ദിവസം ഒരു 30 ലക്ഷം, മാസം ഒന്നരക്കോടി കിട്ടിയാല്‍ മതി; അത്രയേയുള്ളൂ തന്റെ ആഗ്രഹം എന്ന് വിഘ്‌നേശ് ശിവന്‍

സൗത്ത് ഇന്ത്യന്‍ സിനിമാ ലോകത്ത് ഏറ്റവും അധികം പ്രതിഫലം വാങ്ങുന്ന നടിയാണ് നയന്‍താര. പത്ത് മുതല്‍ പതിനെട്ട് കോടിയോളമാണ് ഒരു സിനിമയില്‍ അഭിനയിക്കുന്നതിന് നയന്‍താരയുടെ പ്രതിഫലം. മിനിട്ടുകള്‍ ദൈര്‍ഘ്യമുള്ള പരസ്യ ചിത്രങ്ങള്‍ക്കായി വാങ്ങുന്നതും കോടികളാണ്. അതിനൊക്കെ പുറമെ കോടികളുടെ ആസ്തിയുമുണ്ട്.

കേരളത്തിലും ചെന്നൈയിലും വീട്, ആഡംബര കാറുകള്‍, ഇന്ത്യയിലും പുറത്തുമുള്ള പല തരം ബിസിനസ്സുകളും, പ്രൊഡക്ഷന്‍ ഹൗസും അടക്കം 200 കോടി രൂപയുടെ ആസ്തിയുണ്ട് നയന്. നയന്റെ ബിസിനസ്സുകളില്‍ പലതിനും വിഘ്‌നേശ് ശിവനും പങ്കുണ്ട്, അന്‍പത് കോടിയോളമാണ് വിഘ്‌നേശ് ശിവന്റെ ആസ്തി എന്നാണ് കണക്കുകള്‍.

Also Read: എന്തൊരു പെണ്‍കുട്ടിയാണവള്‍; മമിത ബൈജുവിനെ പ്രശംസിച്ച് രാധിക ശരത്കുമാര്‍

പക്ഷേ ഇതൊന്നും അല്ല വിഘ്‌നേശ് ശിവന്റെ ആഗ്രഹം. മക്കള്‍ രണ്ട് പേരും വന്നതിന് ശേഷം അവര്‍ക്കൊപ്പം തന്നെ ഇരിക്കണം എന്നതാണ്. പക്ഷേ അതിന് വരുമാനം വേണമല്ലോ. ദിവസം ഒരു മുപ്പത് ലക്ഷം രൂപം കിട്ടുന്ന തരത്തില്‍ വ്യക്തമായ ഒരു കണക്ക് അടുത്തിടെ നല്‍കിയ അഭിമുഖത്തില്‍ വിഘ്‌നേശ് ശിവന്‍ പറയുന്നുണ്ട്

ഒരു 300 അല്ലെങ്കില്‍ 350 കോടി രൂപ ഫിക്‌സഡ് ഡെപ്പോസിറ്റായി ഇടണം. 7 ശതമാനം ഇന്‍ട്രസ്റ്റില്‍ വര്‍ഷം വര്‍ഷം 21 കോടി രൂപ, മാസം അതൊരു 1.5 കോടിയായിരിക്കും. അങ്ങനെ കണക്ക് കൂട്ടിയാല്‍ ദിവസം 30 ലക്ഷം വരുമാനമുണ്ടാവും. അത് പോലെ ഒരു അവസ്ഥയില്‍ എത്തിയാല്‍ എന്റെ ഈ ജീവിതം മുഴുവന്‍ മക്കള്‍ക്കൊപ്പം, അവരുടെ കൂടെ തന്നെ സമാധാനപരമായി ജീവിക്കും- എന്നാണ് വിഘ്‌നേശ് ശിവന്റെ കണക്കുകൂട്ടല്‍.

Also Read: പത്താം ക്ലാസ് പരീക്ഷ രണ്ട് വട്ടം എഴുതി തോറ്റു, ചിലര്‍ക്ക് പഠിക്കാനുള്ള കഴിവുണ്ട് എനിക്കതില്ല എന്ന് അക്ഷര ഹാസന്‍

ഇതേ അഭിമുഖത്തില്‍ തന്നെ ഒരു സിനിമ പ്രൊഡ്യൂസര്‍ ആയിട്ടും താന്‍ നേരിടുന്ന പ്രൊഡക്ഷന്‍ പ്രശ്‌നങ്ങളെ കുറിച്ച് വിഘ്‌നേശ് ശിവന്‍ സംസാരിക്കുന്നുണ്ട്. അജിത്തിനെ നായകനാക്കി ആര്‍ ആര്‍ ആര്‍, കെജിഎഫ് ലെവലിലുള്ള ഒരു സിനിമ മൂന്ന് -നാല് വര്‍ഷം എടുത്ത് വിഘ്‌നേശ് തിരക്കഥ എഴുതിയിരുന്നു. പക്ഷേ പറ്റിയ ഒരു പ്രൊഡക്ഷന്‍ ഹൗസ് കിട്ടിയില്ല, കിട്ടിയ പ്രൊഡക്ഷന്‍ ഹൗസുമായി ഒത്തു പോകാത്തത് കാരണം ആ സിനിമ നടക്കാതെ പോകുകയായിരുന്നുവത്രെ.