ഞാൻ തിരിച്ചു വരും എന്ന് പറഞ്ഞിട്ടാണ് റോബോ ശങ്കർ പോയത്, അതിങ്ങനെ ആകും എന്നൊട്ടും പ്രതീക്ഷിച്ചില്ല; ഏറ്റവും വേദനിപ്പിച്ച വീഡിയോ

Authored by: അശ്വിനി പി|Samayam Malayalam•19 Sept 2025, 12:51 pm

തമിഴ് ഹാസ്യ നടനും മിനിസ്ക്രീൻ താരവുമായിരുന്ന റോബോ ശങ്കറിന്റെ മരണ വാർത്ത കേട്ട നടുക്കത്തിലാണ് ആരാധകർ. കമൽ ഹാസനും, ധനുഷുമടക്കം സിനിമാ ഇന്റസ്ട്രിയിലെ പ്രമുഖരെല്ലാം റോബോ ശങ്കറിന് ആദരാഞ്ജലിയുമായി എത്തി. അവസാനമൊരു നോക്ക് കാണാനും ഇന്റസ്ട്രിയിലെ പലരും എത്തിയിരുന്നു. റോബോ ശങ്കറിനെ കുറിച്ച് കാർത്തിയടക്കമുള്ള താരങ്ങൾ പറഞ്ഞ കാര്യങ്ങളും ഇമോഷണലായി.

ഇപ്പോഴിതാ നടൻ ഏറ്റവും അവസാനമായി പങ്കെടുത്ത ടെലിവിഷൻ ഷോയുടെ വീഡിയോയും വൈറലാവുന്നു. തിരിച്ചുവരും എന്ന് പറഞ്ഞിട്ടാമ് ആ ഷോയിൽ നിന്ന് എലിമിനേറ്റ് ആയി പോവുന്നത്. പക്ഷേ ആ വാക്ക് നിറവേറ്റാൻ സാധിക്കാതെ ഇങ്ങനെ നിരന്തരമായി പോകും എന്ന് ഒട്ടും പ്രതീക്ഷിച്ചില്ല എന്ന് പറഞ്ഞുകൊണ്ടാണ് വീഡിയോ പ്രചരിയ്ക്കുന്നത്.

Also Read: ഇരുപത്തിയഞ്ചുലക്ഷം വരെ വാങ്ങിയ നാളുകൾ! ബാങ്ക് ബാലൻസ്, ബിസിനസ്, വീടുകൾ, ലക്ഷ്വറി വണ്ടികൾ; കാവ്യയും സിനിമ യാത്രയും

കലക്കപ്പോവത് യാർ എന്ന ടെലിവിഷൻ ഷോയിലൂടെയാണ് റോബോ ശങ്കർ കരിയർ ആരംഭിച്ചത്. അതിന് ശേഷം ബിഗ് സ്ക്രീനിൽ മികച്ച വേഷങ്ങളിലൂടെ പ്രേക്ഷക ശ്രദ്ധ നേടിയ നടൻ, മഞ്ഞക്കമല ബാധിച്ച് അ‍ഞ്ച് മാസത്തോളം കിടപ്പിലായിരുന്നു. അതിലൂടെ ശരീര ഭാരമെല്ലാം കുറഞ്ഞു. പിന്നീട് ഇന്റസ്ട്രിയിലേക്ക് തിരിച്ചെത്തിയ റോബോ ശങ്കർ കരിയരിൽ വളരെ അധികം സജീവവുമായിരുന്നു.

Also Read: സുബി എനർജെറ്റിക് ആണ്, ഒന്നും സംഭവിക്കില്ല എന്നാണ് ഡോക്ടർ പറഞ്ഞത്; നടന്ന് ആശുപത്രിയിലേക്ക് പോയ സുബിക്ക് പിന്നെ സംഭവിച്ചത്

സിനിമ സെറ്റിൽ കുഴഞ്ഞു വീണ റോബോ ശങ്കറിനെ ആശുപത്രിയിൽ എത്തിച്ചു. അവിടെ വച്ച് നില ഗുരുതരമാവുകയും മരണപ്പെടുകയുമായിരുന്നു. ആന്തരികാവയവങ്ങൾക്ക് തകരാറ് സംഭവിച്ചതാണ് മരണ കാരണം എന്നാണ് ആശുപത്രി റിപ്പോർട്ട്. ഇന്നലെ രാത്രിയായിരുന്നു മരണം സംഭവിച്ചത്. 46 വയസ്സായിരുന്നു


ടോപ് കുക്ക് ഡാപ്പ് കുക്ക് സീസൺ 2 യിൽ ആണ് ഏറ്റവുമൊടുവിൽ റോബോ ശങ്കർ പങ്കെടുത്തത്. ആ ഷോയിൽ നിന്ന് എലിമിനേറ്റ് ആയപ്പോൾ, സ്നേഹം അത്രയും ഭംഗിയോടെ ഞാൻ നൽകും. സ്നേഹത്തിന് മാത്രമാണ് ഞാൻ അടിമ. ഇവിടെയുള്ള എല്ലാവരുടെയും സ്നേഹം വാങ്ങിയിട്ടാണ് ഞാൻ പോകുന്നത്, തീർച്ചയായും ഞാൻ തിരിച്ചുവരും- എന്ന് പറഞ്ഞാണ് നടൻ പോയത്. തിരിച്ചു വരും എന്ന് പറഞ്ഞിട്ട് അങ്ങനെ പോയല്ലോ അണ്ണാ എന്ന് പറഞ്ഞാണ് ആരാധകർ ഇപ്പോൾ സങ്കടപ്പെടുന്നത്.