ജിന്നിന് മാത്രം എന്താണ് പ്രത്യേക പരി​ഗണന; ബിടിഎസ്സിലെ മറ്റുള്ളവരെക്കാൾ തനിക്ക് കിട്ടുന്ന പരസ്യങ്ങളെ കുറിച്ച് താരം പറയുന്നു

Authored by: അശ്വിനി പി|Samayam Malayalam•23 Jul 2025, 12:07 pm

ബിടിഎസ് താരങ്ങൾ വെറും ഗായകരും ഗാന രചയിതാക്കളും മാത്രമല്ല. ഓരോരുത്തരും നല്ല അസ്സൽ മോഡലുകൾ കൂടെയാണ്. ബിടിഎസ്സിലെ ഏഴ് പേരുടെയും വസ്ത്രധാരണവും സ്റ്റൈലും ലുക്കുമൊക്കെ തന്നെയാണ് ആരാധകരെ ഏറ്റവും അധികം ആകർഷിക്കുന്നതും. അതുകൊണ്ട് തന്നെ എല്ലാവർക്കും ധാരാളം പരസ്യ ചിത്രങ്ങളിൽ അഭിനയിക്കാനുള്ള അവസരവും ലഭിയ്ക്കുന്നുണ്ട്. കൂട്ടത്തിൽ കൂടുതൽ ജിന്നിനാണ് വരുന്നത്

മറ്റുള്ളവർക്ക് മൂന്നും നാലും അഞ്ചുമൊക്കെ വരുമ്പോൾ ജിൻ പത്തിലധികം പരസ്യ കമ്പനികളുമായി കരാറ് ചെയ്തിട്ടുണ്ട്. എന്തുകൊണ്ടാണ് ജിന്നിന് മാത്രം ഇത്രയും പരിഗണന, എന്തുകൊണ്ട് മറ്റുള്ളവരെക്കാൾ പരസ്യവും പണവും ഇതിലൂടെ ജിൻ സമ്പാദിക്കുന്നു എന്നൊക്കെയാണ് ആളുകളുടെ ചോദ്യം. അതിനുള്ള മറുപടിയുമായി എത്തിയിരിക്കുകയാണ് ഇപ്പോൾ ഗായകൻ.

Also Read: അസിന്റെ മകളുടെ മുടി എന്തു ഭംഗിയാണ്, മറഞ്ഞ് നിന്ന് എല്ലാം ചെയ്യുന്ന അസിൻ, ഇത് തീർത്തും കൗതുകം

ഞാനും ബിടിഎസിലെ മറ്റ് ആറ് പേരും എൻഡോഴ്സുമെന്റുകൾ വരുമ്പോൾ സമീപിയ്ക്കുന്ന രീതി വ്യത്യസ്തമാണ് എന്ന് ജിൻ വ്യക്തമാക്കുന്നു. ഞാൻ ഒരുപാട് പരസ്യ ചിത്രങ്ങൾ ചെയ്യുന്നത് തീർത്തും യാദൃശ്ചികമായി സംഭവിക്കുന്ന ഒന്നാണ്. വരുന്നതിൽ എനിക്ക് മികച്ചത് എന്ന് തോന്നുന്നത് തിരഞ്ഞെടുക്കുന്നു. എന്നെ പോലെ തന്നെ മറ്റുള്ളവർക്കും നൂറ് കണക്കിന് പരസ്യ ചിത്രങ്ങൾ വരുന്നുണ്ട്. എന്നാൽ അവർ അതെല്ലാം സ്വീകരിക്കുന്നില്ല എന്ന് മാത്രം. അല്ലാതെ ഏജൻസിയുടെ ഭാഗത്ത് നിന്ന് എനിക്ക് മാത്രമായി ഒരു പ്രത്യേക പരിഗണനയും ലഭിക്കുന്നില്ല- ജിമിൻ പറഞ്ഞു

ഞാനും ഡസൺ കണക്കിന് പരസ്യ ചിത്രങ്ങൾ നിരസിച്ചിട്ടുണ്ട്. ഇപ്പോൾ ഉള്ളതിൽ ഞാൻ പരമാവധി ചെയ്യുന്നുണ്ട്, ഇതിൽ കൂടുതൽ എടുക്കില്ല. അതേ സമയം എനിക്കിഷ്ടമുള്ളത് എന്തെങ്കിലും വന്നാൽ മനസ്സ് മാറാനുള്ള സാധ്യതയും ജിൻ തള്ളിക്കളയുന്നില്ല. തന്റെ കൂട്ടുകാരെ തള്ളിക്കളയാതെയുള്ള ജിന്നിന്റെ പ്രതികരണത്തെ പ്രശംസിക്കുകയാണ് ഈ മറുപടിയ്ക്ക് ശേഷം ആരാധകർ.
നിലവിൽ പുതിയ ആൽബത്തിന്റെ ജോലികളുമായി ബന്ധപ്പെട്ട് ലോസ് ആഞ്ചൽസിൽ ആണ് ബിടിഎസ് അംഗങ്ങൾ. സൈനിക സേവനം പൂർത്തിയാക്കി തിരിച്ചെത്തിയതിന് ശേഷമുള്ള ആദ്യത്തെ ആൽബം 2026 മാർച്ചിൽ പുറത്തിറങ്ങും എന്നാണ് നിലവിലെ വിവരം.