നിങ്ങൾക്ക് വേണ്ടി മരിക്കും എന്ന് പറയുന്നവർക്ക്, അവർക്ക് വേണ്ടി ജീവിച്ചുകൂടെ; ജീവിതത്തിൽ എടുത്ത ഏറ്റവും മികച്ച തീരുമാനം എന്ന് ഉത്തര ഉണ്ണി

Authored by: അശ്വിനി പി|Samayam Malayalam•19 Sept 2025, 3:34 pm

ഊർമിള ഉണ്ണിയുടെ മകളും നടിയും നർത്തകിയുമായ ഉത്തര ഉണ്ണി യുടെ വിവാഹം സോഷ്യൽ മീഡിയ ഏറ്റെടുത്ത ഒന്നാണ്. അത്രയേറെ മനോഹരമായിരുന്നു ഉത്തരയുടെ വിവാഹ ചിത്രങ്ങൾ എല്ലാം. അതിലൂടെ ഉത്തരയുടെ ഭർത്താവ് നിതേഷിനെയും ആളുകൾക്ക് അറിയാം. ഭർത്താവിന് ജന്മദിനാശംസകൾ അറിയിച്ചുകൊണ്ട് ഉത്തര ഉണ്ണി പങ്കുവച്ച മനോഹരമായ സോഷ്യൽ മീഡിയ പോസ്റ്റ് ഇപ്പോൾ ശ്രദ്ധ നേടുന്നു

ജീവിതത്തിൽ എടുത്ത ഏറ്റവും മികച്ച തീരുമാനങ്ങളിൽ ഒന്നാണ് നിതേഷ് എസ് നായരെ വിവാഹം ചെയ്തത് എന്ന് ഉത്തര ഉണ്ണി പറയുന്നു. ഒരാൾക്ക് വേണ്ടി മരിക്കാൻ തയ്യാറാണ് എന്ന് പറയുന്നവരുണ്ട്. എന്തുകൊണ്ട് അവർക്ക് വേണ്ടി ജീവിച്ചു കൂട എന്നാണ് ഉത്തര ചോദിയ്ക്കുന്നത്.

Also Read: ഞാൻ തിരിച്ചു വരും എന്ന് പറഞ്ഞിട്ടാണ് റോബോ ശങ്കർ പോയത്, അതിങ്ങനെ ആകും എന്നൊട്ടും പ്രതീക്ഷിച്ചില്ല; ഏറ്റവും വേദനിപ്പിച്ച വീഡിയോ

വിവാഹം കഴിഞ്ഞ് അഞ്ച് വർഷങ്ങൾക്ക് ശേഷം കുടുംബത്തിലെ ഒരു സാധാരണ പരിപാടിയിൽ, ഭക്ഷണം ഒക്കെ കഴിച്ച്, ബന്ധുക്കളോട് സാധാരണയായി സംസാരിച്ചുകൊണ്ടിരിയ്ക്കുന്ന ഭർത്താവ്, എന്നത്തെയും പോലെ കുർത്തയൊക്കെ ധരിച്ച് നിൽക്കുന്നു. കുഞ്ഞിന് ഭഖ്ഷണം കൊടുക്കുകയും അമ്മായിമാരോട് സംസാരിക്കുകയുമൊക്കെ ചെയ്യുന്നതിന്റെ തിരക്കിൽ, ദൂരെ നിൽക്കുന്ന അദ്ദേഹത്തെ നോക്കി നിന്നു പോകുന്നു.

Also Read: ഇരുപത്തിയഞ്ചുലക്ഷം വരെ വാങ്ങിയ നാളുകൾ! ബാങ്ക് ബാലൻസ്, ബിസിനസ്, വീടുകൾ, ലക്ഷ്വറി വണ്ടികൾ; കാവ്യയും സിനിമ യാത്രയും

എന്തോ ഒരു ശ്രദ്ധ ആകർഷിക്കുന്നു, ലവ് അറ്റ് ഫസ്റ്റ് സൈറ്റ് പോലെ ഭർത്താവിനെ തന്നെ നോക്കി നിൽക്കുമ്പോൾ, അതെ എന്റെ ജീവിതത്തിൽ ഞാൻ എടുത്ത ഏറ്റവും മികച്ച തീരുമാനമായിരുന്നു അവനെ കല്യാണം കഴിച്ചത് എന്ന് മനസ്സ് മന്ത്രിക്കുന്നു. ഞാൻ നിനക്ക് വേണ്ടി മരിക്കും എന്ന് പലരും പറഞ്ഞത് നമ്മൾ കേട്ടിട്ടുണ്ട്. എന്നാൽ നിങ്ങളിൽ എത്രപേർക്ക് ഒരാൾക്ക് വേണ്ടി ജീവിക്കാൻ കഴിയും.


നിങ്ങളുടെ പ്രിയപ്പെട്ടവർക്ക് കൂടുതൽ സമാധാനവും സന്തോഷവും നൽകുന്നതിന് മികച്ച ജീവിതശൈലി തിരഞ്ഞെടുപ്പുകൾ നടത്തുകയും ചെയ്യുന്നത് നല്ല മാനസികാരോഗ്യവും നൽകും. കാലം കടന്നുപോകുമ്പോൾ ഒരു മികച്ച അച്ഛനും മികച്ച ഭർത്താവും ആകാൻ നിങ്ങളുടെ പ്രയോരിറ്റിയിൽ അവരെ ഫസ്റ്റ് ആയി നിലനിർത്തുക. കാരണം, ഹാപ്പിയായ വൈഫ് ഹാപ്പിയായ ലൈഫിന് സമാനമാണ് എന്നാണല്ലോ- എന്ന് പറഞ്ഞാണ് ഉത്തര ഉണ്ണി ഭർത്താവിന് ബർത്ത്ഡേ പോസ്റ്റിട്ടിരിയ്ക്കുന്നത്.