ദയവ് ചെയ്ത് മരിച്ചു പോയ എന്റെ അച്ഛന്റെ എഐ വീഡിയോകൾ അയക്കുന്നത് നിർത്തൂ, റോബിൻ വില്യംസിന്റെ മകൾ

Authored by: അശ്വിനി പി|Samayam Malayalam•7 Oct 2025, 6:52 pm

ഇപ്പോള്ഡ എഐയുടെ കാലമാണല്ലോ. മരിച്ചു പോയ പല സെലിബ്രേറ്റികളും ഇപ്പോൾ എങ്ങനെയുണ്ടാവും, അവർ നടക്കുന്നതും ചിരിക്കുന്നതുമൊക്കെയായ വീഡിയോകൾ പല ആരാധകരും ക്രിയേറ്റ് ചെയ്യുന്നുണ്ട്. പക്ഷേ അതൊക്കെയും അവർക്ക് വേണ്ടപ്പെട്ടവർ ആസ്വദിക്കണം എന്നില്ല. മരിച്ചു പോയ തന്റെ അച്ഛന്റെ എഐ വീഡിയോകൾ ഉണ്ടാക്കി അയക്കുന്നത് നിർത്തണം എന്ന ആവശ്യവുമായി എത്തിയിരിക്കുകയാണ് ഇപ്പോൾ ഒരു താരപുത്രി.

Also Read: 46 ആം വയസ്സിൽ വിവാഹം, ഇപ്പോൾ അച്ഛനാകാൻ പോകുന്നു; സന്തോഷ വാർത്ത പങ്കുവച്ച് വാനമ്പാടിയിലെ മോഹൻ

ഹോളിവുഡ് ഹാസ്യ താരം റോബിൻ വില്യംസിന്റെ മകളാണ് ഇൻസ്റ്റഗ്രാം സ്റ്റോറിയിലൂടെ ഇത്തരം എഐ വീഡിയോകൾ ഉണ്ടാക്കി അയക്കുന്നത് അവസാനിപ്പിക്കണം എന്ന ആവശ്യവുമായി എത്തിയത്. 2014 ൽ തന്റെ അറുപത്തി മൂന്നാമത്തെ വയസ്സിലാണ് റോബിൻ വില്യംസ് ആത്മഹത്യ ചെയ്തത്. എന്നിരുന്നാലും അദ്ദേഹം ജന്മം നൽകിയ കഥാപാത്രങ്ങളിലൂടെ ഇന്നും അദ്ദേഹം ജീവിക്കുന്നു. ഇതിന് പുറമെയാണ് എഐ വീഡിയോകൾ ഇറക്കുന്നത്.

Also Read: കല്യാണം കഴിഞ്ഞിട്ട് 30 വർഷങ്ങൾ കഴിഞ്ഞു, ഇപ്പോഴും ഡേറ്റിങ് ചെയ്യുകയാണ് എന്ന് മാധവി; ദൈവം തീരുമാനിച്ച വിവാഹം!

എഐ വീഡിയോ കൾ ക്രിയേറ്റ് ചെയ്യുന്നു എന്ന് മാത്രമല്ല, അത് മകൾ സെൽഡയ്ക്ക് അയച്ചുകൊടുക്കുകയും ചെയ്യുന്നുണ്ട്. ദയവ് ചെയ്ത് ഇത് വീണ്ടും കാണാൻ ഞാൻ ആഗ്രഹിക്കുന്നുണ്ട്, ഞാനത് മനസ്സിലാക്കും എന്ന് വിശ്വസിക്കുന്നത് നിങ്ങൾ നിർത്തൂ. എനിക്കതിന് സാധിക്കുന്നില്ല. നിങ്ങളെന്നെ ട്രോൾ ചെയ്യാനാണ് അച്ഛന്റെ എഐ വീഡിയോ ഉണ്ടാക്കി അയക്കുന്നത് എങ്കിൽ അത് വളരെ മോശമായ കാര്യമായിട്ടാണ് ഞാൻ കാണുന്നത്.

Also Read: ഇവിടെ നിൽക്കാൻ കഴിയാതെ, പേടിച്ച് ഒളിച്ചോടിയതാണ് ഞാൻ, പ്രേമം തന്നത് സന്തോഷമല്ല; തുറന്ന് പറഞ്ഞ് അനുമോൾ


എല്ലാ വേദനകളും നിയന്ത്രിച്ച് തിരിച്ചു വന്നുകൊണ്ടിരിയ്ക്കുകയാണ് ഞാൻ. മാന്യത എന്നൊന്ന് നിങ്ങൾക്കുണ്ടെങ്കിൽ എന്നോടും അച്ഛനോടും ഇത് ചെയ്യരുത്. എല്ലാവരോടും കൂടെ ഫുൾസ്റ്റോപ്പിട്ട് പറയുകയാണ്. ഇത് തീർത്തും മണ്ടത്തരമാണ്, സമയം കളയലാണ്. എന്നെ വിശ്വസിക്കൂ, ഇത് അച്ഛൻ ആഗ്രഹിക്കുന്നതല്ല- സെൽഡ പറഞ്ഞു.