തന്റെ ആദ്യ നായകനെ കാണാന്‍ കനക എത്തി! ഇത് നമ്മുടെ പഴയ മാലുവാണെന്ന് തിരിച്ചറിയാന്‍ പ്രയാസം!

കഴിഞ്ഞ കുറച്ചധികം കാലങ്ങളായി നടി കനക യെ സംബന്ധിച്ച് വരുന്ന വാര്‍ത്തകളൊന്നും തന്നെ അത്ര ശുഭകരമല്ലാത്തതായിരുന്നു. അച്ഛനുമായുണ്ടായ സ്വത്ത് തര്‍ക്കത്തെ ചൊല്ലി നടി രംഗത്തു വന്നതുമുതാലാണ് കനകയെ സംബന്ധിച്ച പല തരം വാര്‍ത്തകളും പുറത്തുവന്നു തുടങ്ങിയത്. അതിന് ശേഷം കനക അഭിനയത്തില്‍ നിന്നെല്ലാം മാറി നിന്ന്, സ്വയം കല്‍പിച്ച ഒരു ഏകാന്ത തടവറയിലായിരുന്നു.

ഇതിനിടയില്‍ പലതരം ഗോസിപ്പുകളും അസുഖങ്ങളും കനകയെ സബന്ധിച്ച് വന്നു. കാന്‍സറാണ് എന്നും മരണപ്പെട്ടു എന്നുമായിരുന്നു ആദ്യമൊക്കെയുള്ള വാര്‍ത്തകള്‍. എന്നാല്‍ പിന്നീട് കനക ഒരു തരം മാനസിക പ്രശ്‌നം നേരിടുകയാണ് എന്ന തരത്തിലായി വാര്‍ത്തകള്‍. കനകയുടെ വീട്ടില്‍ നിന്ന് തീയും പുകയും വന്നു, അന്വേഷിച്ച് ചെന്ന പൊലീല് ഉദ്യോഗസ്ഥരെ വീട്ടില്‍ കയറ്റിയില്ല എന്ന വാര്‍ത്തകളോടെ കനക വീണ്ടും ഒരു ചര്‍ച്ചയായി.

Also Read: ദുബായിൽ ഉയർന്ന ഉദ്യോഗം; അലക്സിനെക്കുറിച്ച് അധികമാർക്കും അറിയാത്ത കാര്യം; വിവാഹം നടന്നത് കുടുംബത്തിന്റെ പിന്തുണയോടെ

എന്നാല്‍ കനകയ്ക്ക് യാതൊരു തര പ്രശ്‌നങ്ങളും ഇല്ല എന്ന് നടി കുട്ടി പദ്മിനി അവരെ നേരിട്ട് ചെന്ന് കണ്ട ഫോട്ടോ സഹിതം ലോകത്തെ അറിയിച്ചു. പിന്നീട് രണ്ട് മൂന്ന് തവണകളായി കനകയുടെ ഫോട്ടോകള്‍ പുറത്തുവന്നിരുന്നു. കണ്ടാല്‍ തിരിച്ചറിയാന്‍ കഴിയാത്ത വിധം കനക മാറിയിരിക്കുന്നു. ഗോഡ്ഫാദറിലൂടെ മലയാളികള്‍ ഇഷ്ടപ്പെട്ട മാളു, ഇന്ന് ആകെ മാറിയിരിക്കുന്നു

ഇപ്പോഴിതാ വീണ്ടും കനകയുടെ ഒരു ഫോട്ടോ വൈറലാവുന്നു. ഈ ചിത്രം എന്തുകൊണ്ടും സ്‌പെഷ്യലാണ്. നടന്‍ രാമരാജനൊപ്പമുള്ള ചിത്രമാണ് സോഷ്യല്‍ മീഡിയയില്‍ വൈറലാവുന്നത്. കനകയുടെ ആദ്യത്തെ ചിത്രത്തിലെ നായകനാണ് രാഷ്ട്രീയക്കാരന്‍ കൂടെയായ രാമരാജന്‍ . രാമരാജന്റെ വീട്ടില്‍ എത്തി കൂടിക്കാഴ്ച നടത്തിയ ചിത്രങ്ങളാണ് പുറത്തുവരുന്നത്.

Also Read: കളങ്കാവലും ഭഭബയും ഓടിടിയില്‍ എത്തുന്നു, ഈ ആഴ്ച വരുന്ന സിനിമകള്‍; എവിടെ, എപ്പോള്‍ കാണാം?


തെലുങ്ക് സിനിമയുടെ പിതാവ് എന്നറിയപ്പെടുന്ന രഗുപതി രങ്കയ്യ നായിഡുവിന്റെ കൊച്ചുമകളാണ് കനക, അമ്മ ദേവികയും അറുപതുകളില്‍ സജീവമായയ അഭിനേത്രിയാണ്. മലയാളത്തിലും കന്നടയിലും ഹിന്ദിയിലും എല്ലാം നിരവധി സിനിമകള്‍ ചെയ്തിട്ടുണ്ട്. അമ്മയാണ് മകളെ ഒരു അഭിനേത്രിയാക്കി മാറ്റിയത്. കനകയുടെ ആദ്യ ചിത്രമായിരുന്നു 1989 ല്‍ പുറത്തിറങ്ങിയ കരകാട്ടക്കാരന്‍. ഗംഗൈ അമരന്‍ സംവിധാനം ചെയ്ത ചിത്രം സൂപ്പര്‍ ഹിറ്റ് ആയതിനൊപ്പം കനകയുടെ സിനിമ ജീവിതവും ശോഭിക്കുകയായിരുന്നു.