കോട്ടയത്തിന്റെ സ്വന്തം 916 അച്ചായൻ! എനിക്ക് വിശക്കുന്നുവെന്ന് ഒരാളും ഇവിടെ പറയാൻ പാടില്ല; ധ്യാൻ എത്തിയ ഷോപ്പിന്റെ വിശേഷങ്ങൾ

Authored by: ഋതു നായർ|Samayam Malayalam•4 Aug 2025, 4:45 pm

സോഷ്യൽ മീഡിയ വഴി മലയാളികൾക്ക് സുപരിചിതമായ മുഖം ആണ് കോട്ടയംകാരൻ അച്ചായൻ ടോണി വള്ളിയാലിൽ. ഇൻസ്റ്റയിലും യൂട്യൂബിലും മറ്റുമായി നിരവധി ഫോളോവേഴ്‌സുള്ള അച്ചായൻ ഒരു ദിവസം നാനൂറോളം പേർക്കാണ് ഭക്ഷണം കൊടുക്കുന്നത്. നിരവധി അപവാദങ്ങൾ കേൾക്കുന്നു, കുത്തുവാക്കുകൾ കേൾക്കുന്നു എങ്കിലും തന്റെ കർമ്മ മേഖല പാവങ്ങളെ സഹിഹായിക്കുന്നതാണെന്ന് ടോണി പറയും.

എനിക്ക് കിട്ടുന്ന വരുമാനത്തിന്റെ ഒരു പങ്ക് സമൂഹത്തിൽ ബുദ്ധിമുട്ടുന്നവർക്ക് നൽകുന്നതിനേക്കാൾ പുണ്യം മറ്റൊന്ന് ഉണ്ടെന്ന് വിശ്വസിക്കുന്നില്ല ; എന്ന് സമൂഹ മാധ്യമത്തിൽ രേഖപെടുത്തുക മാത്രമല്ല, പാവങ്ങൾക്ക് വേണ്ടി നിലകൊള്ളുകയും ചെയ്യുന്ന വ്യക്തിത്വം ആണ് അച്ചായൻ.

കോട്ടയം തിരുനക്കരയിൽ തന്റെ നാട്ടിൽ ആരും പട്ടിണി കിടക്കരുത് എന്ന് ആഗ്രഹിക്കുന്ന അച്ചായൻ തന്റെ സ്വത്തിന്റെ ഒരു പങ്കാണ് പാവപെട്ട അർഹതപ്പെട്ട ആളുകൾക്ക് വേണ്ടി എത്തിക്കുന്നത്. ഇക്കഴിഞ്ഞ ദിവസം ആണ് അച്ചായൻസ് ഗോൾഡിന്റെ പുതിയ ഷോ റൂം ഉദ്ഘടനത്തിനു നടൻ ധ്യാൻ ശ്രീനിവാസൻ കോട്ടയത്തേക്ക് എത്തിയത്. അപ്പോഴാണ് ടോണിയുടെ വിശേഷങ്ങൾ കൂടി സോഷ്യൽ മീഡിയയിൽ നിറഞ്ഞത്.

ALSO READ: ആത്മഹത്യ ചെയ്യാൻ എനിക്ക് തോന്നിയിട്ടുണ്ട്; ബിഗ് ബോസിലേക്ക് പോകുന്നതിന് മുൻപ് അനുമോൾ പറഞ്ഞത്, കരച്ചിൽ വന്നാൽ കരയും!

സ്വപ്നക്കൂട് സിനിമയിലെ പൃഥ്വി രാജ് അവതരിപ്പിച്ച അച്ചായനെ കണ്ടപ്പോൾ മുതൽക്കാണ് തന്റെ ബ്രാൻഡിനും ഇതേ പേര് ടോണി നൽകിയത്. ആരെങ്കിലും പരിഹസിച്ചാൽ ആ പരിഹാസം പോലും തന്റെ വളർച്ചയ്ക്കുള്ള വളമായിട്ടാണ് ടോണി ചിന്തിക്കുക. ഇതിനകം നിർധനരായ നിരവധി പെൺകുട്ടികൾക്ക് വിവാഹം നടത്തികൊടുത്തു അച്ചായൻ, ഒപ്പം ബസ് സ്റ്റാൻഡ് പുനരുദ്ധാരണം നിര്ധനരായ ആളുകൾക്ക് വീടുവച്ചുകൊടുക്കൽ, ദിവസവും നാനൂറോളം പേർക്കുള്ള അന്നദാനം ഒക്കെയും ടോണി നടത്തുന്നുണ്ട്. തന്റെ സോഷ്യൽ മീഡിയ ഹാൻഡിൽ ഒരിക്കലും ബ്രാൻഡ് പ്രമോഷനുവേണ്ടി ടോണി ഉപയോഗിക്കാറില്ല. പകരം പാവപ്പെട്ടവരെ സഹായിക്കുന്ന വിശേഷങ്ങൾ മാത്രമാണ് അച്ചായൻ പങ്കിടാറുള്ളത്.

ALSO READ: പവർഫുൾ സ്ത്രീയാണ് മല്ലിക! ഖത്തറിലെ ബിസിനസ്; അശോക് നഗറിലെ മൂന്നുനില വീട്; കോടികൾ വിലവരുന്ന സാമ്രാജ്യം വിട്ടുകളയാതെ താരപത്നി

കേരളത്തിൽ മുപ്പതോളം ഷൂറൂമുകൾ അച്ചായന്റെ ജ്യൂലറിക്കുണ്ട്. ടോണിയുടെ അച്ഛൻ തുടങ്ങിവച്ച ഷോപ്പിൽ നിന്നും ആണ് കേരളം മുഴുവൻ അറിയുന്ന നിലയിലേക്ക് ടോണി വളർന്നത്. 2017 ൽ തുടങ്ങിയതാണ് ടോണി. ഇപ്പോൾ ചാരിറ്റി പ്രവർത്തനങ്ങളിൽ ആണ് ടോണി കൂടുതൽ ശ്രദ്ധിക്കുന്നത്. പബ്ലിസിറ്റി കിട്ടാൻ വേണ്ടിയാണു ടോണി വിശക്കുന്നവന് അന്നം കൊടുക്കുന്നത് എന്നുള്ള പരിഹാസത്തിന് ടോണി നൽകുന്ന മറുപടി ഇങ്ങനെ ആകും; എന്നെ പരിഹസിക്കുന്ന ഒരാൾക്കെങ്കിലും ആർക്കെങ്കിലും എന്തെങ്കിലും നന്മ ചെയ്യാൻ സാധിക്കുന്നുണ്ടോ? എന്ന്.