ഞങ്ങള്‍ ഇപ്പോള്‍ വഴക്കിടുന്നത് ആ ഒരു കാര്യത്തിനാണ്, ചേട്ടന്‍ പണ്ടത്തേതിലും നേരെ വിപരീതമായി മാറി എന്ന് സുചിത്ര മോഹന്‍ലാല്‍

1 month ago 5
മോഹന്‍ലാലിന്റെ അഭിനയം പോലെ തന്നെ ആളുകള്‍ക്ക് പ്രിയപ്പെട്ടതാണ് അദ്ദേഹത്തിന്റെ സൗന്ദര്യവും. പൊതുവെ ഒരു നായക നടന് വേണ്ട ശരീരമായിരുന്നില്ല മോഹന്‍ലാലിന്റേത്. എന്നാല്‍ ആ ശരീരവും ആരാധകര്‍ ഇഷ്ടപ്പെട്ടു, അത് തന്നെയാണ് തനിക്കും ഇഷ്ടം എന്ന് ഭാര്യ സുചിത്ര മോഹന്‍ലാല്‍ പറയുന്നു.

വലിയ ഫിറ്റ്‌നസ്സ് ഫ്രീക്ക് ആയിട്ടുള്ള ആളൊന്നും ആയിരുന്നില്ല ചേട്ടന്‍. പുലര്‍ച്ചെ രണ്ട് മണിക്കും ഐസ്‌ക്രീം കഴിക്കും. ആ ശീലം ഇപ്പോഴുമുണ്ട്. അദ്ദേഹത്തിന്റെ ആ ശരീര സൗന്ദര്യമാണ് എല്ലാവര്‍ക്കും ഇഷ്ടം, എനിക്കും അതാണ് കൂടുതല്‍ ഇഷ്ടം. അപാരമായ മെയ് വഴക്കവുമാണ്. പൊതുവെ നായികന്മാര്‍ക്കുള്ള ഫിസിക് അല്ല ചേട്ടന് എങ്കിലും, അദ്ദേഹത്തിന്റെ അഭിനയം അതിനെയൊക്കെ മറച്ചു കളഞ്ഞു. ഫിറ്റ്‌നസ്സിനെ കുറിച്ച് അന്നൊന്നും അദ്ദേഹം ചിന്തിച്ചിരുന്നതേയില്ല.

Samayam Malayalamമീനാക്ഷിക്കൊപ്പം മഞ്ജു വാര്യരും ദിലീപും, പഴയ ആ കുടുംബ ചിത്രം; ഓര്‍മകള്‍ കുത്തിപ്പൊക്കി കിഷോര്‍ വര്‍മ!
എന്നാല്‍ ഇപ്പോള്‍ അതില്‍ നിന്നും തീര്‍ത്തും വ്യത്യസ്തമാണ്. വര്‍ക്കൗട്ടും ജിമ്മും ഒന്നും മുടക്കാറില്ല. കൃത്യമായി വ്യായാമം ചെയ്യും. ചെയ്തില്ലെങ്കില്‍ എനിക്കെന്തൊക്കെയോ ആകുന്നു എന്നാണ് പറയാറുള്ളത്. അദ്ദേഹം ചെയ്യുന്നു എന്ന് മാത്രമല്ല, കാണുന്നവറോടൊക്കെ ഫിറ്റ്‌നസ്സിനെ കുറിച്ച് സംസാരിക്കുകയും, അവരോടും വര്‍ക്കൗട്ട് ചെയ്യാന്‍ പറയുകയുമൊക്കെ ചെയ്യും. പണ്ടത്തേതില്‍ നിന്നും തീര്‍ത്തും വിപരീതമായിട്ടാണ് ഇപ്പോള്‍ അദ്ദേഹത്തിന്റെ ലൈഫ് സ്റ്റൈല്‍.

അദ്ദേഹം വര്‍ക്കൗട്ട് ചെയ്യുന്നത് മാത്രമല്ല, എന്നെയും ചെയ്യാന്‍ നിര്‍ബന്ധിക്കും. അതിനാണ് ഇപ്പോള്‍ ഞങ്ങള്‍ വഴക്കിടുന്നത്. ഞാന്‍ വര്‍ക്കൗട്ട് ചെയ്തു, നീ ചെയ്തില്ലേ, ചെയ്യൂ എന്ന് പറയും. ഞാന്‍ ചെയ്യുന്നില്ല, എന്നെ നിര്‍ബന്ധിക്കരുത് എന്ന് പറഞ്ഞാല്‍ ഓകെ എന്ന് പറയും. പിറ്റേ ദിവസം വീണ്ടും അതേ ചോദ്യം ചോദിക്കും, അതാണ് ഇപ്പോഴത്തെ വഴക്ക്.

മോളും വര്‍ക്കൗട്ട് ഒക്കെ കൃത്യമായി ചെയ്യുന്ന ആളാണ്. പക്ഷേ എന്റെ മകന്‍ അങ്ങനെയല്ല. പ്രണവ് കൂടുതലും ഔട്ട് ഡോര്‍ പേഴ്‌സണാണ്. മലമുകളില്‍ കയറുന്നതും, ട്രക്കിങുമൊക്കെയാണ് അവന് താത്പര്യമുള്ള മേഖല. അവരെ അവരുടെ ഇഷ്ടത്തിന് വിട്ടുകൊണ്ടാണ് ഞങ്ങള്‍ വളര്‍ത്തിയത് എന്ന് സുചിത്ര മോഹന്‍ലാല്‍ പറയുന്നു.

എന്താണ് ലാലേട്ടന്റെ ഈ സൗന്ദര്യ രഹസ്യം എന്ന് ചോദിച്ചപ്പോള്‍, തീര്‍ച്ചയായും വര്‍ക്കൗട്ട് വലിയ രീതിയില്‍ സഹായിക്കുന്നുണ്ട്. അതിന് പുറമെ, തനിക്ക് പ്രായമായി എന്ന ചിന്ത അദ്ദേഹത്തിന്റെ മനസ്സിലില്ല, അതുകൊണ്ട് അത് ശരീരത്തിലും പ്രകടമാകുന്നു എന്നായിരുന്നു സുചിത്രയുടെ മറുപടി.

Read Entire Article