ദേഷ്യം വന്നാല്‍ ഫഹദ് ഫാസിലിനെ നിയന്ത്രിക്കാന്‍ കഴിയില്ല, എന്ത് കാര്യത്തിനാണ് ദേഷ്യം വരുന്നത് എന്ന് വെളിപ്പെടുത്തി നടന്‍

1 month ago 5
മറ്റ് നടന്മാറില്‍ നിന്ന് ഫഹദ് ഫാസിലിനെ മാത്രം മാറ്റി നിര്‍ത്തുന്ന ചില സവിശേഷതകളുണ്ട്. ഫഹദിന്റെ ലൈഫ് സ്റ്റൈല്‍ തന്നെ അതില്‍ പ്രധാനമാണ്. സിനിമ റിലീസ് ചെയ്യുമ്പോള്‍ അല്ലാതെ ഫഹദ് അഭിമുഖങ്ങള്‍ നല്‍കാറില്ല, സോഷ്യല്‍ മീഡിയയില്‍ എവിടെയും ഫഹദ് ഫാസില്‍ ഇല്ല, റിലീസിങ് സമയത്തല്ലാതെ സ്മാര്‍ട്ട് ഫോണുകള്‍ ഉപയോഗിക്കില്ല. തന്‍രെ സ്വകാര്യതകളെ ഏറ്റവും അധികം ഇഷ്ടപ്പെടുന്ന ആളാണ് ഫഹദ് ഫാസില്‍

ഡോണ്ട് ട്രബിള്‍ ദ ട്രബിള്‍ എന്ന പുതിയ ചിത്രത്തിന്റെ പ്രമോഷന്‍ തിരക്കുകളിലാണ് ഇപ്പോള്‍ നടന്‍. ഫഹദിന്റെ സ്വഭാവത്തെ കുറിച്ച് കൂടുതല്‍ വെളിപ്പെടുത്തുന്ന വിധം ഒരു അഭിമുഖമാണ് തമിഴ് യൂട്യൂബ് ചാനലായ ഗലാട്ട തമിഴിന് വേണ്ടി പ്രിയങ്ക നടത്തിയത്. അതില്‍ ഫഹദിനെ കുറിച്ച് ആര്‍ക്കുമറിയാത്ത ചില കാര്യങ്ങളൊക്കെ നടന്‍ വെളിപ്പടുത്തുന്നുണ്ട്.

Samayam Malayalamവയസ്സ് വെറും 21, യൂട്യൂബ് വരുമാനവും പ്രമോഷനും ബിസിനസ്സും; ലക്ഷങ്ങള്‍ സമ്പാദിക്കുന്ന കൃഷ്ണ കുമാറിന്റെ ഇളയ മകള്‍
ഷൂട്ടിങ് ഒന്നും ഇല്ലാത്തപ്പോള്‍ വീട്ടില്‍ ഇരിക്കാന്‍ ആഗ്രഹിക്കുന്ന ഫഹദ്, വീട്ടിലിരുന്ന് എന്ത് ചെയ്യും എന്ന് ചോദിച്ചപ്പോള്‍ ഭാര്യയുമായി വഴക്കിടും എന്നാണ് പറഞ്ഞത്. പുസ്തകങ്ങള്‍ വായിക്കും, ടിവി കാണും, വീടിന് പുറത്തേക്ക് പോകുന്നതില്‍ അത്രയ്‌ക്കൊന്നും ഇഷ്ടമല്ല എന്ന് ഫഹദ് പറഞ്ഞിട്ടുണ്ട്. അത് മാത്രമല്ല ദേഷ്യം വന്നാല്‍ ഫഹദിനെ നിയന്ത്രിക്കാന്‍ കഴിയില്ലത്രെ. വളരെ എളുപ്പത്തില്‍ ചെയ്യാന്‍ കഴിയുന്ന കാര്യങ്ങള്‍ കോംപ്ലിക്കേറ്റഡ് ആക്കുമ്പോള്‍ തനിക്ക് ദേഷ്യം വരും എന്നാണ് ഫഹദ് പറഞ്ഞത്

ഒറ്റ വാക്കില്‍ ഉത്തരം നല്‍കുന്ന ചില ചോദ്യങ്ങള്‍ പ്രിയങ്ക ഫഹദിനോട് ചോദിക്കുകയുണ്ടായി. ഏറ്റവും സന്തോഷത്തോടെ ഇരിക്കുന്നത് ഒന്നും ചെയ്യാതിരിക്കുമ്പോഴാണ് എന്ന് നടന്‍ പറയുന്നു. തന്നെ സംബന്ധിച്ച് ഫെയിം എന്നത് ഒരു മറ്റൊരു തരത്തിലുള്ള ഐഡന്റിറ്റിയാണ് എന്ന് ചോദ്യത്തിന് ഉത്തരമായി ഫഹദ് പറഞ്ഞു. പരാജയം എന്നാല്‍ ലേണിങ് ആണെന്നായിരുന്നു ഫഹദിന്റെ ഉത്തരം.


വിവാഹം എന്നത് എന്ത് തന്നെയായാലും നിരുപാധികമായ സ്‌നേഹമാണ് എന്ന് ഫഹദ് ഫാസില്‍ പറയുന്നു. എന്റെ ഹോം നസ്‌റിയയാണ്, അക്ഷരാര്‍ത്ഥത്തില്‍ എനിക്ക് അവള്‍ ഹോം ഫീല്‍ നല്‍കി. എന്റെ പത്തൊന്‍പതാമത്തെ വയസ്സില്‍ പഠിക്കാനായി അമേരിക്കയിലേക്ക് പോയപ്പോള്‍ വീട് വിട്ട് ഇറങ്ങിയതാണ് ഞാന്‍. തിരിച്ചു വന്നതിന് ശേഷം ഏതാനും മാസങ്ങള്‍ മാത്രമേ ഞാന്‍ വീട്ടില്‍ നിന്നിട്ടുള്ളൂ, പിന്നെ എപ്പോഴും പുറത്ത് പോകലും ഷൂട്ടിങുമൊക്കെയായിരുന്നു. നസ്‌റിയയ ജീവിതത്തിലേക്ക് വന്നതിന് ശേഷമാണ് എനിക്ക് ഹോം ഫീല്‍ ഉണ്ടായത്.

ഞങ്ങള്‍ക്കിടയിലെ പ്രായവ്യത്യാസമാണ് ബന്ധത്തെ കൂടുതല്‍ മനോഹരമാക്കിയത്. എല്ലാ ബന്ധങ്ങളിലെയും എന്നത് പോലെ മോശമായ ഭാഗവും നല്ല ഭാഗവും ഞങ്ങളുടെ ജീവിതത്തിലുമുണ്ട്, പക്ഷേ കൂടുതല്‍ നല്ലതാണെന്നാണ് എനിക്ക് തോന്നിയിട്ടുള്ളത്. അങ്ങനെയല്ലെങ്കില്‍ ഞങ്ങള്‍ക്ക് മുന്നോട്ടു പോകാന്‍ കഴിയില്ലല്ലോ. ഞങ്ങളുടെ ബന്ധത്തില്‍ കൂടുതല്‍ കള്ളം പറയുന്നതും ഞാനാണ്, കൂടുതല്‍ കാശ് ചെലവിടുന്നതും താനാണ് എന്ന് ചോദ്യത്തിന് ഉത്തരമായി ഫഹദ് ഫാസില്‍ പറഞ്ഞു

Read Entire Article