ചേച്ചിയ്ക്ക് കേക്ക് വായിൽ വച്ച് കൊടുക്ക് മോളെ! ഞങ്ങളുടെ സ്വന്തം മീനൂട്ടിക്ക് 25 ആയെന്ന് കാവ്യ; പിറന്നാൾ സന്തോഷം

Authored byഋതു നായർ | Samayam Malayalam | Updated: 23 Mar 2025, 8:47 am

Samayam Malayalamകാവ്യാ മീനാക്ഷി ദിലീപ്

ദിലീപിനെയും മഞ്ജുവിനെയും സ്നേഹിക്കുന്ന ഏതൊരാൾക്കും അവരുടെ സ്വന്തം വീട്ടിലെ കുട്ടിയാണ് മീനാക്ഷി ദിലീപ്. ഫാൻസിന്റെ കണ്മുൻപിൽ വളർന്ന താര പുത്രി. മീനൂട്ടിയുടെ ഓരോ വളർച്ചാഘട്ടങ്ങളും മലയാളികൾക്ക് മനഃപാഠമാണ്. കുഞ്ഞുന്നാൾ മുതൽക്കേ ഉള്ള ചിത്രങ്ങൾ ഇന്നും ഭദ്രമായി സൂക്ഷിച്ചുവച്ചിട്ടുണ്ട് ഫാൻസ്‌. മീനാക്ഷിയുടെ പിറന്നാൾ ദിനം മിക്ക ചിത്രങ്ങളും ഫാൻസ്‌ പേജുകളിലൂടെ തന്നെ വൈറൽ ആകാറുമുണ്ട്. അത്തരത്തിൽ മീനാക്ഷിയുടെ 25 ആം പിറന്നാൾ ദിനത്തിന്റെആഘോഷ വീഡിയോ ആണ് സമൂഹ മാധ്യമങ്ങളിൽ നിറഞ്ഞത്.
കാവ്യയുടെയും ദിലീപിന്റെയും കുഞ്ഞനുജത്തിയുടെയും സാന്നിധ്യത്തിൽ കേക്ക് കട്ട് ചെയ്യുന്നതിന്റെ വീഡിയോ ഇപ്പോൾ സമൂഹമാധ്യമങ്ങളിൽ നിറയുകയാണ്. കാവ്യാ മാധവൻ ആണ് മീനാക്ഷിക്ക് ഇൻസ്റാഗ്രാമിലൂടെ ആദ്യ വിഷ് നൽകിയത്. സുഹൃത്തുക്കളിൽ ചിലരും മീനാക്ഷിക്ക് ആശംസകൾ നൽകുന്നുണ്ട്. എന്നാൽ പതിവുപോലെ മഞ്ജു വാര്യർ പോസ്റ്റൊന്നും പങ്കുവച്ചിട്ടില്ല.

ALSO READ: ആദ്യമായി മഞ്ജു അമ്മയായ ദിനം! വമ്പൻ ആഘോഷം നടത്തി ദിലീപും കാവ്യയും; കേക്ക് മുറിച്ച് അച്ഛനും കാവ്യക്കും നൽകി മീനാക്ഷിയും

ചേച്ചിക്ക് കേക്ക് വായിൽ വച്ച് കൊടുക്കാൻ ഇളയമകളോടായി പറയുന്ന കാവ്യാ മാധവനും ദിലീപും മീനാക്ഷിയും തമ്മിലുള്ള ബോണ്ട് ഒന്നുകൂടി കാണിക്കുന്ന തരത്തിലുള്ള ഒരു വീഡിയോ ആണ് ഇപ്പോൾ ഇൻസ്റ്റയിൽ ട്രെൻഡിങ് ആകുന്നത്. അതേ സമയം ഞങ്ങളുടെ മീനൂട്ടി 25 ലേക്ക് കടന്നു എന്നും ഹൃദയം നിറഞ്ഞ പിറന്നാൾ ആശംസകൾ എന്നും പുതിയ ചിത്രങ്ങൾ സഹിതം കാവ്യാ മാധവൻ സോഷ്യൽ മീഡിയയിൽ പങ്കുവച്ചിട്ടുണ്ട്.

പഠനം പൂർത്തിയാക്കിയ മീനാക്ഷിക്ക് വിവാഹം എന്നാണ് എന്നുള്ള ചോദ്യങ്ങളുമായും ചിലർ എത്തുന്നുണ്ട്. എന്നാൽ വിവാഹകാര്യങ്ങളുടെ തീരുമാനം പൂർണ്ണമായും മക്കൾക്ക് വിട്ടുകൊടുക്കുന്നു എന്നാണ് അടുത്തിടെ ദിലീപ് പറഞ്ഞതും.

ALSO READ: വിവാഹം കഴിഞ്ഞു 2 വർഷം കഴിഞ്ഞാണ് മോൾ ജനിക്കുന്നത്! ചോതി നക്ഷത്രക്കാരി; മോളുടെ എല്ലാം നോക്കിയത് മഞ്ജു; മീനൂട്ടിയുടെ റെയർ പിക്സ്

1998-ലാണ് ദിലീപും മഞ്ജുവും വിവാഹതിരായത് പിന്നീട് 2015ൽ ദിലീപും മഞ്ജുവും വിവാഹമോചിതരായിരുന്നു. അമ്മയും അച്ഛനും വേർപിരിഞ്ഞപ്പോഴും അച്ഛന്റെ ഒപ്പം നിഴലായിട്ട് മകൾ മീനാക്ഷി ഉണ്ടായിരുന്നു. പല അവസരങ്ങളിലും മീനാക്ഷിയെക്കുറിച്ച് ദിലീപ് വാചാലനായിട്ടുണ്ട്. വിവാഹ മോചനത്തിന് ശേഷം ഇനിയങ്ങോട്ടുള്ള ജീവിതം മകള്‍ക്ക് വേണ്ടിയുള്ളതാണെന്നായിരുന്നു താരം പറഞ്ഞത്. രണ്ടാമതൊരു വിവാഹം കഴിക്കുന്നതിനെക്കുറിച്ച് ആദ്യം പറഞ്ഞതും മകളായിരുന്നുവെന്നും ദിലീപ് വ്യക്തമാക്കിയിട്ടുണ്ട്.