തന്റെ മരണ വാര്‍ത്തയോട് പ്രതികരിച്ച് അഭിലാഷ് പിള്ള; ഇന്ന് ആശുപത്രിയില്‍ പോകുന്നത് വരെ എനിക്ക് ജീവനുണ്ടായിരുന്നു

തന്നെ സംബന്ധിച്ച് വന്ന വ്യാജ വാര്‍ത്തയ്‌ക്കെതിരെ സംവിധായകന്‍ അഭിലാഷ് പിള്ള . മാലികപ്പുറം, സുമതി വളവ് പോലുള്ള സിനിമകളുടെ സംവിധായരന്‍ അഭിലാഷ് പിള്ള വാഹനാപകടത്തെ തുടര്‍ന്ന് മരണപ്പെട്ടു എന്നായിരുന്നു വാര്‍ത്തകള്‍.

അടുപ്പക്കാര്‍ വിളിച്ച് ഓകെ അല്ലേ എന്ന് നിരന്തരം ചോദിച്ചു തുടങ്ങിയപ്പോഴാണ് എന്താണ് കാരണം എന്ന് അഭിലാഷ് പിള്ളയ്ക്ക് മനസ്സിലായത്. കഴിഞ്ഞ കുറച്ചു ദിവസങ്ങളായി പനി കാരണം ആശുപത്രിയില്‍ കിടക്കുന്ന അഭിലാഷ്, ആശുപത്രിയില്‍ നിന്നുള്ള ചിത്രത്തിനൊപ്പമാണ് വാര്‍ത്തകള്‍ക്ക് വ്യക്തത നല്‍കിയത്.

Also Read: തമ്മില്‍ പിണങ്ങി പോകല്ലേ... മഹാലക്ഷ്മിയെയും മറ്റ് സഹോദരങ്ങളെയും ചേര്‍ത്തു പിടിച്ച് മീനാക്ഷി

അഭിലാഷ് പിള്ളയുടെ പോസ്റ്റ്;

ഇന്ന് രാവിലെ മുതല്‍ പല സുഹൃത്തുക്കളും, മീഡിയ പ്രവര്‍ത്തകരും വിളിച്ച് ഞാന്‍ ഓകെ ആണോ, എവിടെയുണ്ട് എന്നൊക്കെ തിരക്കിയപ്പോള്‍ ഇതാണ് കാരണം എന്നറിഞ്ഞില്ല, ഇന്നലെ ഞാന്‍ വാഹനാപകടത്തില്‍ മരിച്ചു എന്ന് പലര്‍ക്കും വാര്‍ത്ത കിട്ടി, മൂന്ന് ദിവസമായി കടുത്ത പനിയും തലകറക്കവും കാരണം ഫോണ്‍ ഉപയോഗം കുറവായത് കൊണ്ട് ഞാന്‍ ഈ വാര്‍ത്ത അറിഞ്ഞില്ല, ഇന്ന് കൂടി എറണാകുളം വെല്‍കെയര്‍ ഹോസ്പിറ്റലില്‍ ഡോക്ടറെ കാണാന്‍ പോയപ്പോഴും എനിക്ക് ജീവനുണ്ടാരുന്നു.

ഈ വാര്‍ത്തയൊക്കെ വീട്ടില്‍ ഇരിക്കുന്ന എന്റെ ബൈപാസ് സര്‍ജറി കഴിഞ്ഞിരിക്കുന്ന അച്ഛന്‍ കണ്ടാല്‍ ഉള്ള അവസ്ഥ. ഈ വാര്‍ത്തയുടെയൊക്കെ അണിയറ പ്രവര്‍ത്തകരെ അറിയാം പക്ഷേ പ്രതികരിക്കാന്‍ സമയം ഇല്ല. എന്നെ സ്‌നേഹിക്കുന്ന എന്നെ അറിയുന്ന ആളുകള്‍ക്ക് വേണ്ടിയാണ് ഈ പോസ്റ്റ് ഇടുന്നത് ഈശ്വരാനുഗ്രഹം കൊണ്ട് എനിക്ക് ഒരു കുഴപ്പവും ഇല്ല. എന്നെ വിളിച്ചു കാര്യങ്ങള്‍ തിരക്കിയ എല്ലാവരോടും നന്ദി.

Also Read: അവരുടെ ബന്ധം പിരിയാന്‍ ഞാന്‍ കാരണമല്ല; ഭര്‍ത്താവിന്റെ മുന്‍ഭാര്യയുമായുള്ള ബന്ധത്തെ കുറിച്ച് രാധിക ശരത്കുമാര്‍

ഒരു വലിയ വിവാദങ്ങളെയൊക്കെ നേരിട്ട് ഇരിക്കുന്ന സമയമാണ് അഭിലാഷ് പിള്ളയ്ക്ക് ഇത്. വെള്ളം സിനിമയ്ക്ക് ശേഷം ശ്രദ്ധേയനായ ബിസിനസ്സുകാരന്‍ മുരളി കുന്നമ്പുറത്ത് അഭിലാഷ് പിള്ളയ്ക്കും മറ്റു ചിലര്‍ക്കുമെതിരെ ഒരു വീഡിയോ പോസ്ര്‌റ് ചെയ്തിരുന്നു. സിനിമ നിര്‍മാണം അറിയാത്ത തന്നെ പറ്റിച്ച് സുമതി വളവ് എന്ന സിനിമ എടുത്ത് മുടിപ്പിച്ചു എന്നായിരുന്നു ആരോപണം. അതിനോട് അഭിലാഷ് പിള്ള പ്രതികരിക്കുകയും ചെയ്തിട്ടുണ്ട്.