ചാലിപ്പുഴയിലും ഇരുവഞ്ഞിപ്പുഴയിലും ജലനിരപ്പ് ഉയർന്നു; മലബാർ ‌റിവർ ഫെസ്റ്റ് രാജ്യാന്തര വൈറ്റ് വാട്ടർ കയാക്കിങ് മത്സരം റദ്ദാക്കി

മൂന്നാംദിവസമായ ഞായറാഴ്ച ഇലന്തുകടവിലാണ് മത്സരങ്ങൾ നടക്കേണ്ടിയിരുന്നത്. ഈ മത്സരങ്ങൾ കനത്ത മഴയെ തുടർന്ന് പുലിക്കയത്തേക്ക് മാറ്റാൻ തീരുമാനിച്ചിരുന്നു. എന്നാൽ ചാലിപ്പുഴയിലും മലവെള്ളപ്പാച്ചിൽ രൂക്ഷമായതോടെയാണ് സാങ്കേതിക വിഭാഗം പരിശോധന നടത്തുകയും മത്സരം നടത്താനാവില്ലെന്ന് കലക്ടർ എം.എസ്.മാധവിക്കുട്ടിയെ അറിയിക്കുകയും ചെയ്തത്. തുടർന്നാണ് മത്സരങ്ങളും പൊതുപരിപാടികളും റദ്ദാക്കിയതായി കലക്ടർ പ്രഖ്യാപിച്ചത്.

മഴ കുറഞ്ഞതിനുശേഷം മറ്റൊരു ദിവസത്തേക്ക് ഫൈനലുകൾ മാറ്റിവയ്ക്കുന്നതു സംബന്ധിച്ച ചർച്ചകളും നടന്നിരുന്നു. എന്നാൽ വിദേശ താരങ്ങളും ഉത്തരേന്ത്യൻ താരങ്ങളുമടക്കം 73 പേരാണ് മത്സരിക്കാൻ കോടഞ്ചേരിയിൽ എത്തിയത്. ഇവരിൽ പലരും ഞായറാഴ്ച രാത്രിയും തിങ്കളാഴ്ചയുമായി തിരികെ സ്വന്തം രാജ്യത്തേക്ക് പോവാൻ ടിക്കറ്റെടുത്തിട്ടുണ്ട്. മത്സരങ്ങൾക്ക് സാങ്കേതിക പിന്തുണ നൽകുന്ന സംഘടനകളുമായും സുരക്ഷാടീമുകളുമായുമുള്ള കരാറും ഞായറാഴ്ച രാത്രിയോടെ അവസാനിച്ചതാണ്. ഈ അവസ്ഥയിൽ ഫൈനൽ മത്സരങ്ങൾ നടത്താൻ സാങ്കേതികപ്രശ്നം നേരിട്ടതോടെയാണ് 12–ാം സീസണിലെ ബാക്കി മത്സരങ്ങൾ റദ്ദാക്കിയതെന്ന് കേരള അഡ്വഞ്ചർ ടൂറിസം പ്രമോഷൻ കൗൺസിൽ സിഇഓ ബിനു കുര്യാക്കോസ് പറഞ്ഞു.

English Summary:

Malabar River Festival has been cancelled owed to the unprecedented emergence successful stream h2o levels caused by dense rainfall. The International White Water Kayaking Championship successful Kozhikode, primitively scheduled for Chalipuzha and Iruvanhipuzha rivers, had to beryllium called disconnected aft archetypal rounds, impacting participants and information arrangements.