നാലാമത്തെ കുഞ്ഞിനായുള്ള കാത്തിരിപ്പിലാണ് എന്ന് കാർഡി ബി, ഇത്രയും നാൾ അത് മറച്ചുവച്ചത് എന്തിനായിരുന്നു?

Authored by: അശ്വിനി പി|Samayam Malayalam•18 Sept 2025, 3:47 pm

നാലാമത്തെ കുഞ്ഞിനെ വരവേൽക്കാൻ തയ്യാറായി ഗായിക കാർഡി ബി . നാഷണൽ ഫുട്ബോൾ ലീഗിൻ്റെ ന്യൂ ഇംഗ്ലണ്ട് പാട്രിയറ്റ്സിൻ്റെ പ്രൊഫഷണൽ ഫുട്ബോൾ വൈഡ് റിസീവറായ സ്റ്റൈഫോൺ ഡിഗ്സും കാർഡി ബിയ്ക്കും ആദ്യമായി പിറക്കാൻ പോകുന്ന കുഞ്ഞ് കൂടെയാണ് ഇത്.

സിബിഎസ് മോർണിംഗിൽ സംസാരിക്കുമ്പോഴാണ്, താനും കാമുകനും ഒരു കുഞ്ഞിനെ പ്രതീക്ഷിക്കുന്നുണ്ടെന്ന് താരം അറിയിച്ചത്. എനിക്ക് എന്റെ കാമുകൻ സ്റ്റീഫൻ ഡിഗ്‌സിനൊപ്പം ഒരു കുഞ്ഞ് ജനിക്കാൻ പോകുന്നു. ഇപ്പോൾ നല്ല അവസ്ഥയിലാണ് ഞാൻ, ജോലി ചെയ്യുന്നതിലൊന്നും ബുദ്ധിമുട്ടുകളില്ല. കൂടുതൽ ശക്തയായി തോന്നുന്നു എന്നാണ് കാർഡി ബി പറഞ്ഞത്.

Also Read: 44 വർഷത്തെ ദാമ്പത്യം, പരസ്പരം ഒരു വഴക്കും ഇല്ലാതെ പോകുന്നതിന്റെ രഹസ്യം വെളിപ്പെടുത്തി സുജാത മോഹനും ഭർത്താവും

ഞാനും എന്റെ പങ്കാളിയും പരസ്പരം വളരെ നല്ല രീതിയിൽ പിന്തുണയ്ക്കുന്നവരാണെന്നും ഗായിക പറഞ്ഞു. കരിയറിൽ ഞങ്ങൾ രണ്ട് പേരും ഇപ്പോൾ ഒരു ഫേസിലാണ് നിൽക്കുന്നത്. ഞങ്ങൾ രണ്ട് പേരും ഇപ്പോൾ എന്താണോ ചെയ്യുന്നത് അത് വളരെ മികച്ചതാണെന്നാണ് എനിക്ക് തോന്നുന്നത്. ഞങ്ങൾക്ക് രണ്ടു പേർക്കും ഒരേ ചിന്താഗതിയാണ്.

Also Read: ബേബി വന്നാൽ ഓസിയുമായുള്ള ടൈം കുറഞ്ഞുപോകുമോ എന്നായിരുന്നു പേടി! ഓസി വേഗം അഡ്ജസ്റ്റ് ആയി

2026 ഫെബ്രുവരിയിൽ കാർഡി ബിയുടെ വേൾഡ് ടൂർ വരാൻ പോകുകയാണ്. അതിന് മുൻപ് കുഞ്ഞ് എത്തും എന്നാണ് പ്രതീക്ഷിക്കുന്നത് എന്ന് ഗായിക പറഞ്ഞു. എന്തുകൊണ്ടാണ് ഗർഭിണിയാണ് എന്ന കാര്യം ഇതുവരെ മറച്ചുവച്ചത് എന്ന് ചോദ്യച്ചപ്പോൾ, എന്റേതായ ഒരു സമയം എത്തിയിട്ട് പറഞ്ഞാൽ മതി എന്ന തീരുമാനത്തിലായിരുന്നു എന്നാണ് കാർഡി പറഞ്ഞത്. എന്റെ ആരോഗ്യം ഓകെ ആവുന്നത് വരെ കാത്തിരിക്കേണ്ടതുണ്ടായിരുന്നു.

2024 മുതലാണ് കാർഡി ബിയും സ്റ്റൈഫോൺ ഡിഗ്ഗും തമ്മിൽ പ്രണയത്തിലാണ് എന്ന ഗോസിപ്പുകൾ വരാൻ തുടങ്ങിയത്. 2025 ആയപ്പോഴേക്കും ലിവിങ് റേഷൻ ആരംഭിച്ചിരുന്നു. അമേരിക്കൻ റാപ്പർ ഓഫ്സെറ്റ് ആണ് കാർഡി ബിയുടെ മുൻ ഭർത്താവ്. ആ ബന്ധത്തിലാണ് ഗായികയ്ക്ക് നേരത്തെ മൂന്ന് കുഞ്ഞുങ്ങൾ പിറന്നത്. 2017 ൽ ഇരുവരും വിവാഹിതരാകുകയും 2023 ൽ വേർപിരിയുകയുമായിരുന്നു.