ചെന്നൈ സൂപ്പർ കിങ്സ് ആ രണ്ട് സൂപ്പർ താരങ്ങളെ ഒഴിവാക്കും? ടീമിൽ വമ്പൻ മാറ്റങ്ങൾ വന്നേക്കാം, സൂചന നൽകി ബംഗാറും

Curated byഗോകുൽ എസ് | Samayam Malayalam | Updated: 1 May 2025, 12:44 pm

2025 സീസൺ ഐപിഎല്ലിൽ പ്ലേ ഓഫ് കാണാതെ പുറത്താകുന്ന ആദ്യ ടീമായി മാറിയിരിക്കുകയാണ് ചെന്നൈ സൂപ്പർ കിങ്സ്. ഇന്നലെ നടന്ന മത്സരത്തിൽ പഞ്ചാബ് കിങ്സിനോട് തോറ്റതോടെയാണ് ടീമിന്റെ പ്ലേ ഓഫ് പ്രതീക്ഷകൾക്ക് അവസാനമായത്. ഈ സീസണിലെ പത്താം മത്സരത്തിൽ ചെന്നൈ പരാജയപ്പെടുന്ന എട്ടാമത്തെ കളി കൂടിയായിരുന്നു ഇത്.ദയനീയമായ 2025 സീസണ് ശേഷം ചെന്നൈ സൂപ്പർ കിങ്സ് ടീമിൽ വലിയ അഴിച്ചുപണികളുണ്ടാകുമെന്ന കാര്യം ഉറപ്പാണ്. ഇക്കുറി ഫ്ലോപ്പായ ചില കളിക്കാർക്ക് ടീമിൽ നിന്ന് പുറത്തേക്ക് പോകേണ്ടി വരും. ഇപ്പോളിതാ ഇത്തവണ പ്രതീക്ഷകൾക്കൊത്ത് ഉയരാതിരുന്ന ആർ അശ്വിൻ, മതീഷ പതിരാന എന്നീ താരങ്ങളെ ടീമിൽ നിന്ന് ഒഴിവാക്കുന്നതിനെക്കുറിച്ച് ചെന്നൈ ആലോചിച്ചേക്കുമെന്ന് അഭിപ്രായപ്പെട്ടിരിക്കുകയാണ് മുൻ ഇന്ത്യൻ താരം സഞ്ജയ് ബംഗാർ. ഈ താരങ്ങളെ വിട്ടയക്കുന്നത് വഴി മികച്ച പേഴ്സ് ബാലൻസ് ചെന്നൈക്ക് ലഭിക്കുമെന്നും ബംഗാർ വ്യക്തമാക്കി. സ്റ്റാർ സ്പോർട്സിൽ സംസാരിക്കവെയായിരുന്നു സഞ്ജയ് ബംഗാർ ഇക്കാര്യങ്ങൾ ചൂണ്ടിക്കാട്ടിയത്.


2025 സീസണ് മുന്നോടിയായുള്ള മെഗാ ലേലത്തിൽ ചെന്നൈ സൂപ്പർ കിങ്സ് വൻ തുകക്ക് സ്വന്തമാക്കിയ താരമാണ് സീനിയർ ഓഫ് സ്പിന്നറായ ആർ അശ്വിൻ. ഐപിഎൽ ചരിത്രത്തിലെ ഏറ്റവും മികച്ച സ്പിന്നർമാരിൽ ഒരാളായ അശ്വിന് വേണ്ടി 9.75 കോടി രൂപയായിരുന്നു സി എസ്‌ കെ ‌മുടക്കിയത്. എന്നാൽ വലിയ പ്രതീക്ഷകളോടെ ടീമിലെത്തിച്ച അശ്വിൻ ചെന്നൈയിൽ വൻ ഫ്ലോപ്പായി. ഇത്തവണ ചെന്നൈക്കായി കളിച്ച ഏഴ് മത്സരങ്ങളിൽ അഞ്ച് വിക്കറ്റുകൾ മാത്രമാണ് ചെന്നൈക്ക് നേടാനായത്. 144 പന്ത് എറിഞ്ഞതിൽ 223 റൺസ് അദേഹം വിട്ടുകൊടുക്കുകയും ചെയ്തു. ടീമിന്റെ ബാധ്യതകളിൽ ഒന്നായി അശ്വിൻ മാറുന്നതാണ് 2025 സീസണിൽ കണ്ടത്.

സഞ്ജുവിന്റെ കാര്യത്തിൽ സുപ്രധാന അപ്ഡേറ്റ് പുറത്തുവിട്ട് രാഹുൽ ദ്രാവിഡ്; രാജസ്ഥാൻ റോയൽസ് ആരാധകർക്ക് നിരാശ
ശ്രീലങ്കൻ പേസ് ബൗളറായ മതീഷ പതിരാനയെ മെഗാ ലേലത്തിന് മുൻപ് രാജസ്ഥാൻ റോയൽസ്, ടീമിൽ നിലനിർത്തുകയായിരുന്നു. 13 കോടി രൂപക്ക് റിട്ടെയിൻ ചെയ്യപ്പെട്ട പതിരാനയും ഈ സീസണിൽ ഫ്ലോപ്പായി. എട്ട് കളികളിൽ ഒൻപത് വിക്കറ്റുകളാണ് ഇക്കുറി പതിരാനയുടെ സമ്പാദ്യം. 172 പന്തുകൾ എറിഞ്ഞ പതിരാന 298 റൺസാണ് ഇക്കുറി വിട്ടുകൊടുത്തത്.

അശ്വിനെയും പതിരാനയേയും ടീമിൽ നിന്ന് ഒഴിവാക്കിയാൽ 22 കോടിക്ക് മുകളിൽ പേഴ്സ് ബാലൻസ് നേടാൻ ചെന്നൈ സൂപ്പർ കിങ്സിനാകും. ഇത് അടുത്ത മെഗാ ലേലത്തിൽ ടീമിന് വളരെയധികം ഉപകരിക്കും.

ആദ്യ ഏഴിൽ രണ്ട് ഇന്ത്യൻ താരങ്ങൾ, ‌2025 സീസൺ ഐപിഎല്ലിലെ ഏറ്റവും വലിയ‌ സിക്സറുകൾ പറത്തിയത് ഇവർ
അതേ സമയം ഈ സീസണിൽ കളിച്ച 10 മത്സരങ്ങളിൽ രണ്ടെണ്ണത്തിൽ മാത്രം വിജയിക്കാനായ ചെന്നൈ സൂപ്പർ കിങ്സ്, നിലവിൽ നാല് പോയിന്റുമായി ടേബിളിൽ അവസാന സ്ഥാനത്താണ്. മുംബൈ ഇന്ത്യൻസ്, ലക്നൗ സൂപ്പർ ജയന്റ്സ് ടീമുകളെ മാത്രമാണ് ഈ സീസണിൽ ചെന്നൈ തോൽപ്പിച്ചത്. ഹോം ഗ്രൗണ്ടിൽ കിടിലൻ റെക്കോഡുള്ള ചെന്നൈക്ക് ഇക്കുറി അവിടെയും പാളി. ഇത്തവണ അഞ്ച് ഹോം മത്സരങ്ങളിലാണ് ചെന്നൈ പരാജയപ്പെട്ടത്. ഐപിഎൽ ചരിത്രത്തിൽ തന്നെ ഇത് ആദ്യമായാണ് ചെന്നൈ ഹോമിൽ ഇത്രത്തോളം മത്സരങ്ങളിൽ പരാജയപ്പെടുന്നത്.