ഗോസിപ്പുകൾ അല്ല, അത് സത്യം തന്നെ! മൂന്ന് വർഷത്തിന് ശേഷം ബ്ലാക്ക്പിങ്കിന്റെ ആൽബം വരുന്നു, വൈജി സ്ഥിരീകരിച്ചു

5 months ago 6

Authored by: അശ്വിനി പി|Samayam Malayalam•18 Aug 2025, 12:59 pm

രണ്ട് മാസത്തിനകം ബ്ലാക്ക് പിങ്കിന്റെ പുതിയ ആൽബം വരും എന്ന വാർത്തകൾ നേരത്തെ പുറത്തുവന്നിരുന്നു. മൂന്ന് വർഷത്തിന് ശേഷം വരുന്ന ഗേൾസ് ടീമിന്റെ ആൽബത്തിന് വേണ്ടി ആരാധകരും പ്രതീക്ഷയോടെ കാത്തിരുന്നു

ബിടിഎസിനൊപ്പം കൊറിയൻ സംഗീത ലോകത്ത് ഏറ്റവും അധികം ചർച്ചയാവുന്ന മ്യൂസിക് ബാന്റ് ആണ് ബ്ലാക്ക്പിങ്ക്. ജിസൂ, റോസ്, ജെന്നി, ലിസ എന്നീ നാല് പെൺകുട്ടികൾ അടങ്ങുന്ന ടീമിന്റെ പാട്ടുകൾ ഇങ്ങ് കേരളത്തിലും സോഷ്യൽ മീഡിയയിൽ വൈറലാണ്. ഇപ്പോൾ തങ്ങളുടെ ഡെഡ് ലൈൻ വേൾഡ് ടൂറിലാണ് നാൽവർ സംഘം. അതിനിടയിൽ ഇതാ പുതിയ ആൽബത്തിന്റെ സ്ഥിരീകരണം

2022 ൽ പുറത്തിങ്ങിയ BORN PINK ന് ശേഷം അടുത്ത ഒരു ആൽബത്തിനായി ആരാധകർ അക്ഷമരായി കാത്തിരിയ്ക്കുകയായിരുന്നു. അതിനിടയിൽ കഴി‌ഞ്ഞ ദിവസങ്ങളിൽ, മൂന്ന് വർഷത്തെ ഇടവേളയ്ക്ക് ശേഷം ബ്ലാക്ക്പിങ്കിന്റെ പുതിയ ആൽബം വരുന്നു എന്ന വാർത്തകൾ പുറത്തുവന്നു. അതിന്റെ ഫോട്ടോഷൂട്ടുകൾ പൂർത്തിയായി, രണ്ട് മാസത്തിനുള്ളിൽ ആൽബം പുറത്തുവരും എന്നായിരുന്നു പ്രചരിച്ചത്.

Also Read: അപർണ ബാലമുരളി അത്രയും സീരിയസ് ആയ പ്രശ്നത്തിലാണോ? ആസിഫ് അലിയും അപർണയും ഒന്നിക്കുന്ന മിറാഷിന്റെ ടീസർ പുറത്തിറങ്ങി

ഗോസിപ്പ് ആണോ അല്ലയോ എന്ന സംശയം നിലനിൽക്കെ ബ്ലാക്ക്പിങ്കിന്റെ ഏജൻസിയായ വൈജി, സോഷ്യൽ മീഡിയയിൽ ഒരു പോസ്റ്റും പങ്കുവച്ചു. ശരിയായ അപ്ഡേഷന് വേണ്ടി കാത്തിരിയ്ക്കൂ എന്നായിരുന്നു പോസ്റ്റ്. ഇപ്പോഴിതാ ശരിയായ അപ്ഡേറ്റ് വൈജിയുടെ സ്ഥാപകൻ യാങ് ഹ്യൂൺ-സുക് പുറത്തുവിട്ടിരിയ്ക്കുന്നു. കേട്ടത് സത്യമാണ്, ബ്ലാക്ക്പിങ്കിന്റെ പുതിയ ആൽബം വരുന്നു.

Also Read: അനൂനെ വച്ചുനോക്കുമ്പോൾ രേണു ചേച്ചിയൊക്കെ എത്രയോ ഭേദമാണ്; ഭയങ്കര ഫേക്ക് എനിക്ക് ആക്സെപ്റ്റ് ചെയ്യാനാകില്ലെന്ന് അപ്പാനി

ബ്ലാക്ക്പിങ്കിന്റെ ആൽബത്തിനായി ഒരുപാടു പേർക്ക് ക്യൂരിയോസിറ്റിയുണ്ട്. എനിക്കറിയാം, ബ്ലാക്ക്പിങ്ക് അംഗങ്ങളും അവരുടെ നിർമാതാക്കളും വളരെ കഷ്ടപ്പെട്ട് അതിന് വേണ്ടി പ്രവൃത്തിയ്ക്കുന്നുണ്ട്. അവസാനം നവംബറിൽ ആൽബം പുറത്തുവരും എന്ന് പ്രതീക്ഷിക്കുന്നു, അതിനാണ് ഞാൻ ശ്രമിച്ചുകൊണ്ടിരിയ്ക്കുന്നത്- വൈജിയുടെ സ്ഖാപകൻ യാങ് ഹ്യൂൺ സുക്ക് പറഞ്ഞു.

Canada Economic Crisis: കാനഡയിൽ സാമ്പത്തിക മാന്ദ്യം; വളർത്തുമൃഗങ്ങൾ ഉപേക്ഷിക്കപ്പെടുന്നു, കാരണങ്ങൾ ഞെട്ടിക്കുന്നത്!

ബ്ലാക്ക്പിങ്ക് താരങ്ങളിടെ യൂറോപ് ഡെഡ് ലൈൻ വേൾഡ് ടൂർ പൂർത്തിയായതാണ് റിപ്പോർട്ടുകൾ. പുതിയ ഷോ ഷെഡ്യൂൾ ചെയ്തിട്ടില്ല. ഈ ബ്രേക്കിൽ നാലു പേരും സൗത്ത് കൊറിയയിലേക്ക് തിരിച്ചു പോകും, പുതിയ ആൽബത്തിന്റെ റിലീസിന് ശേഷം ഡെഡ് ലൈൻ വേൾഡ് ടൂർ വീണ്ടും ആരംഭിക്കുമത്രെ. അത് കയോങിൽ നിന്ന് തുടങ്ങി, കൂടുതൽ ഏഷ്യൻ രാജ്യങ്ങൾ എല്ലാം കവർ ചെയ്ത് ഹോങ്കോക്കിൽ, 2026 ജനുവരിയോടെ അവസാനിക്കും എന്നാണ് റിപ്പോർട്ടുകൾ.

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക