നിർണായക മത്സരത്തിൽ അക്‌സർ പട്ടേൽ ഇല്ല; കെഎൽ രാഹുൽ പ്ലേയിങ് ഇലവനിലും ഇല്ല; മുംബൈയെ നേരിടാൻ സാധിക്കുമോ ഡൽഹിക്ക്?

Authored by: അനുഷ ഗംഗാധരൻ|Samayam Malayalam•21 May 2025, 7:53 pm

ഐപിഎൽ 2025 സീസണിൽ നിർണായക മത്സരമാണ് ഇന്ന് മുംബൈ ഇന്ത്യൻസും ഡൽഹി ക്യാപിറ്റൽസും തമ്മിൽ നടക്കുന്നത്. ഈ മത്സരത്തിൽ ജയിച്ചാൽ മുംബൈ ഇന്ത്യൻസ് പ്ലേ ഓഫ് ഉറപ്പിക്കും. എന്നാൽ ഡൽഹി ക്യാപിറ്റൽസാണ് ജയിക്കുന്നത് എങ്കിൽ ഡൽഹിയുടെ പ്ലേ ഓഫ് സാധ്യത നിലനിൽക്കും. അതുകൊണ്ടുതന്നെ ഇരു ടീമുകൾക്കും ഏറെ നിർണായകമായ മത്സരമാണ് ഇപ്പോൾ വാങ്കഡെ സ്റ്റേഡിയത്തിൽ നടക്കുന്നത്.
'കോഹ്‌ലിയും രോഹിതും ഇല്ലാത്ത ഇന്ത്യൻ ടീം വെള്ളം കുടിക്കും, നിസാരക്കാരല്ല ഇംഗ്ലണ്ട്'; ബിസിസിഐക്ക് നിർണായക മുന്നറിയിപ്പുമായി മുൻ പരിശീലകൻ
ടോസ് ലഭിച്ച ഡൽഹി ക്യാപിറ്റൽസ് ആദ്യം ബാറ്റ് ചെയ്യാൻ മുംബൈ ഇന്ത്യൻസിനെ അയച്ചിരിക്കുകയാണ്. എന്നാൽ നിർണായക മത്സരത്തിൽ ഡൽഹി ക്യാപിറ്റൽസ് നായകൻ അക്‌സർ പട്ടേൽ ഇല്ല എന്നത് ഡൽഹി ആരാധകരെ ഏറെ നിരാശപെടുത്തിയിരിക്കുന്നത്. അക്‌സർ പട്ടേലിന്റെ അഭാവത്തിൽ ഫാഫ് ഡുപ്ലെസിസ് ആണ് ഡൽഹി ക്യാപിറ്റൽസിന്റെ നായക സ്ഥാനം അലങ്കരിക്കുന്നത്.

അക്‌സർ പട്ടേലിന് എന്തുകൊണ്ടാണ് നിർണായക മത്സരം നഷ്ടമായത് എന്നതിനെ കുറിച്ചും ഫാഫ് ഡുപ്ലെസിസ് പറഞ്ഞു. കഴിഞ്ഞ രണ്ട് ദിവസമായി അക്സറിന് അസുഖമാണ് എന്നും അതുകൊണ്ടാണ് ടീമിൽ നിന്ന് പുറത്തായതെന്നും ഫാഫ് വെളിപ്പെടുത്തി. ടോസ് നേടിയതിനു ശേഷം നടത്തിയ പ്രതികരണത്തിൽ ആണ് ഫാഫ് ഈ കാര്യം പറയുന്നത്. അക്‌സർ പട്ടേലിന് പകരം ഓൾറൗണ്ടർ മാധവ് തിവാരി പ്ലേയിംഗ് ഇലവനിൽ ഇടം നേടി എന്നും ഫാഫ് പറഞ്ഞു. അതേസമയം നിർണായക മത്സരത്തിൽ ഡൽഹിയുടെ പ്ലേയിങ്ങ് ഇലവനിൽ കെഎൽ രാഹുൽ ഉൾപ്പെട്ടിട്ടില്ല. മുൻ കളികളിൽ ഇറങ്ങിയത് പോലെ ഇമ്പാക്ട് താരമായി ആയിരിക്കും കെ എൽ രാഹുൽ ഈ മത്സരത്തിലും ഇറങ്ങുന്നത്.

മുംബൈ ഇന്ത്യൻസ് പ്ലേയിങ് 11: രോഹിത് ശർമ്മ, റയാൻ റിക്കൽടൺ (ഡബ്ല്യുകെ), വിൽ ജാക്ക്‌സ്, സൂര്യകുമാർ യാദവ്, തിലക് വർമ്മ, ഹാർദിക് പാണ്ഡ്യ, നമാൻ ധിർ, മിച്ചൽ സാൻ്റ്‌നർ, ട്രെൻ്റ് ബോൾട്ട്, ദീപക് ചാഹർ, ജസ്പ്രീത് ബുംറ

മുംബൈ ഇന്ത്യൻസ് ഇംപാക്ട് സബ് നോമിനേഷൻ: കർൺ ശർമ്മ, കോർബിൻ ബോഷ്, രാജ് ബാവ, അശ്വനി കുമാർ, സത്യനാരായണ രാജു

ഡൽഹി ക്യാപിറ്റൽസ് പ്ലേയിങ് 11: ഫാഫ് ഡു പ്ലെസിസ്, അഭിഷേക് പോറെൽ (ഡബ്ല്യുകെ), സമീർ റിസ്വി, മാധവ് തിവാരി, ട്രിസ്റ്റൻ സ്റ്റബ്സ്, അശുതോഷ് ശർമ, വിപ്രജ് നിഗം, കുൽദീപ് യാദവ്, മുസ്തഫിസുർ റഹ്മാൻ, ടി നടരാജൻ, ദുഷ്മന്ത ചമീര

ഡൽഹി ക്യാപിറ്റൽസ് സബ് നോമിനേഷൻ: കെ എൽ രാഹുൽ, സെദിഖുള്ള അടൽ, കരുണ് നായർ, ത്രിപുരാണ വിജയ്, മൻവന്ത് കുമാർ എൽ