കേണൽ തമ്പുരാന്റെ ഭാര്യ നവാബിന്റെ ജീവിത സഖി! അമേരിക്കയിലെ ജീവിതവും തിരിച്ചുവരവും; പൂജ ബത്രയെ മറന്നോ

അമ്മൂമ്മക്കിളി വായാടി എന്ന ഗാനം ഇന്നും മലയാളികൾ കേൾക്കുമ്പോൾ ആദ്യം ഓർമ്മ വരിക പൂജയുടെ രൂപം ആയിരിക്കും. മോഡലിങ്ങിലും ഏറെ ശ്രദ്ധ പതിപ്പിച്ച പൂജ ആദ്യ വിവാഹത്തോടെയാണ് അഭിനയത്തിൽ നിന്നും ഇടവേള എടുക്കുന്നത്. രണ്ടാം വരവ് നടത്തിയെങ്കിലും വേണ്ടുന്ന രീതിയിൽ ശോഭിക്കാൻ പൂജക്ക് സാധിച്ചില്ല.

ഡോക്ടർ സോനുവും ആയുള്ള ആദ്യവിവാഹബന്ധം വേർപെടുത്തിയ പൂജ 2019 ൽ നടൻ നവാബ് ഷായെ വിവാഹം ചെയ്തു. പ്രണയവിവാഹം ആയിരുന്നു ഇവരുടേത്. ഏറെ സ്വകാര്യമായ ചടങ്ങ് ആക്കി നടത്താൻ ആയിരുന്നു പൂജയും ഷായും ആദ്യം പ്ലാൻ ഇട്ടത് എന്നാൽ പിന്നയത് വലിയ ചടങ്ങായി. വീട്ടുകാരുടെ നിർബന്ധം കൊണ്ടാണ് ഇത്രവേഗം വിവാഹം ചെയ്തത് എന്നൊരിക്കൽ പൂജ നാഷണൽ മീഡിയക്ക് നൽകിയ അഭിമുഖത്തിൽ പറഞ്ഞിരുന്നു

പൂജ അഭിനയ ജീവിതം ആരംഭിച്ച കാലം മുതൽ ഇരുവർക്കും പരസ്പരം അറിയാമായിരുന്നു. ഒരുമിച്ച് കരിയർ ആരംഭിച്ചവർ. ഒരുമിച്ച് പാർട്ടി നടത്തുകയും കോമൺ ഫ്രെണ്ട്സുമായി തമ്മിൽ കാണുകയും ചെയ്തിരുന്നു. ഇതിനിടയിൽ പൂജയുടെ വിവാഹം നടന്നു പിന്നാലെ ഡിവോഴ്‌സും. എന്നാൽ വിധി ഇരുവരെയും വീണ്ടും ബന്ധിപ്പിച്ചു.ഒരു കോമൺ ഫ്രണ്ട് ആണ് ഇരുവരെയും ഒരുമിച്ചാക്കിയത്.

വിവാഹം കഴിഞ്ഞവേളയിൽ പൂജ നൽകിയ അഭിമുഖത്തിലാണ് നവാബിന് ഇത് ആദ്യവിവാഹം ആണെന്നും തനിക്ക് സെക്കൻഡ് മാര്യേജ് എന്നും പൂജ പറഞ്ഞത്. തമ്മിലുള്ള ഒരു പ്രത്യേക വൈബാണ് ഞങ്ങളുടെ ജീവിതം മനോഹരമാക്കുന്നതെന്നാണ് പൂജ പറയുന്നത്. തങ്ങൾ രണ്ടാളും പൊസെസീവ് ആയ ആളുകൾ ആണെന്നും പൂജ പറയുന്നു. തനിക്ക് ഭർത്താവ് എന്നതിലുപരി തന്റെ അടുത്ത സുഹൃത്താണ് നവാബ് എന്നും പൂജ കൂട്ടിച്ചേർത്തു