കേരളത്തിന്റെ കുഞ്ഞമ്മ എന്ന് വിളിച്ചു കേൾക്കുന്നതിൽ ദുഖമില്ല! ആ കുട്ടിക്ക് എന്നെ എന്ത് വേണമെങ്കിലും വിളിക്കാം

Authored by: ഋതു നായർ|Samayam Malayalam•19 Aug 2025, 2:22 pm

ട്രോളുകൾക്ക് മറുപടിയുമായി ഇഷാനി കൃഷ്ണ . കുറെ നാളുകൾക്ക് മുൻപാണ് സ്വന്തം ചാനലിലൂടെ ഒരു പ്രസ്താവന ഇഷാനി നടത്തിയത്. ഇത് കേരളത്തിൽ വമ്പൻ ട്രോളുകൾ നേടികൊടുക്കുകയും ചെയ്തു. ഓസിയുടെ മകൻ തന്നെ കയറി കുഞ്ഞമ്മ എന്നൊന്നും വിളിക്കുന്നത് സങ്കൽപ്പിക്കാൻ ആകില്ല, തന്നെ കുട്ടി അമ്മ എന്നൊക്കെ വിളിക്കുന്നത് സങ്കൽപ്പിക്കാൻ ആകില്ല എന്നായിരുന്നു ഇഷാനിയുടെ വാക്കുകൾ. എന്നാൽ പിന്നീട് ഈ വീഡിയോ വലിയ രീതിയിൽ വൈറൽ ആവുകയും കേരളത്തിന്റെ കുഞ്ഞമ്മ ആണ് ഇഷാനി എന്ന പേരിൽ ട്രോളും വന്നു തുടങ്ങി. ഇപ്പോൾ ആ പേര് കേൾക്കുമ്പോൾ നിങ്ങൾക്ക് എന്ത് തോനുന്നു എന്ന ചോദ്യത്തിന് മറുപടി നൽകുകയാണ് ഇഷാനി.

ഞാൻ അത് ഫൺ ആയി പറഞ്ഞ കാര്യമാണ്. എന്നാൽ ഇത്രയും ആളുകൾ അത് ഏറ്റെടുക്കും എന്ന് എനിക്ക് തോന്നിയില്ല. ഇപ്പോൾ കേരളത്തിന്റെ കുഞ്ഞമ്മ എന്ന് കേൾക്കുമ്പോൾ സങ്കടം ഒന്നും തോന്നാറില്ല. സന്തോഷത്തോടെ അത് ഏറ്റെടുക്കുന്നു. നമ്മുടെ വീട്ടിൽ തന്നെ അച്ഛൻ അച്ഛന്റെ ചേട്ടനെ പേരാണ് വിളിക്കുന്നത് . അമ്മയെ അനുജത്തി പേരാണ് വിളിക്കുന്നത്. ഞാൻ എന്റെ ചേച്ചിമാരേയും പേരാണ് വിളിക്കുന്നത്. ആ കുട്ടിഎന്നെ എന്താണ് വിളിക്കുന്നതെന്ന് അവൻ തീരുമാനിക്കട്ടെ; ഇഷാനി പറയുന്നു.

ALSO READ: വയസ്സ് 24 ആയി എങ്കിലും, ഇഷാനിയെ ഇപ്പോഴും നല്ല ഡ്രസ്സുടുപ്പിച്ച് ഒരുക്കുന്നത് സിന്ധു കൃഷ്ണ തന്നെ! ചിത്രങ്ങൾ വൈറൽപുതിയ മൂവി ആശകൾ ആയിരത്തിന്റെ പൂജക്ക് എത്തിയതായിരുന്നു ഇഷാനി. കാളിദാസിന്റെ നായിക ആയിട്ടാണ് ഇഷാനി സ്‌ക്രീനിൽ നിറയാൻ പോകുന്നത്. എന്നാൽ ഇതിനുമുൻപും അവസരങ്ങൾ വന്നിരുന്നു. നല്ല റോളിനായി കാത്തിരിക്കുകയായിരുന്നു എന്നാണ് മാധ്യമപ്രവർത്തകരുടെ ചോദ്യങ്ങൾക്ക് ഇഷാനി മറുപടി നൽകിയത്. കൊച്ചിയിൽ വച്ചുനടന്ന ചിത്രത്തിന്റെ പൂജക്ക് അമ്മ സിന്ധു കൃഷ്ണക്ക് ഒപ്പമാണ് ഇഷാനി എത്തിയത്.

ALSO READ: എനിക്ക് കഞ്ഞി കുടിച്ചുപോകണം അത്രേം വേണ്ടൂ! വയസ്സായില്ലേ എന്നെ ആരും വിളിക്കുന്നില്ല; എന്തുകൊണ്ട് സിനിമയില്ലെന്ന് ചോദ്യം; മറുപടിഇഷാനിക്കും കാളിദാസിനും പുറമെ ആശകൾ ആയിരം ചിത്രത്തിൽ ആശാ ശരത്, ആനന്ദ് മന്മദൻ, ഷിൻഷാ തുടങ്ങിയ താരങ്ങളും മറ്റു യുവപ്രതിഭകളും അണിനിരക്കുന്നു. ഒരു വടക്കൻ സെൽഫിയിലൂടെ മലയാള സിനിമാ പ്രേമികൾക്ക് സുപരിചിതനായി മാറിയ ജി. പ്രജിത് ആണ് ആശകൾ ആയിരം സംവിധാനം ചെയ്യുന്നത്. ജൂഡ് ആന്റണി ജോസഫ് ആണ് ചിത്തത്തിന്റെ ക്രിയേറ്റിവ് ഡയറക്‌ടർ.