ദിവസേന രണ്ടുലക്ഷം രൂപ ഷോപ്പിൽ നിന്നുമാത്രം; യൂട്യൂബിൽ നിന്നും, പ്രമോഷിനിലൂടെ വേറെയും; ദിയ എന്ന ബോൾഡ് ആൻഡ് ബ്യൂട്ടിഫുൾ ലേഡി

Authored by: ഋതു നായർ|Samayam Malayalam•5 Aug 2025, 1:46 pm

ദിയ കൃഷ്ണ തന്റെ 27 ആം വയസിൽ എത്തിയപ്പോഴേക്ക് സ്വ പ്രയത്നം കൊണ്ട് എത്താവുന്ന തലത്തിൽ എത്തിക്കഴിഞ്ഞു . തന്നിഷ്ടക്കാരി കുടുംബത്തോട് ബന്ധം പുലർത്താതെ കൂട്ടുകാർക്ക് ഒപ്പം നടക്കുന്നു. എന്നിങ്ങനെ ദിയ കേൾക്കാവുന്നതിന്റെ മാക്സിമം സോഷ്യൽ മീഡിയയിൽ നിന്നും കേട്ടിട്ടുണ്ട്.

ഒരുസമയത്ത് ദിയയുടെ പ്രണയത്തെക്കുറിച്ചും ചർച്ചകൾ നടന്നിരുന്നു. തന്റെ ഒപ്പം കൂടി തന്നെ മാക്സിമം ചൂഷണം ചെയ്തു കടന്നു കളഞ്ഞ സുഹൃത്തുക്കളെ കുറിച്ച് പലവട്ടം ദിയ തന്നെ തുറന്നു പറഞ്ഞിട്ടുണ്ട്.

തന്റെ ജീവിതത്തിൽ തന്നെ ചൂഷണം ചെയ്യാതെ പ്രതിസന്ധിഘട്ടങ്ങളിൽ ഒപ്പം നിന്ന ആളാണ് അശ്വിൻ., ഉറ്റ സുഹൃത്തിനെ തനറെ ഭർത്താവായി സ്വീകരിക്കുമ്പോളും സൈബർ അറ്റാക്ക് ദിയക്ക് നേരിടേണ്ടി വന്നു. ഇത്രയും മോഡേൺ ചിന്താഗതികരി ആയിട്ടും നേരത്തെയുള്ള വിവാവയും പിന്നാലെ ഗർഭം ധരിച്ചതും ഒക്കെയും ചർച്ചയായി.

ഇതിനിടയിലാണ് മറ്റൊരു വസ്തുതത കൂടി ശ്രദ്ധിക്കപ്പെട്ടത് തന്റെ സ്ഥാപനത്തിലെ ജീവനക്കാരികളെ കണ്ണും പൂട്ടി വിശ്വസിച്ചതിന്റെ പേരിൽ ലക്ഷങ്ങളുടെ തട്ടിപ്പിന് ഇരയാകേണ്ടി വന്നു ദിയ കൃഷ്ണക്ക്. അകമഴിഞ്ഞ് ആരെയും വിശ്വസിക്കുന്ന ആളാണ് താനെന്ന് പലപ്പോഴും ദിയ പറയാറുണ്ട്. അതിന്റെ ഭാഗമായിട്ടാണ് ദിയക്ക് ലക്ഷങ്ങൾ നഷ്ടമായത്.

ALSO READ:കുടുംബ കലഹത്തിനിടയിൽ വിവാഹ വാർഷികം, ഇത് അച്ഛനും അമ്മയ്ക്കുമുള്ള മറുപടിയോ; ബന്ധം കൂടുതൽ ദൃഢമാക്കി ബ്രൂക്ലിൻ ബെക്കാമും നിക്കോള പെൽറ്റ്സും

ദിവസേന രണ്ടുലക്ഷം രൂപയുടെ കുറവാണ് സ്ഥാപനത്തിൽ സംഭവിച്ചതെന്ന് റിപ്പോർട്ടുകൾ പറയുന്നു. അങ്ങനെ എങ്കിൽ ഓ ബൈ ഒസിയിലൂടെ ഒരു പെണ്ണ് ഉണ്ടാക്കുന്ന വരുമാനത്തിന്റെ കണക്ക് നോക്കൂ. അച്ഛൻ കൃഷ്ണകുമാറിന്റെ ലേബലിൽ നിന്നല്ല സ്വന്തം അധ്വാനം കൊണ്ട് പ്രിയ സുഹൃത്തുകൂടി ആയ അശ്വിന്റെ പിന്തുണയോടെ ചുരുങ്ങിയ കാലം കൊണ്ടാണ് ഇത്തരമൊരു വളർച്ച ദിയ നടത്തിയത്.

ALSO READ: പവർഫുൾ സ്ത്രീയാണ് മല്ലിക! ഖത്തറിലെ ബിസിനസ്; അശോക് നഗറിലെ മൂന്നുനില വീട്; കോടികൾ വിലവരുന്ന സാമ്രാജ്യം വിട്ടുകളയാതെ താരപത്നി

റിപ്പോർട്ടുകൾ പരിശോധിച്ചാൽ കാണാം സോഷ്യൽ മീഡിയ ഇൻഫ്ലുവെൻസർ എന്ന നിലയിലും യൂ ട്യൂബർ എന്ന നിലയിലും ദിയ നല്ലൊരു വരുമാനം തന്നെ നേടുന്നുണ്ട്. മലയാളം യൂട്യൂബ് ചരിത്രത്തിൽ തന്നെ ആദ്യമായിട്ടാണ് ഇത്രയേറെ ശ്രദ്ധിക്കപ്പെടുന്ന ഒരു വീഡിയോ പുറത്തുവരുന്നത്.

ഗോസിപ്പുകൾ ഇല്ലാതെ നെഗറ്റീവ് ഷെയ്ഡുകൾ ഇല്ലാതെ ദിയ പത്തുമില്യണിന് അടുത്തുള്ള കാഴ്ചക്കാരെയാണ് ആ ഒറ്റ വീഡിയോയിൽ നിന്നും നേടിയത്. കാഴ്ചക്കാർ കൂടുന്നത് അനുസരിച്ചു വരുമാനവും കൂടും എന്നത് വസ്തുതാപരമായ കാര്യമാണ് അങ്ങനെയെങ്കിൽ ദിയ എന്ന 'ബോൾഡ് ആൻഡ് ബ്യൂട്ടിഫുൾ ലേഡി', സ്വന്തമാക്കുന്നത് ലക്ഷങ്ങൾ വരുമാനമാണ്.