ഡിസി യൂണിവേഴ്സിന്റെ ബാറ്റ്മാൻ വേറെ, പാറ്റിൻസന്റെ ബാറ്റ്മാന്റെ ബാനർ മാറി! നിരാശയോടെ ആരാധകർ

Authored by: അശ്വിനി പി|Samayam Malayalam•1 Aug 2025, 1:42 pm

ബാറ്റ്മാൻ 2 പ്രഖ്യാപിച്ചതുമുതൽ ആവേശത്തിലായിരുന്നു ഡിസി കോമിക് കഥാപാത്രങ്ങളുടെ ആരാധകർ. 2022 ൽ പുറത്തിറങ്ങിയ ബാറ്റ്മാന്റെ തുടർച്ചയായി വരുന്ന ബാറ്റ്മാൻ 2 മാറ്റ് റീവ്‌സ് സംവിധാനം ചെയ്ത് റോബോർട്ട് പാറ്റിൻസൺ നായകനാകുന്നതായിട്ടാണ് ആദ്യം പ്രഖ്യാരിച്ചത്. ഡിസി യൂണിവേഴ്സിന്റെ ബാനറിൽ പുറത്തുവരാനിരുന്ന ചിത്രത്തിന് വേണ്ടി അക്ഷമരായി കാത്തിരിക്കുകയായിരുന്നു ആരാധകർ

എന്നാൽ പുതിയ റിപ്പോർട്ടുകൾ പ്രകാരം, ഡിസി യൂണിവേഴ്സ് പാറ്റിൻസന്റെ ബാറ്റ്മാൻ 2 ഏറ്റെടുക്കുന്നില്ല. ജെയിംസ് ഗണ്ണും പീറ്റർ സഫ്രാനും ഡിസി സ്റ്റുഡിയോസിന്റെ സഹ-മേധാവികളായി ചുമതലയേറ്റ ശേഷമാണ് തീരുമാനങ്ങൾ എല്ലാം മാറി മറിഞ്ഞത്. തങ്ങളുടെ കാഴ്ചപ്പാടിനൊത്ത ഒരു സിനിമ അല്ലാത്തതുകൊണ്ട് തന്നെ പാറ്റിസൻ- മാറ്റ് റീവ്സ് ചിത്രത്തിൽ നിന്ന് ഡിസ് യൂണിവേഴ്സ് പിന്മാറി

Also Read: ഒരു വർഷത്തെ എൻറെ ഏറ്റവും മികച്ചമാറ്റം: സണ്ണി വെയിൻറെ ഭാര്യ പറയുന്നു, ഇത് വെറും മോട്ടിവേഷൻ കാരണമല്ല

എൽസ്‌വേൾഡ്സ് ബാനറിന് കീഴിലായിരിക്കും ബാറ്റ്മാൻ 2 വരുന്നത് എന്നാണ് നിലവിലെ വിവരം. ഡിസി യൂണിവേഴ്സിലെ മറ്റ് സൂപ്പർഹീറോകളുമായി ബാറ്റ്മാൻ 2 വരും എന്ന പ്രതീക്ഷിച്ച ആരാധക‍ർക്കാണ് ഇപ്പോൾ നിരാശ മുഴുവൻ.

മാറ്റ് റീവ്സ് എഴുതിയ ബാറ്റ്മാൻ 2 യിൽ ബാറ്റ്മാൻ ഒരു ക്രൈം ഫൈറ്ററായി മാറുന്നതാണ് കഥ. അത് ഡിസി യൂണിവേഴ്സിലേക്ക് കൊണ്ടുവരുന്നത് തങ്ങളുടെ നിലവിലെ കാഴ്ചപ്പാടുകളുമായി യോജിക്കുന്നില്ല എന്നാണ് ജെയിംസ് ഗൺ പറയുന്നത്. പകരം ഡിസി സ്റ്റുഡിയോസ് പുതിയൊരു ബാറ്റ്മാൻ സിനിമയായ 'ദി ബ്രേവ് ആൻഡ് ദി ബോൾഡ്' എന്നതിൻ്റെ പണിപ്പുരയിലാണ് ഇപ്പോൾ. പാറ്റിസണിന് പകരം മറ്റൊരു നടനായിരിക്കും അതിൽ ബാറ്റ്മാൻ ആയി എത്തുന്നത്.

Also Read: ഇനിയിപ്പോ മാസ്ക്ക് ഒക്കെ വച്ച് നടക്കൂ! ചന്ദ്രനിലേക്ക് ഒരു യാത്ര; സാമ്പത്തികത്തട്ടിപ്പ് കേസിൽ പ്രതികൾ കീഴടങ്ങിയതിന് പിന്നാലെ ദിയ

മാറ്റം ആവശ്യമാണെന്ന് ജെയിംസ് ഗൺ സമീപകാലത്ത് നൽകിയ അഭിമുഖത്തിൽ പറഞ്ഞിരുന്നു. നമ്മൾ മുൻപ് ഇതിനെ കുറിച്ച് സംസാരിച്ചിട്ടുള്ളതാണ്. എല്ലാം എപ്പോഴും മാറ്റങ്ങൾക്ക് വിധേയമാണ്. അതുകൊണ്ട് തന്നെ അടുത്തത് എന്ത് ചെയ്യണം എന്നാണ് ആലോചിക്കേണ്ടത് എന്നാണ് ജെയിംസ് ഗൺ പറഞ്ഞത്.


അതേ സമയം പാറ്റിസണിന്റെ ബാറ്റ്മാൻ 2 ന്റെ തിരക്കഥ പൂർത്തിയായി. സഹ -രചയിതാവിനൊപ്പം ബാറ്റ്മാന്റെ ലോഗോയും തിരക്കഥയും വ്യക്തമാകുന്ന ഫോട്ടോയ്ക്കൊപ്പമാണ് മാറ്റ് റീവ്സ് തിരക്കഥ പൂർത്തിയായ വിവരം അറിയിച്ചത്. ചിത്രം 2027 ഒക്ടോബറിൽ പുറത്തിറങ്ങുമെന്നാണ് നിലവിലെ വിവരം.