്നത്.

ഒരു അഭിനേത്രി എന്ന നിലയില്‍ മരണം വരെ എനിക്ക് അഭിനയിക്കണം, നായിക റോള്‍ തന്നെ വേണം എന്ന യാതൊരു നിര്‍ബന്ധവുമില്ല, മികച്ച റോളുകള്‍ ചെയ്താല്‍ മതി എന്നാണ് തൃഷ നേരത്തെ പറഞ്ഞിരുന്നത്. അതേ സമയം തമിഴ്‌നാട് മുഖ്യമന്ത്രിയാവണം എന്നതാണ് തന്റെ ആഗ്രഹം എന്നും തൃഷ പറഞ്ഞിരുന്നു. വിജയ് രാഷ്ട്രീയത്തിലേക്കിറങ്ങുന്ന പശ്ചാത്തലത്തില്‍, തൃഷ അഭിനയം നിര്‍ത്തുന്നു എന്ന വാര്‍ത്ത ഇതുമായി ബന്ധപ്പെട്ടാണ് പലരും വായിക്കുന്നത്.

സൂര്യയുടെ നായികയായി അഭിനയിക്കുന്ന കറുപ്പ് ആണ് തൃഷ ഏറ്റവുമൊടുവില്‍ അഭിനയിച്ച സിനിമ. വിശ്വംഭര എന്ന തെലുങ്ക് ചിത്രത്തിന്റെ അഭിനയവും തൃഷ പൂര്‍ത്തിയാക്കിയതാണ്. മോഹന്‍ലാല്‍ - ജീത്തു ജോസഫ് സംവിധാനത്തിലൊരുങ്ങിയ രാം എന്ന ചിത്രം തൃഷ പൂര്‍ത്തിയാക്കിയതാണ്. ചിത്രം റിലീസിങ് പ്രതിസന്ധിയിലാണ്.