ഞാന്‍ ചുരിദാറാണ് ഇട്ടിരുന്നത്! തന്റെ അശ്ലീല ഫോട്ടോ കണ്ടപ്പോള്‍ മഞ്ജു വാര്യരുടെ പറഞ്ഞത്, ദുഷ്പ്രവൃത്തി ചെയ്യുന്ന ആളിന്റെ പണിയാണിത്

Authored byഅശ്വിനി പി | Samayam Malayalam | Updated: 14 Apr 2025, 2:55 pm

Samayam Malayalamമഞ്ജു വാര്യർ

ആര്‍ട്ടിഫിഷല്‍ ഇന്റലിജന്റ്‌സ്, അഥവാ എഐ കാലത്തിലൂടെയാണ് നമ്മളിപ്പോള്‍ കടന്ന് പോകുന്നത്. എഐയ്ക്ക് അറിയാത്തതായി ഒന്നുമില്ല, എഐ ജനറേറ്റഡ് ചിത്രങ്ങള്‍ ഒറിജിനലാണോ അല്ലയോ എന്ന് പോലും പ്രയാസമുള്ള കാര്യങ്ങള്‍. സ്വന്തം കണ്ണിനെയും കാതിനെയും തന്നെ വിശ്വസിക്കാന്‍ പറ്റാത്ത വിധം എഐ കാലങ്ങള്‍ വന്നിരിക്കുന്നു. അത് നല്ല രീതിയില്‍ ഉപയോഗപ്പെടുത്താന്‍ സാധിക്കും, പക്ഷേ ചിലര്‍ അതിനെ വല്ലാതെ ദുരുപയോഗം ചെയ്യുന്നു എന്ന് തന്റെ അനുഭവത്തില്‍ മഞ്ജു വാര്യര്‍ പറയുന്നു

ആര്‍ജെ മൈക്കിന്റെ പുതിയ യൂട്യൂബ് ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു മഞ്ജു. ഒരു ഗെയിം സെഗ്മെന്റില്‍ മഞ്ജുവിന്റെ ചില ചിത്രങ്ങള്‍ കാണിക്കും, അത് ഒറിജിനില്‍ ആണോ എഐ ആണോ എന്ന് മഞ്ജു പറയണം. അക്കൂട്ടത്തില്‍ ഒരു സ്ലീവ് ലസ്സ് ടോപ്പിട്ട് നില്‍ക്കുന്ന മഞ്ജുവിന്റെ അല്പം വള്‍ഗറായ ചിത്രവും കടന്ന് വന്നു. അത് ഞാന്‍ ചുരിദാര്‍ ധരിച്ച് നില്‍ക്കുന്ന ഒരു ആഡ് ഷൂട്ടിന്റെ ചിത്രമാണ്, എ ഐ ദുരുപയോഗം ചെയ്യുന്നത് ഈ രീതിയിലൊക്കെയാണ് എന്ന് മഞ്ജു വാര്യര്‍ പറഞ്ഞു.

Also Read: കൂടെ ജീവിച്ചത് വെറും 8 മാസം, ഞാന്‍ മൂന്ന് മാസം ഗര്‍ഭിണിയായിരിക്കെ നന്ദിതയെ പ്രണയിച്ചു പോയി; ഓം പൂരിയെ കുറിച്ച് മുന്‍ ഭാര്യ സീമ കപൂര്‍

എഐയില്‍ ഏതോ ദുഷ് പ്രവൃത്തി ചെയ്യുന്ന ആളാണ് ഈ വിധത്തില്‍ എന്റെ ഫോട്ടോ മാറ്റിയിരിക്കുന്നത്. ഇത്തരം വ്യാജ ഫോട്ടോകളും മറ്റും ഉണ്ടാക്കാനുള്ള വഴികള്‍ മാത്രമേ ഇന്ന് നമ്മുടെ നാട്ടിലുള്ളൂ, അത് ഇല്ലാതാക്കാനുള്ള വഴികള്‍ ഇല്ലാത്ത സാഹചര്യത്തില്‍ അര്‍ഹിയ്ക്കുന്ന അവഗണനയോടെ തള്ളിക്കളയാന്‍ മാത്രമേ ഇപ്പോള്‍ സാധിക്കുകയുള്ളൂ, അതല്ല എങ്കില്‍ നിയമപരമായി നേരിടണം. അതിന് പിന്നാലെ പോകാന്‍ പലരും തയ്യാറല്ലാത്തതാണ് ഇതൊക്കെ കൂടാനുള്ള കാരണം എന്ന് മഞ്ജു പറയുന്നു/


എഐയില്‍ മഞ്ജു വാര്യയെ സംബന്ധിച്ച് വന്ന പല വിവരങ്ങളും തെറ്റാണ് എന്നും മഞ്ജു തെളിയിച്ചു. മഞ്ജുവിന്റെ ഹൈറ്റ്, മഞ്ജുവിന് ഇഷ്ടപ്പെട്ട നിറം, ഭക്ഷണം തുടങ്ങിയവ എല്ലാം തെറ്റിപ്പോയി. പക്ഷേ കരിയറിലേക്ക് കടന്നപ്പോള്‍, മഞ്ജുവിന്റെ സിനിമകളുടെ എണ്ണവും, അതില്‍ എത്ര ക്ലാസിക് ഹിറ്റുകള്‍ സംഭവിച്ചു എന്നതും, കഥാപാത്രങ്ങളുടെ പേരും എല്ലാം എ ഐയ്ക്ക് വളരെ കൃത്യമായി അറിയാന്‍ സാധിക്കുന്നുണ്ട്. എഐ പറഞ്ഞ ചില കാര്യങ്ങള്‍ മഞ്ജുവിനെ തന്നെ അത്ഭുതപ്പെടുത്തുന്നതായിരുന്നു.