നാ​ഗ ചൈതന്യയും സമാന്തയും വേർപിരിഞ്ഞത് നന്നായി എന്ന് നാ​ഗാർജുനയുടെ സഹോദരി സുശീല, അതിലാർക്കും പങ്കില്ല

Authored by: അശ്വിനി പി|Samayam Malayalam•30 Aug 2025, 6:38 pm

ആരാധകരെ ഏറെ വേദനിപ്പിച്ച ഒരു വിവാഹ മോചന വാർത്തയായിരുന്നു നാഗ ചൈതന്യയുടെയും സമാന്ത റുത്ത് പ്രഭുവിന്റെയും. ഇരുവരും വിവാഹ മോചനം പ്രഖ്യാപിച്ചതിന് ശേഷവും, പ്രശ്നങ്ങൾ എല്ലാം പറഞ്ഞവസാനിപ്പിച്ച് ഇരുവരും ഒന്നിക്കും എന്ന് പ്രതീക്ഷിച്ചിരുന്നവരുമുണ്ട്. എന്നാൽ ചൈതന്യ ശോഭിത ധൂലിപാലയെ വിവാഹം ചെയ്തതിന് ശേഷം ആ പ്രതീക്ഷയും ഇല്ലാതെയായി. ഇപ്പോൾ ആ വെറുപ്പ് മുഴുവൻ ശോഭിത സോഷ്യൽ മീഡിയയിൽ നേരിടുന്നുണ്ട്.

എന്നാൽ സമാന്തയും നാഗ ചൈതന്യയും വേർപിരിഞ്ഞത് തന്നെയാണ് നല്ല തീരുമാനം എന്ന് നാഗാർജുനയുടെ സഹോദരി സുശീല പറയുന്നു. അവരുടെ ബന്ധം വേർപിരിഞ്ഞതിൽ പുറത്തു നിന്നുള്ള ആർക്കും പങ്കില്ല എന്നും സുശീല വ്യക്തമാക്കുന്നു.

Also Read: വെറും രണ്ടര മാസം കൊണ്ട് ഇത്രയും വലിയ മാറ്റമോ, വണ്ണത്തിന്റെ പേരിൽ കളിയാക്കിയവർക്ക് മുന്നിൽ പുതിയ ലുക്കിൽ നിവേദ തോമസ്

ഒരേ പ്രൊഫഷനിലുള്ള ആളുകൾ തമ്മിൽ വിവാഹം ചെയ്താൽ പരസ്പരം കൂടുതൽ മനസ്സിലാക്കാൻ സാധിക്കും എന്നാണ് നാഗ ചൈതന്യയും സമാന്ത റുത്ത് പ്രഭുവും വിവാഹം ചെയ്യുമ്പോൾ കരുതിയിരുന്നത്. പക്ഷേ അവർക്കിടയിൽ ആ അണ്ടർസറ്റാന്റിങ് ഉണ്ടായിരുന്നില്ല. പ്രശ്നം അവർ രണ്ടു പേരും തമ്മിൽ മാത്രമായിരുന്നു, മൂന്നാമതൊരാൾക്ക് അതിൽ പങ്കില്ല. എന്നും വഴക്കടിച്ചിരിയ്ക്കുന്നതിലും ഭേദം വേർപിരിയുന്നത് തന്നെയായിരുന്നു- എന്നാണ് സുശീല പറഞ്ഞത്

Also Read: മകൾക്ക് മുൻപേ ബിസിനസിൽ തിളങ്ങിയത് സിന്ധു! ഗൾഫിൽനിന്നുള്ള ജോലി ഓഫറുകൾ നിരസിച്ചത് മക്കൾക്ക് വേണ്ടി

2010 യേ മായ ചേസുവേ എന്ന ചിത്രത്തിൽ ഒന്നിച്ചഭിനയിച്ചതിന് ശേഷമാണ് നാഗ ചൈതന്യയ്ക്കും സമാന്ത റുത്ത് പ്രഭുവിനും ഇടയിൽ പ്രണയം സംഭവിച്ചത്. ഏഴ് വർഷത്തെ പ്രണയത്തിന് ശേഷം 2017 ൽ ഒരു ഡസ്റ്റിനേഷൻ വെഡ്ഡിങ് നടന്നു. ഹിന്ദു ആചാര പ്രകാരവും ക്രിസ്റ്റ്യൻ ആചാര പ്രകാരവും നടന്ന ഗംഭീരമൊരു വിവാഹമായിരുന്നു അത്. വിവാഹം കഴിഞ്ഞ് , നാലാം വിവാഹ വാർഷികം ആഘോഷിക്കാൻ ഒരാഴ്ച ബാക്കി നിൽക്കെയാണ് വേർപിരിയുകയാണ് എന്ന് ഇരുവരും സോഷ്യൽ മീഡിയ പോസ്റ്റിലൂടെ അറിയിച്ചത്. അതിന് മുൻപേ തന്നെ വേർപിരിയൽ ഗോസിപ്പ് വ്യാപകമായിരുന്നു

സമാന്തയുമായി വേർപിരിഞ്ഞതിന് ശേഷം 2024 ഡിസംബറിൽ ആണ് നാഗ ചൈതന്യ നടി ശോഭിത ധൂലിപാലയെ വിവാഹം ചെയ്തത്. രണ്ട് വർഷത്തെ പ്രണയത്തിന് ശേഷമായിരുന്നു വിവാഹം.
വേർപിരിയലിന് ശേഷം സമാന്ത കൂടുതൽ കരിയറിൽ ഫോക്കസ് ചെയ്തു. അതിനിടയിൽ മയോസൈറ്റിസ് എന്ന അപൂർവ്വ രോഗത്തോടും നടി പോരാടി. ഇപ്പോൾ സംവിധായകൻ രാജ് നഡിമോരുവുമായി സമാന്ത പ്രണയത്തിലാണ് എന്ന ഗോസിപ്പുകൾ പ്രചരിയ്ക്കുന്നുണ്ട്.