നീ ജീവിതത്തിലേക്ക് വന്നപ്പോള്‍ എല്ലാം മാറി, മനോഹരമായി, ഓരോ നിമിഷവും ആഘോഷമായി; ഗോപൂസിന് പിറന്നാളാശംസകളുമായി ജിപി

ഗോപികയും ജീപിയും ഒരുമിച്ച് ജീവിക്കാന്‍ തിടങ്ങിയതിന് എന്നും ആഘോഷങ്ങളുംയാത്രകളും തന്നെയാണ്. ഭാര്യാ - ഭര്‍ത്താവ് എന്നതിനപ്പുറം ഇരുവരും നല്ല സുഹൃത്തുക്കളാണ് എന്നതാണ് ഓരോ സോഷ്യല്‍ മീഡിയ പോസ്റ്റും കാണിച്ചുതരുന്നത്. ഇപ്പോഴിതാ ഗോപികയുടെ പിറന്നാള്‍ ദിനത്തില്‍, ഗോപിക തന്റെ ജീവിതത്തിലേക്ക് വന്നതിന് ശേഷം എന്തൊക്കെ മാറ്റങ്ങളുണ്ടായി എന്ന് ജിപി പറയുന്നു

ഗോവിന്ദ് പദ്മസൂര്യയുടെ പോസ്റ്റ്:

നീ എന്റെ ജീവിതത്തിലേക്ക് വന്നതും എന്റെ കാഴ്ചപ്പാടുകള്‍ എല്ലാം വളരെ പെട്ടന്ന് മാറ്റി. ജീവിതത്തിന് മറ്റൊരു മനോഹരമായ മൊത്തത്തില്‍ പുതിയൊരു കാഴ്ചപ്പാട് തന്നെ നീ നല്‍കി. നിനക്കൊപ്പമുള്ള യാത്രകളും നിനക്കൊപ്പം ഒരുമിച്ചിരിക്കുന്നതും ആഘോഷങ്ങളും മൗനം പോലും എനിക്ക് പുതുമയുള്ളതായി.Also Read: മഞ്ഞപ്പിത്തം ബാധിച്ചാണ് ആദ്യ ഭാര്യ മരിച്ചത്, ഉടനെ പൂര്‍ണിമയെ വിവാഹം കഴിക്കാനുണ്ടായ കാരണം; ഭാഗ്യരാജ് പറയുന്നു

നിന്നോടൊപ്പമുള്ള ഓരോ നിമിഷവും കൂടുതല്‍ ഊഷ്മളതയും കൂടുതല്‍ അര്‍ത്ഥവും കൂടുതല്‍ ജീവിതവും നല്‍കുന്നു! എന്റെ മനോഹരമായ നിമിഷങ്ങളെ പോലും നീ കൂടുതല്‍ ആഴമുള്ളതാക്കുന്നു, ഏറ്റവും സാധാരണമായ ദിവസങ്ങള്‍ പോലും അര്‍ത്ഥവത്തായി തോന്നുന്നു.

നീ വരുന്നതിന് മുന്‍പേ ഞാന്‍ സന്തോഷവാനായിരുന്നു, പക്ഷേ നീ വന്ന് സന്തോഷത്തിന് ഒരിക്കലും അറിയാത്ത തലങ്ങളുണ്ടെന്ന് എനിക്ക് കാണിച്ചുതന്നു! നീ ജീവിതത്തെ മൃദുലമാക്കി... പൂര്‍ണ്ണമാക്കി... സമ്പന്നമാക്കി. എന്നെ മികച്ചവനാക്കിയതിന് നന്ദി. എന്നെ മികച്ചവനാകാന്‍ പ്രേരിപ്പിച്ചതിന് നന്ദി. വാക്കുകള്‍ക്ക് ഒരിക്കലും കഴിയാത്ത വിധത്തില്‍ സ്‌നേഹം എന്നെ പഠിപ്പിച്ചതിന് നന്ദി.

Also Read: എന്റെ പിരീഡ്‌സ് ഡേറ്റ് പോലും അച്ഛന് കൃത്യമായി അറിയാം, അമ്മയുടെ വീഴ്ചയും, അച്ഛന്റെ കരുത്തും; ദിവ്യ സത്യരാജ് പറയുന്നു

നിന്നോടൊപ്പമുള്ള എല്ലാ ദിവസവും ഒരു ആഘോഷം പോലെയാണ് തോന്നുന്നത്. അതുകൊണ്ടുതന്നെ ഇന്ന് മറ്റൊരു മനോഹരമായ ദിവസമാണ്. നിനക്ക് സങ്കല്‍പ്പിക്കാന്‍ കഴിയുന്നതിലും വളരെ ആഴത്തില്‍, വളരെ സത്യസന്ധമായി ഞാന്‍ നിന്നെ സ്‌നേഹിക്കുന്നുവെന്ന് ഓര്‍മ്മിപ്പിക്കാനുള്ള മറ്റൊരു അവസരം. ജന്മദിനാശംസകള്‍, ഗോപൂസേ- എന്നാണ് ഗോവിന്ദ് പദ്മസൂര്യയുടെ പോസ്റ്റ്

പോസ്റ്റിന് താഴെ കമൻറുമായി ഗോപികയുമെത്തി. താങ്ക്യു ചേട്ടാ എന്ന് പറഞ്ഞുകൊണ്ടാണ് ഗോപികയുടെ കമൻറ്. ഇൻറസ്ട്രിയിലെ സഹപ്രവർത്തകരും ആരാധകരുമടക്കം പലരും ഗോപികയ്ക്ക് ആശംസകളുമായി കമൻറിൽ എത്തിയിട്ടുണ്ട്.