കൊടുത്ത വസ്ത്രം ഇഷ്ടപ്പെട്ടില്ല, നയന്‍താരയും സുന്ദര്‍ സിയും തമ്മിലുള്ള വഴക്ക്, മൂക്കുത്തി അമ്മന്റെ ഷൂട്ടിങ് നിര്‍ത്തി വച്ചു! പ്രശ്‌നത്തെ കുറിച്ച് നിര്‍മാതാവ്

Authored byഅശ്വിനി പി | Samayam Malayalam | Updated: 25 Mar 2025, 1:01 pm

Samayam Malayalamസുന്ദർ സിയും നയൻതാരയും തമ്മിലുള്ള പ്രശ്നം?

മൂക്കുത്തി അമ്മന്‍ എന്ന സിനിമയുടെ രണ്ടാം ഭാഗത്തിന്റെ പൂജ കഴിഞ്ഞത് മുതല്‍ പല തരത്തിലുള്ള വിവാദങ്ങളുടെ വാര്‍ത്തകളാണ് പുറത്തുവരുന്നത്. ആര്‍ ജെ ബാലാജി സംവിധാനം ചെയ്ത് 2020 ല്‍ പുറത്തിറങ്ങിയ ചിത്രമാണ് മൂക്കുത്തി അമ്മന്‍. ചിത്രത്തില്‍ ദൈവിയായിട്ടാണ് നയന്‍ എത്തിയത്. സിനിമയുടെ രണ്ടാം ഭാഗം ഒരുക്കുന്നത് സുന്ദര്‍ സി ആണ്. നയന്‍താരയും നിര്‍മാണ പങ്കാളിയായ ചിത്രത്തിന്റെ പൂജ മാര്‍ച്ച് ആറിന് പ്രൗഢ ഗംഭീരമായി നടന്നു.

Also Read: പ്രാവിന്‍കൂട് ഷാപ്പും പൈങ്കിളിയും അടക്കം ഓടിടിയില്‍ ഉടന്‍ വരാന്‍ പോകുന്ന സിനിമകളും വെബ് സീരീസുകളും ഏതൊക്കെ?

പൂജയ്ക്ക് ശേഷം നയന്‍താരയും മീനയും തമ്മില്‍ പിണക്കം, നയന്‍താര മീനയെ അവഘമിച്ചു, ഖുശ്ബു നയന്‍താരയെ തരംതാഴ്ത്തി സംസാരിച്ചു എന്നൊക്കെയുള്ള വാര്‍ത്തകള്‍ വന്നിരുന്നു. ഇപ്പോഴിതാ, മൂക്കുത്തി അമ്മന്റെ സംവിധായകനും നയന്‍താരയും തമ്മിലുള്ള പ്രശ്‌നം, ചിത്രത്തിന്റെ ഷൂട്ടിങ് മാറ്റിവച്ചു എന്നൊക്കെയുള്ള വാര്‍ത്ത പുറത്തുവരുന്നു. പ്രശ്‌നം പരിഹരിച്ചു എന്നാണ് ഏറ്റവുമൊടുവില്‍ നിര്‍മാതാക്കളില്‍ ഒരാളായ ഇഷാരി കെ ഗണേഷിന്റെ വിശദീകരണം.

Also Read: ഒരു ദുരുദ്ദേശവും എനിക്കുണ്ടായിരുന്നില്ല, വേദനിപ്പിക്കാനല്ല, അസൂയ കൊണ്ടുമല്ല; എലിസബത്തിനോട് കേണപേക്ഷിച്ച് അഭിരാമി, മാപ്പ്! അമ്മയുടെ കരച്ചില്‍ സഹിക്കാന്‍ പറ്റുന്നില്ല

കൊടുത്ത വസ്ത്രത്തിന്റെ പേരില്‍ നയന്‍താരയും അസിസ്റ്റന്റ് ഡയരക്ടറും തമ്മില്‍ വാഗ്വാദം നടന്നു. സെറ്റിനെ മുഴുവന്‍ അത് ബാധിച്ചതില്‍ സംവിധായകന്‍ സുന്ദര്‍ സി ടെന്‍ഷനാവുകയും മൊത്തത്തില്‍ ഷൗട്ട് ചെയ്യുകയും ചെയ്തു. തുടര്‍ന്ന് ഷൂട്ടിങ് നിര്‍ത്തി വയ്ക്കുകയായിരുന്നു. അതിന് ശേഷം നയന്‍താര അഭിനയിക്കാന്‍ തയ്യാറല്ല എന്നറിയിക്കുകയും, പകരം തമന്ന ഭട്ടിയയെ മൂക്കുത്തി അമ്മനായി പരിഗണിക്കുകയും ചെയ്തു എന്നായിരുന്നു വാര്‍ത്തകള്‍.

Also Read: എത്ര ആലോചിച്ചിട്ടായിരിക്കും സായി പല്ലവി ഈ തീരുമാനം എടുത്തത്, കാലങ്ങള്‍ക്ക് ശേഷം നടി പങ്കുവച്ച ഫോട്ടോകള്‍

ഈ ഗോസിപ്പിന് ഇടയിലാണ് ഇഷാരി കെ ഗണേഷിന്റെ വിശദീകരണം. നയന്‍താരയെ വിളിപ്പിക്കുകയും സംസാരിച്ച് പ്രശ്‌നം പരിഹരിക്കുകയും ചെയ്തു. പൊള്ളാച്ചിയില്‍ വച്ച് പ്ലാന്‍ ചെയ്തിരുന്ന ഷൂട്ടിങ് ഷെഡ്യൂള്‍ കാന്‍സല്‍ ചെയ്യുകയും , ചെന്നൈയിലെ അളപക്കത്തുള്ള പൊന്നിയമ്മന്‍ ക്ഷേത്രത്തില്‍ അടുത്ത ഷെഡ്യൂള്‍ ഷൂട്ടിങ് പ്ലാനിടുകയും ചെയ്തു. താത്കാലികമായി ഷൂട്ടിങില്‍ പ്രശ്‌നമുണ്ടായിരുന്നുവെങ്കിലും ഇപ്പോള്‍ എല്ലാം പരിഹരിച്ച് മുന്നോട്ടുപോകുകയാണെന്നാണ് നിര്‍മാതാവിന്റെ വിശദീകരണം.