'ഓം സ്പെഷ്യൽ ഡ്യൂട്ടി' എന്ന പേരിൽ അണിയറപ്രവർത്തകർ പുറത്തുവിട്ട പ്രത്യേക വീഡിയോയിലൂടെയാണ് സായ് പല്ലവിയുടെ കഥാപാത്രത്തെ പ്രേക്ഷകർക്ക് പരിചയപ്പെടുത്തിയത്. ആന്ധ്രാപ്രദേശ് കേഡറിലെ ഐ.പി.എസ് ഉദ്യോഗസ്ഥയായ നിത്യ റെഡ്ഡി, പോലീസ് സേവനത്തിന് ശേഷം സി.ബി.ഐയിൽ അഡീഷണൽ സൂപ്രണ്ടായി ചുമതലയേൽക്കുന്നതും തുടർന്ന് ഇന്റർപോളിനൊപ്പം പ്രവർത്തിക്കുന്നതുമാണ് കഥാപാത്രത്തിന്റെ പശ്ചാത്തലം. ചെറുപ്രായത്തിൽ തന്നെ ഏറെ ബുദ്ധിമതിയും സത്യസന്ധയും മികച്ച അനുഭവസമ്പത്തുമുള്ള ഉദ്യോഗസ്ഥയായാണ് നിത്യയെ മേലുദ്യോഗസ്ഥർ കാണുന്നത്. സിനിമയിൽ നിർണ്ണായകമായ 'ഓപ്പറേഷൻ ഓം' എന്ന ദൗത്യത്തിന് നേതൃത്വം നൽകുന്നതും ഈ കഥാപാത്രമാണ്.
പെഡ്ഡി വിവാദം; മൗനം വെടിഞ്ഞ് ജാൻവി കപൂർ, തെറ്റ് തിരുത്താൻ വൈകിയെന്ന് തുറന്നുപറച്ചിൽ
കഥാപാത്രത്തിന്റെ വീഡിയോ പങ്കുവെച്ചുകൊണ്ട് സംവിധായകൻ രാജ്കുമാർ പെരിയസാമി സായ് പല്ലവി യുടെ അഭിനയമികവിനെ വാനോളം പ്രശംസിച്ചു. ഇതിന് മറുപടിയായി സായ് പല്ലവി പങ്കുവെച്ച വാക്കുകളാണ് ആരാധകരുടെ മനം കവരുന്നത്. 'അമരന്' ശേഷം വീണ്ടും തന്നെ തിരഞ്ഞെടുത്തതിന് സംവിധായകന് നന്ദി പറഞ്ഞ താരം, നിത്യ റെഡ്ഡി എന്ന കഥാപാത്രത്തിൽ തന്റെ തന്നെ മറ്റൊരു മുഖമാണ് കാണുന്നതെന്നും താരം പറഞ്ഞു .
വമ്പൻ താരനിരയാണ് 'ഓം' എന്ന ചിത്രത്തിനായി അണിനിരക്കുന്നത്. മലയാളത്തിന്റെ മഹാനടൻ മമ്മൂട്ടി 'കാർത്തികേയൻ' എന്ന സുപ്രധാന കഥാപാത്രത്തെ അവതരിപ്പിക്കുമ്പോൾ, ബോളിവുഡ് ഇതിഹാസം നസീറുദ്ദീൻ ഷായും ചിത്രത്തിൽ ഒരു പ്രധാന വേഷത്തിലുണ്ട്. സായ് പല്ലവിക്കൊപ്പം ശ്രീലീലയും ചിത്രത്തിൽ നായികയായി എത്തുന്നു. 'ചാപ്റ്റർ 1' എന്ന ടാഗ്ലൈനോടെ എത്തുന്ന ചിത്രത്തിന് രണ്ടാം ഭാഗമുണ്ടാകുമെന്ന സൂചനയും അണിയറപ്രവർത്തകർ നൽകുന്നുണ്ട്.
നേരത്തെ ഒക്ടോബർ 16-ന് തിയേറ്ററുകളിൽ എത്തിക്കാൻ പ്ലാൻ ചെയ്തിരുന്ന ചിത്രമാണ് 'ഓം'. എന്നാൽ രജനീകാന്തിന്റെ 'ജയിലർ 2' ഒക്ടോബർ 15-ന് റിലീസ് ചെയ്തതിനാൽ, ധനുഷും സംഘവും റിലീസ് മാറ്റിവെക്കുകയായിരുന്നു. ദീപാവലിക്ക് സൂര്യയുടെ ചിത്രം എത്തുന്നതിനാൽ ആ തീയതിയും ഒഴിവാക്കി. ഒടുവിൽ നവംബർ 20-ന് ചിത്രം തിയേറ്ററുകളിൽ എത്തുമെന്നാണ് ഔദ്യോഗികമായി അറിയിച്ചിരിക്കുന്നത്. സായ് അഭ്യങ്കർ സംഗീതവും, എഴിൽ അരശ് ഛായാഗ്രഹണവും, കലൈവാണൻ ആർ എഡിറ്റിംഗും നിർവ്വഹിക്കുന്ന ഈ ചിത്രത്തിനായി വലിയ പ്രതീക്ഷയോടെയാണ് സിനിമാപ്രേമികൾ കാത്തിരിക്കുന്നത്.




English (US) ·