നല്ല ഒരു മുഖം നശിപ്പിച്ചു, ആ നാച്വറൽ ബ്യൂട്ടി അങ്ങ് പോയി; പ്ലാസ്റ്റിക് സർജറി ചെയ്ത ഈ ലുക്ക് ടെമിന് ഒട്ടും ചേരുന്നില്ല എന്ന് ആരാധകർ

Authored by: അശ്വിനി പി|Samayam Malayalam•11 Jul 2025, 2:34 pm

SHINee എന്ന കൊറിയൻ മ്യൂസിക് ബാന്റ് താരം ലീ ടെയ്-മിൻ എന്ന ടെമിൻ തന്റെ പാട്ടുകൊണ്ടും ഡാൻസ് കൊണ്ടും മാത്രമല്ല, നാച്വറൽ ബ്യൂട്ടി കൊണ്ടും ആരാധകരുടെ മനസ്സ് കീഴടക്കിയ ആളാണ്. ഗായകന്റെ പാട്ടിനൊപ്പം സൗന്ദര്യത്തെയും ഇഷ്ടപ്പെടുന്ന ആരാധകർക്ക് നിരാശയുണ്ടാക്കുന്ന വീഡിയോകളും ഫോട്ടോകളുമൊക്കെയാണ് ഇപ്പോൾ പുറത്തുവരുന്നത്.

മേക്കപ്പ് ഇല്ലാതെ പോലും അതീവ സുന്ദരനാണ് ടെമിൻ. എന്നാൽ ഇപ്പോൾ അദ്ദേഹത്തിന്റെ മുഖത്തെ മാറ്റം ഒട്ടും ചേരുന്നില്ല. മൂക്കിന് പ്ലാസ്റ്റിക് സർജറി ചെയ്തോ, ഈ രൂപമാറ്റം ഒട്ടും യോജിക്കുന്നില്ല എന്നൊക്കെയാമ് സോഷ്യൽ മീഡിയയിൽ ഉയരുന്ന കമന്റുകൾ.

നാല് ദിവസം മുൻപ് ജപ്പാനിൽ വച്ചു നടന്ന ഒരു മ്യൂസിക് കോർ പരിപാടിയിൽ ടെമിൻ പങ്കെടുത്തിരുന്നു. അതിന്റെ ക്ലിപ്പുകൾ എല്ലാം ഇപ്പോൾ സോഷ്യൽ മീഡിയയിൽ സജീവമാണ്. പാട്ടും പെർഫോമൻസും മാത്രമല്ല, ടെമിന്റെ ലുക്കും സൂം ചെയ്ത് നോക്കുന്ന ആരാധകർക്ക് മുഖത്ത് വന്ന മാറ്റം പെട്ടന്ന് തിരിച്ചരിയാനായി സാധിച്ചു. മൂക്കിന്റെ ആകൃതിയിലാണ് മാറ്റം, ടെമിൻ റിനോപ്ലാസ്റ്റി (മൂക്കിലെ പ്ലാസ്റ്റിക് സർജറി) ചെയ്തുവെന്ന് വീഡിയോയ്ക്ക് താഴെ കമന്റുകൾ വരുന്നു.

Also Read: കല്യാണം കഴിഞ്ഞു, ഒരു കാര്യം ഒഴികെ കല്യാണത്തിന് മുൻപ് പറഞ്ഞ എല്ലാ കാര്യങ്ങളും കാർത്തിക് സൂര്യ നിറവേറ്റിയിട്ടുണ്ട്!

ഏതാനും ദിവസങ്ങൾക്ക് മുമ്പ്, ഷൈനി ടീം അംഗം മിൻഹോയ്‌ക്കൊപ്പമുള്ള ഒരു ലൈവ് വീഡിയോയിലും ടെമിൻ എത്തിയിരുന്നു. അതിന്റെ സ്ക്രീൻ ഷോട്ടുകളും ഇപ്പോൾ വൈറലാവുന്നുണ്ട്. എന്തിനാണ് ഇത് ചെയ്തത്, ഇതിന്റെ ആവശ്യമുണ്ടായിരുന്നില്ല, ആ നാച്വറൽ സൗന്ദര്യം തന്നെയായിരുന്നു നല്ലത് എന്നൊക്കെ പറഞ്ഞ് നിരവധി നെഗറ്റീവ് കമന്റുകളാണ് സോഷ്യൽ മീഡിയയിൽ വരുന്നത്.

നല്ല ഒരു മുഖം അങ്ങ് നശിപ്പിച്ചു, ഈ മാറ്റം വേദനിപ്പിക്കുന്നു എന്നൊക്കെയാണ് കടുത്ത ആരാധകരുടെ അഭിപ്രായം. എന്നാൽ ഈ സസ്ത്രക്രിയയിലൂടെ ടെമിൻ തനിക്കേറ്റവും ഇഷ്ടപ്പെട്ട മൈക്കിൾ ജാക്സന്റെ ലുക്കിലേക്ക് എത്തി എന്ന് പോസിറ്റീവായി പറയുന്നവരെയും സോഷ്യൽ മീഡിയയിൽ കാണാം. അതേ സമയം അത് പ്ലാസ്റ്റിക് സർജറി ഒന്നുമല്ല, ലൈറ്റിങ് എഫക്ട് കൊണ്ടോ മറ്റോ തന്നുന്നതാണെന്നാണ് വേറെ ചിലരുടെ അഭിപ്രായം. ഇനി അങ്ങനെ ചെയ്താലും അത് ടെമിന്റെ വ്യക്തി സ്വാതന്ത്ര്യമാണ് എന്ന് വാദിക്കുന്നവരുമുണ്ട്.