1 month ago
2
Authored by: അശ്വിനി പി|Samayam Malayalam•2 Dec 2025, 4:20 pm
സ്വകാര്യ ജീവിതവും പ്രൊഫഷണല് ജീവിതവും ബാലന്സ് ചെയ്യുക എന്നത് ചിലരെ സംബന്ധിച്ച് വളരെ ശ്രമകരമായ ഒന്നാണ്. അതിന് ഏറ്റവും മനോഹരമായ ഉദാഹരണത്തോടെ തന്റെ ജീവിതത്തെ കുറിച്ച് പറയുകയാണ് രോഹിണി
രോഹിണി1996 ല് നടന് രഘുവരനുമായി വിവാഹം കഴിഞ്ഞു, ഒരു മകനും പിറന്നു. രഘുവരന്റെ ജീവിത ശൈലിയോടും, രീതിയോടും പൊരുത്തപ്പെടാന് കഴിയാതെ ബന്ധം വേര്പെടുത്തിയെങ്കിലും, നടന് മരിച്ചപ്പോഴും, മരണ ശേഷവും ആ പ്രണയം നെഞ്ചോടു ചേര്ക്കുകയും, രഘുവരന്റെ നല്ല ഓര്മകളില് ജീവിക്കുകയും ചെയ്യുന്ന സ്ത്രീയാണ് രോഹിണി.
Also Read: എനിക്കിത് ഇഷ്ടമാണ്; ധനുഷുമായി വന്ന പ്രണയ ഗോസിപ്പുകള്ക്ക് മറുപടി നല്കി മൃണാള് താക്കൂര്സിംഗിള് പാരന്റ് ആയിട്ടും മകന്റെ കാര്യങ്ങള് നോക്കുകയും തന്റെ പ്രൊഫഷനില് ഇത്രയും പാഷനേറ്റഡ് ആയി സജീവമായി നില്ക്കുകയും ചെയ്യുന്നത് എങ്ങനെ ആണ് എന്നതിന് രോഹിണി അടുത്തിടെ വളരെ വ്യക്തമായ ഒരു സ്പീച്ച് നടത്തിയിരുന്നു. ആ വീഡിയോ ഇപ്പോള് വൈറലാണ്.
ഞാന് ഒരു സിംഗിള് പാരന്റ് ആണ്. എന്റെ മകനെ നോക്കണം, എന്റെ പ്രൊഫഷന് നോക്കണം, എന്നിലെ എനിക്ക് എന്തൊക്കെ വേണം എന്നതിനെ കുറിച്ച് നോക്കണം എന്നതൊക്കെ ഞാന് ചെയ്യണം എന്ന ഘട്ടത്തിലാണ് ജഗ്ഗ്ളിങിനെ കുറിച്ച് എനിക്ക് ഓര്മ വന്നത്. സര്ക്കസ്സില് കോമാളികള് രണ്ടില് അധികം പന്തുകള് കൈയ്യില് വച്ച് അമ്മാനമാടുന്നത് കണ്ടിട്ടില്ലേ. നാല് പന്ത്, അഞ്ച് പന്ത് എന്നൊക്കെ ആയാലും എങ്ങനെയാണ് ഒരു പന്ത് പോലും താഴെ വീഴാതെ ജഗ്ള് ചെയ്യാന് കഴിയുന്നത് എന്ന് ഞാന് ആലോചിച്ചു
ഈ ട്രെൻഡിങ് മൈക്രോ ക്യാപ് ഓഹരി കൈവശമുണ്ടോ? ഈയാഴ്ച കൈനിറയെ സൗജന്യ ഓഹരികൾ നേടാം
ജഗിള് ചെയ്യുന്നവര് ഈ ചോദ്യത്തിന് ഉത്തരം നല്കിയത്, അങ്ങനെ അമ്മാനമാടുമ്പോള് ഒരേ ഒരു ബോളില് മാത്രമാണ് ഞങ്ങള് ശ്രദ്ധിക്കുന്നത്, അത് കൈയ്യിലേക്ക് വരാന് പോകുന്ന ബോള് ഏതാണ് എന്നതിലാണ് എന്ന്. അത് പോലെയാണ് നമ്മളും ജീവിതത്തില് ബാലന്സിങ് പഠിക്കേണ്ടത്. എന്ത് ജോലി എപ്പോള് ചെയ്യുന്നുവോ, ആ നിമിഷം അതില് മാത്രം ഫോക്കസ് ചെയ്യുക. ഷൂട്ടിങ് സെറ്റില് പോയാല് ഞാന് ഫോണ് എടുക്കാറില്ല. എമര്ജന്സി ആണെങ്കില് മാത്രം എന്നെ ബന്ധപ്പെടാന് മാനേജരുടെ നമ്പര് നല്കിയിട്ടുണ്ട്. സെറ്റില് എത്തിക്കഴിഞ്ഞാല് ഞാന് ശ്രദ്ധിക്കുന്നത് എന്റെ കരിയറില് മാത്രമാണ്. എന്താണോ ചെയ്യുന്നത് അതിലായിരിക്കും എന്റെ മുഴുവന് ശ്രദ്ധയും- രോഹിണി പറഞ്ഞു
രചയിതാവിനെക്കുറിച്ച്അശ്വിനി പിസമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·