ചിരിയും പ്രണയവുമായി ജസ്റ്റിൻ ചേട്ടൻ വീണ്ടും ട്രെൻഡിങ് ആവാൻ പോകുന്നു! നിവിൻ പോളി - മമിത ചിത്രം 'ബെത്‌ലഹേം കുടുംബ യൂണിറ്റ്' ഒടിടിയിലേക്ക്

1 month ago 5
തിയേറ്ററുകളിൽ ചിരിയുടെയും പ്രണയത്തിന്റെയും പുത്തൻ തരംഗം സൃഷ്ടിച്ച നിവിൻ പോളി - മമിത ബൈജു ചിത്രം 'ബെത്‌ലഹേം കുടുംബ യൂണിറ്റ്' ഡിജിറ്റൽ സ്ക്രീനുകളിലേക്ക് എത്തുന്നു. ഓഗസ്റ്റ് 21-ന് റിലീസ് ചെയ്ത് ബോക്സ് ഓഫീസിൽ വലിയ വിജയമായി മാറിയ ഈ ഗിരീഷ് എ.ഡി ചിത്രം ഇനി കുടുംബസമേതം വീട്ടിലിരുന്ന് ആസ്വദിക്കാം. ഒക്ടോബർ 2 മുതൽ പ്രമുഖ ഒടിടി പ്ലാറ്റ്‌ഫോമായ ജിയോ ഹോട്ട്സ്റ്റാറിലൂടെ (JioHotstar) ചിത്രം സ്ട്രീമിങ് ആരംഭിക്കും. "എല്ലാവരും കാത്തിരുന്ന എന്റർടെയ്‌നർ" എന്ന അടിക്കുറിപ്പോടെയാണ് പ്ലാറ്റ്‌ഫോം ഈ സന്തോഷവാർത്ത പ്രേക്ഷകരുമായി പങ്കുവെച്ചിരിക്കുന്നത്.

അയർലണ്ടിൽ നിന്നും പഠനം കഴിഞ്ഞ് കേരളത്തിലേക്ക് തിരിച്ചെത്തുന്ന ആഷ്‌ലിയിലൂടെയാണ് ചിത്രത്തിന്റെ കഥ വികസിക്കുന്നത്. അങ്കമാലിയിലെ സംഗീതസാന്ദ്രമായ അന്തരീക്ഷത്തിൽ വെച്ച് തന്നേക്കാൾ പ്രായമുള്ള ജസ്റ്റിനുമായി അവൾ പ്രണയത്തിലാവുന്നു. പ്രായവ്യത്യാസം വകവെയ്ക്കാതെ വളരുന്ന ഇവരുടെ പ്രണയം ആഷ്‌ലിയുടെ അമ്മാവൻ കണ്ടെത്തുന്നതോടെ ഇരുവർക്കും പിരിയേണ്ടി വരുന്നു. ആഷ്‌ലിയെ വിദേശത്തേക്ക് പഠിക്കാൻ പറഞ്ഞയക്കുന്നത് ജസ്റ്റിനാണ്. എന്നാൽ പിന്നീട് ജസ്റ്റിന്റെ സഹോദരൻ ജോയലിന്റെ വിവാഹത്തിന് ഇരുവരും വീണ്ടും കണ്ടുമുട്ടുന്നതും, മനസ്സിൽ നിന്ന് മായാത്ത പഴയ പ്രണയം വീണ്ടും തളിർക്കുന്നതുമാണ് ചിത്രം അതിന്റെ കൂടെ കിടിലൻ തമാശയും വെറും പ്രേമ കഥ മാത്രമായിട്ടില്ല ഈ സിനിമ ഒരുകിരിയിക്കുന്നത് നർമം നിറഞ്ഞ കഥാപാത്രങ്ങളും , സാഹചര്യങ്ങളും ഈ സിനിമയിൽ ഒടുനീളമുണ്ട് . മലയാളി പ്രേക്ഷകരുടെ മനസ്സ് നിറച്ച ഈ ക്യൂട്ട് പ്രണയകഥ ഒന്നുകൂടി ആസ്വദിക്കാൻ ഒടിടി റിലീസിലൂടെ സാധിക്കും.

Samayam Malayalamഎന്നെ പ്രസവിക്കുമ്പോള്‍ ഉമ്മയ്ക്കും, വിവാഹം കഴിക്കുമ്പോള്‍ നസ്‌റിയയ്ക്കും 19 വയസ്സ്! വിവാഹത്തിന് ശേഷം ഒന്നര വര്‍ഷം ബ്രേക്ക് എടുത്തതിന്റെ കാരണം?
'പ്രേമലു' എന്ന ബ്ലോക്ക്ബസ്റ്ററിന് ശേഷം ഗിരീഷ് എ.ഡി സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ഫഹദ് ഫാസിൽ, ദിലീഷ് പോത്തൻ, ശ്യാം പുഷ്കരൻ എന്നിവർ ചേർന്നാണ്. നിവിൻ പോളിക്കും മമിത ബൈജുവിനുമൊപ്പം സംഗീത് പ്രതാപ്, റോഷൻ ഷാനവാസ്, ശ്യാം മോഹൻ, വിനയ് ഫോർട്ട്, സുരേഷ് കൃഷ്ണ, സ്രിന്ദ, മീനാക്ഷി രവീന്ദ്രൻ, ബിന്ദു പണിക്കർ തുടങ്ങി വമ്പൻ താരനിര തന്നെ ചിത്രത്തിൽ അണിനിരക്കുന്നുണ്ട്. ഇതിന് പുറമെ ശ്യാം പുഷ്കരൻ ഒരു അതിഥി വേഷത്തിലും എത്തുന്നു.

വിഷ്ണു വിജയ്‌യുടെ മനോഹരമായ ഗാനങ്ങളും അജ്മൽ സാബുവിന്റെ ഛായാഗ്രഹണവും ആകാശ് ജോസഫ് വർഗീസിന്റെ എഡിറ്റിംഗും ചിത്രത്തെ കൂടുതൽ മികവുറ്റതാക്കി. തിയേറ്ററിൽ ഈ പ്രണയകഥ കണ്ട് ആസ്വദിച്ചവർക്കും, കാണാൻ സാധിക്കാത്തവർക്കും ഒക്ടോബർ 2 മുതൽ ജിയോ ഹോട്ട്സ്റ്റാറിലൂടെ ഈ എന്റർടെയ്‌നർ ഒരിക്കൽ കൂടി നെഞ്ചേറ്റാം.

Read Entire Article