നാളെ എന്ത് സംഭവിക്കും എന്നെനിക്കറിയില്ല, പക്ഷേ എല്ലാവരോടും നന്ദിയുണ്ട്; എസ്തര്‍ അനില്‍ പറയുന്നു

ദൃശ്യം എന്ന് കേള്‍ക്കുമ്പോള്‍ ജീതത്ു ജോസഫ് - മോഹന്‍ലാല്‍ കോമ്പോ ആണ് ആദ്യം പ്രേക്ഷക മനസ്സിലേക്ക് എത്തുന്നത്. എന്നാല്‍ ആദ്യത്തെ ദൃശ്യം തിയേറ്ററിലെത്തിയതു മുതല്‍ വേറെ പലരുടെയും കരിയറില്‍ വലിയ കുറേ മാറ്റങ്ങളുണ്ടായിട്ടുണ്ട്. കലാഭവന്‍ ഷാജോണ്‍, റോഷന്‍ ബഷീര്‍, അന്‍സിബ ഹാസന്‍, എസ്തര്‍ അനില്‍ തുടങ്ങിയവരെപ്പോലുള്ള കരിയറില്‍ ദൃശ്യം എന്ന് ചേര്‍ക്കപ്പെടുന്നത് ഒരു വലിയ ടേണിങ് പോയിന്റോടുകൂടെയാണ്.

കഴിഞ്ഞ 13 വര്‍ഷത്തോളമായി ദൃശ്യത്തിന്റെ ഭാഗമായി നില്‍ക്കുന്ന ആളുകളാണ് മോഹന്‍ലാലിനും ജീത്തു ജോസഫിനും മീനയ്ക്കുമൊപ്പം എസ്തര്‍ അനിലും അന്‍സിബ ഹസാനും. ഇന്ന് ദൃശ്യം 3 തിയേറ്ററിലേക്ക് എത്തുന്നതിന് മണിക്കൂറുകള്‍ മുന്‍പ് എസ്തര്‍ അനില്‍ ഒരു സോഷ്യല്‍ മീഡിയ പോസ്റ്റ് പങ്കുവച്ചിരുന്നു. ഇങ്ങനെ ഒരു ചരിത്ര സിനിമയുടെ ഭാഗമാവാന്‍ കഴിഞ്ഞതിലെ അഭിമാനവും, തന്നെ തിരഞ്ഞെടുത്തതിനുള്ള നന്ദിയും എസ്തറിന്റെ വാക്കുകളിലുണ്ട്.

Also Read: കേരളത്തില്‍ ജനിച്ചതുകൊണ്ടാണ് മോഹന്‍ലാലിന് ഓസ്‌കാര്‍ കിട്ടാത്തത് എന്ന്, അതിന് ലാലേട്ടന്‍ നല്‍കിയ മറുപടി

എസ്തര്‍ അനിലിന്റെ പോസ്റ്റ്

2010 ല്‍ ബാലതാരമായിട്ടാണ് ഞാന്‍ അഭിനയ ലോകത്തേക്ക് വന്നത്. ചെറിയ വേഷങ്ങളിലൂടെ ഞാന്‍ സിനിമ എന്താണ് എന്ന് പഠിച്ചു. പിന്നീട് 2013 ല്‍ എന്റെ ജീവിതം എന്നന്നേക്കുമായി മാറി, ദൃശ്യം എന്ന സിനിമ സംഭവിച്ചു!

ദൃശ്യം എല്ലാം മാറ്റി മറിച്ചു, എന്നെ ഇന്ത്യയിലൂടനീളമുള്ള പ്രേക്ഷകരിലേക്ക് എത്തിച്ചു, ഞാന്‍ സ്വപ്‌നം പോലും കാണാത്ത പല വാതിലുകളും എനിക്കായി തുറന്നു. ഒരുപക്ഷേ എന്റെ സിനിമ യാത്ര എന്നതിലുപരി, എന്റെ ജീവിതത്തെ തന്നെയാണ് ദൃശ്യം എന്ന സിനിമ സ്വാധീനിച്ചത്.

അങ്ങനെ ഏതാനും വര്‍ഷങ്ങള്‍ക്ക് ശേഷം ദൃശ്യം 3 പുറത്തിറങ്ങാന്‍ പോകുന്നു. ഇപ്പോള്‍ എന്നെ മനസ്സില്‍ നൂറുകൂട്ടം വികാരങ്ങളാണ്. എന്നിരുന്നാലും ഈ നിമിഷം എനിക്ക് തോന്നുന്നത് നന്ദിയാണ്. ദൃശ്യം എന്ന സിനിമയെ നിങ്ങള്‍ ഹൃദയത്തോടു ചേര്‍ത്തുവച്ചു, അതില്‍എനിക്കും ഒരിടം തന്നു. ഒരുപക്ഷേ ഇനിയെന്നും ദൃശ്യത്തിലെ കുട്ടി എന്ന വിശേഷണം തന്നെ.

നാളെ എന്ത് സംഭവിക്കും എന്നെനിക്കറിയില്ല. എന്നാലും ഇത്രയും വര്‍ഷം നിങ്ങള്‍ എനിക്ക് നല്‍കിയ എല്ലാത്തിനും നന്ദി പറയാന്‍ ഈ നിമിഷം ഞാന്‍ ആഗ്രഹിക്കുന്നു. ഇനിയും മനോഹരമായ ഒരുപാട് കാര്യങ്ങള്‍ എന്നെ കാത്തിരിക്കുന്നുണ്ടാവും എന്ന പ്രതീക്ഷയോടെ എസ്തര്‍