ഞങ്ങളുടെ തലൈവർ തിരിച്ചെത്തി! വാക്കുകൾ പോരാ; പ്രെഡിക്ട് ചെയ്യാനാകാത്ത കൂലി; ആവേശത്തിൽ രജനി ഫാൻസ്‌

Authored by: ഋതു നായർ|Samayam Malayalam•14 Aug 2025, 9:37 am

തങ്ങളുടെ തലൈവർ തിരിച്ചെത്തിയെന്ന് രജനി ഫാൻസ്‌. കൂലി റിലീസ് ചെയ്തു മണിക്കൂറുകൾ കഴിഞ്ഞപ്പോളാണ് ട്വിറ്ററിലൂടെ ഫാൻസിന്റെ അഭിപ്രായപ്രകടനം.സിനിമയുടെ പ്രഖ്യാപനം വന്ന അന്നുമുതൽ പ്രതീക്ഷയിൽ ആയിരുന്നു ഫാൻസ്‌. അവരുടെ ആഗ്രഹത്തിനൊത്ത് ചിത്രം എത്തിയിട്ടുണ്ടെന്നാണ് ഫാൻസ്‌ പറയുന്നത്. ഞങ്ങളുടെ തലൈവർ ബീസ്റ്റ് മോഡിൽ ആണ്. തിരിച്ചെത്തി തലൈവർ. ഇത് ഞങ്ങൾ കാത്തിരുന്ന രജനിയുഗം എന്നിങ്ങനെ കമന്റുകൾ ആണ് സോഷ്യൽ മീഡിയയിൽ നിറയുന്നത്.

ഓരോ ടീസറിലും, പോസ്റ്ററിലും, സോഷ്യൽ മീഡിയയിലുടനീളം അനന്തമായ ചർച്ചകൾക്ക് തുടക്കമിട്ടുകൊണ്ട് ആയിരുന്നു കൂലിയുടെ ഓരോ അപ്‌ഡേഷനും,. നാഗാർജുന അക്കിനേനി, സൗബിൻ ഷാഹിർ, ഉപേന്ദ്ര, സത്യരാജ്, ആമിർ ഖാൻ എന്നിവരോടൊപ്പം ശ്രുതി ഹാസനും പൂജ ഹെഗ്‌ഡെയും പ്രധാന വേഷങ്ങളിൽ അഭിനയിക്കുന്ന അസാധാരണമായ ഒരു കൂട്ടുകെട്ടാണ് ഈ ചിത്രത്തിലുള്ളത്.

ലോകേഷ് കനകരാജിന്റെ കഥയും രജനീകാന്തിന്റെ കരിസ്മാറ്റിക് സ്ക്രീൻ സാന്നിധ്യവും ചേർന്ന് പ്രേക്ഷകർക്ക് ഒരു വമ്പൻ വിരുന്നാണ് കൂലി തന്നതെന്നാണ് ആദ്യ പകുതി കണ്ട ആവേശത്തിൽ ആരാധകർ എക്‌സിൽ കുറിച്ചത്. അനിരുദ്ധ് രവിചന്ദറിന്റെ സംഗീതം സിനിമയെ മറ്റൊരു തലത്തിലേക്കും എത്തിച്ചു.

ALSO READ: ഒലിവിയ റോഡ്രിഗോയും ലൂയിസ് പാർട്രിഡ്ജുമായുള്ള വിവാഹ നിശ്ചയം കഴിഞ്ഞോ? രണ്ട് വർഷത്തെ പ്രണയം, ഇത് സർപ്രൈസ് ആണല്ലോ?

രജനീകാന്തിനോട് ഹൃദയംഗമമായ നന്ദി പ്രകടിപ്പിക്കുന്ന ഒരു വൈകാരിക കുറിപ്പ് ആയിരുന്നു ഇക്കഴിഞ്ഞ ദിവസം ലോകേഷ് കനകരാജ് പങ്കുവെച്ചത്. തനിക്ക് പൂർണ്ണസ്വാതന്ത്ര്യത്തോടെ പ്രവർത്തിക്കാൻ അങ്ങ് എനിക്ക് ഒപ്പം നിന്നതിൽ നന്ദി എന്നാണ് അദ്ദേഹം കുറിച്ചത്.

തന്നെ വിശ്വസിച്ച സഹതാരങ്ങൾക്കും സൺ പിക്ചേഴ്സിനും നിർമ്മാതാവ് കലാനിധി മാരൻ സാറിനും, അചഞ്ചലമായ പിന്തുണയ്ക്ക് കണ്ണൻ സാറിനും നന്ദി. ലോകേഷ് കുറിച്ചു.

മുൻകൂർ ടിക്കറ്റ് സെയിലിന്റെ കാര്യത്തിൽ 'കൂലി' 'വാർ 2' നേക്കാൾ ആധിപത്യം പുലർത്തി. കൂലി' ഇതിനകം തന്നെ ലോകമെമ്പാടും അഡ്വാൻസ് ടിക്കറ്റ് വിൽപ്പനയിൽ 100 കോടി രൂപ നേടിയതായാണ് റിപ്പോർട്ട്, ഇതോടെ, രാം ചരണിന്റെ 'ഗെയിം ചേഞ്ചറിന്റെ' റെക്കോർഡ് തകർത്ത് ഒരു ഇന്ത്യൻ സിനിമയ്ക്ക് ലഭിക്കുന്ന ഏറ്റവും വലിയ ഓപ്പണിംഗ് ചിത്രമായി കൂലി മാറിയെന്ന് സാക്നിൽക് പറയുന്നു. രാം ചരൺ നായകനായ ഈ ചിത്രം ലോകമെമ്പാടും മുൻകൂർ ടിക്കറ്റ് വിൽപ്പനയിൽ നിന്ന് 80 കോടി രൂപയായിരുന്നു നേടിയത്.