നായികമാരുടെ ഫോട്ടോയില്‍ നേവല്‍ മാത്രം സൂം ചെയ്തു നോക്കുന്നവരാണ്; തുറന്നടിച്ച് മാളവിക, അതിനോട് എന്തിനിത്ര ഭ്രമം?

Authored byഅശ്വിനി പി | Samayam Malayalam | Updated: 23 Apr 2025, 3:24 pm

പട്ടം പോലെ എന്ന ദുല്‍ഖര്‍ സല്‍മാന്‍ ചിത്രത്തിലൂടെയായിരുന്നു ഛായാഗ്രഹകന്‍ മോഹനന്റെ മകള്‍ മാളവിക മോഹനന്റെ തുടക്കം. മോഡലിങിലൂടെ അഭിനയ ലോകത്തേക്ക് വന്ന മാളവിക വളരെ പെട്ടന്ന് തമിഴ് സിനിമാ ലോകത്തും ബോളിവുഡ് സിനിമ ലോകത്തും വിജയം നേടി. ഇപ്പോഴിതാ മോഹന്‍ലാലും സത്യന്‍ അന്തിക്കാടും ഒന്നിക്കുന്ന ഹൃദയപൂര്‍വ്വം എന്ന ചിത്രത്തില്‍ അഭിനയിക്കുന്ന ത്രില്ലിലാണ് മാളവിക.

ചിത്രത്തില്‍ മോഹല്‍ലാലിന്റെ നായികയായിട്ടാണ് മാളവിക വരുന്നത് എന്ന് തെറ്റിദ്ധരിച്ച്, 63 കാരന് 33 കാരി നായികയോ എന്ന് ചോദിച്ച് ഒരുപാട് ട്രോളുകള്‍ ഉണ്ടായിരുന്നു. എന്നാല്‍ നായികയായിട്ടാണ് വരുന്നത് എന്ന് നിങ്ങളോടാര് പറഞ്ഞു എന്നായിരുന്നു മാളവികയുടെ മറുചോദ്യം. അഭിപ്രായങ്ങള്‍ തുറന്ന് പറയുന്നതിന്റെ പേരില്‍ എന്നും വാര്‍ത്തകളില്‍ നിറഞ്ഞു നിന്നിട്ടുള്ള മാളവിക ഇപ്പോള്‍ സൗത്ത് ഇന്ത്യന്‍ സിനിമയെ കുറിച്ചും സിനിമാസ്വാദകരെ കുറിച്ചും പറഞ്ഞതാണ് വൈറലാവുന്നത്.

Also Read: 5 വര്‍ഷത്തോളം അദ്ദേഹത്തോട് ഞാന്‍ മിണ്ടിയില്ല, മരിച്ചു എന്നറിഞ്ഞപ്പോള്‍ കരച്ചില്‍ അടക്കാന്‍ കഴിഞ്ഞില്ല; വിവേകിനോട് ഉണ്ടായിരുന്ന വൈരാഗ്യത്തെ കുറിച്ച് രംഭ

ബോളിവുഡ് സിനിമാ സമീപനമേ അല്ല സൗത്ത് ഇന്ത്യന്‍ സിനിമകളുടേത് എന്ന് മാളവിക പറയുന്നു. അവിടെയുള്ള സംവിധായകര്‍ക്ക് നായികമാര്‍ മെലിഞ്ഞ സുന്ദരികളായിരിക്കണം എന്ന് നിര്‍ബന്ധമില്ല. ഛബ്ബി ഹീറോയിന്‍ ആയിരുന്നാലും, കഥാപാത്രത്തിന് യോജിച്ചകതാണോ എന്നാണ് നോക്കാറുള്ളത്. പക്ഷേ സിനിമാസ്വാദര്‍ അങ്ങനെയല്ല. എന്തിനും വിമര്‍ശിക്കുന്നവരാണ് എന്ന് മാളവിക പറയുന്നു.

Also Read: അഭിനയയുടെ ഭര്‍ത്താവും നടിയെ പോലെ സംസാര ശേഷിയും കേള്‍വിയും ഇല്ലാത്ത ആളോ? ആരാണ് വെഗേസന കാര്‍ത്തിക് എന്ന സണ്ണി വര്‍മ?

ആദ്യ ചിത്രത്തിന്റെ റിലീസിന് ശേഷം, മെലിഞ്ഞു എന്ന കാരണത്താല്‍ ഒരുപാട് ട്രോളുകള്‍ എനിക്ക് നേരിടേണ്ടി വന്നിരുന്നു. ഒന്ന് വണ്ണം വച്ചപ്പോള്‍ അതിനും ബോഡി ഷെയിം. ഒരു ഘട്ടത്തില്‍ ഏതാണ് വേണ്ടത് എന്ന കാര്യത്തില്‍ എനിക്ക് തന്നെ കണ്‍ഫ്യൂഷനായി. പിന്നീട് ഏത് ലുക്ക് ആണെങ്കിലും, എന്റെ സന്തോഷവും തൃപ്തിയും ആരോഗ്യവുമാണ് പ്രധാനമെന്ന് ഞാന്‍ തിരിച്ചറിഞ്ഞു

അതുപോലെ സൗത്ത് ഇന്ത്യന്‍ സിനിമാസ്വാദര്‍ക്ക് നായികമാരുടെ നേവലിനോട് ഭ്രമമാണെന്നും മാളവിക പറയുന്നു. സോഷ്യല്‍ മീഡിയയില്‍ ഒരു നായികയുടെ ഫോട്ടോ കണ്ടാല്‍ അവര്‍ ഓരോ ബോഡി പാര്‍ട്ടും, പ്രത്യേകിച്ച് നേവലും സൂം ചെയ്ത് നോക്കും എന്നാണ് മാളവിക പറഞ്ഞത്.