നീ വാരിത്തന്നില്ലെങ്കില്‍ കഴിക്കില്ലെന്ന് എന്നോട് പറയും! ആര്‍ത്തിപ്പണ്ടാരം, ഒന്നും തരില്ലെന്ന് മറ്റുള്ളവരോടും! എല്ലാം വൈകിയാണ് അറിഞ്ഞത്

Edited byഅനുപമ നായർ | Samayam Malayalam | Updated: 27 Apr 2025, 1:15 pm

പ്രണയ വിവാഹത്തോടെയായിരുന്നു എലിസബത്ത് വാര്‍ത്തകളില്‍ ഇടം നേടിയത്. സന്തോഷകരമായിരുന്നു എല്ലാം എന്ന് ഭാവിച്ചായിരുന്നു കുറേക്കാലം കഴിഞ്ഞിരുന്നത്. സഹിക്കാനാവുന്നതിനും അപ്പുറത്തുള്ള കാര്യങ്ങളായിരുന്നു സംഭവിച്ചത്. അത്രയേറെ ഇഷ്ടമായിരുന്നു അദ്ദേഹത്തെ. അതുകൊണ്ടാണ് പലതും സഹിച്ചത്. എന്നാല്‍ എന്നെ ഒഴിവാക്കാനായിരുന്നു ആളുടെ തീരുമാനം. അങ്ങനെയാണ് ഇറങ്ങി പോന്നതെന്ന് എലിസബത്ത് വ്യക്തമാക്കിയിരുന്നു.

സംഭവിച്ച കാര്യങ്ങളെക്കുറിച്ച് തുറന്ന് പറഞ്ഞ് തുടങ്ങിയതോടെയായിരുന്നു എലിസബത്തിന് ജനപിന്തുണ കൂടിയത്. സോഷ്യല്‍മീഡിയയിലൂടെയായിരുന്നു അവര്‍ ജീവിത വിശേഷങ്ങള്‍ പങ്കുവെച്ചിരുന്നത്. കുറച്ചുകാലം വ്‌ളോഗോ, പോസ്‌റ്റോ വന്നില്ലെങ്കില്‍ അന്വേഷിക്കണമെന്ന് അവര്‍ പറഞ്ഞിരുന്നു. പ്രാക്ടീസും പിജി പഠനവുമൊക്കെയായി തിരക്കിലാണ്. അതിനിടയിലാണ് വ്‌ളോഗുകള്‍ ചെയ്യുന്നത്. കുഴപ്പമില്ല എന്ന് അറിയിക്കാന്‍ വേണ്ടിയാണ് റീലുകള്‍ ചെയ്തിരുന്നത്.

Also Read: മക്കളില്ലേ എന്ന ചോദ്യത്തിന് മുന്നില്‍ പതറിയ നിമിഷങ്ങള്‍! വേദനകളെല്ലാം മാറിയത് ഇസയുടെ വരവോടെ! ചാക്കോച്ചന്റെ വേറെ ലെവല്‍ സെലിബ്രേഷനില്‍ മഞ്ജുവും പിഷുവും

ഡ്യൂട്ടിക്ക് പോവുന്ന സമയത്ത് കാലൊന്ന് ട്വിസ്റ്റായിരുന്നു. റോഡിലായിരുന്നു വീണത്. നേരത്തെ ലിഗമെന്റിന് പ്രശ്‌നമുണ്ടായിരുന്നു. എനിക്ക് വട്ടാണെന്ന് തെളിയിക്കാനായി ചിലരൊക്കെ എന്റെ നടത്തത്തെക്കുറിച്ചും പറഞ്ഞിരുന്നു. അവളുടെ നടത്തം കണ്ടാലറിയില്ലേ വട്ടാണെന്ന് എന്നായിരുന്നു പറഞ്ഞത്. എനിക്ക് ലിഗമെന്റിന് പ്രശ്‌നമുണ്ടായിരുന്നു. അന്ന് സര്‍ജറിയൊക്കെ പറഞ്ഞിരുന്നു. അത് ചെയ്തിരുന്നില്ല. കറക്റ്റ് സെറ്റാക്കാത്തത് കൊണ്ടാണ് നടപ്പില് പ്രശ്‌നം വന്നത്. അത് മാനസിക പ്രശ്‌നങ്ങള്‍ക്ക് കാരണമാവുമെന്ന് വരുത്തി തീര്‍ക്കുകയായിരുന്നു. അത് വിശ്വസിക്കാനും കുറേപേരുണ്ടായിരുന്നു. ഇതൊക്കെ അടുത്തിടെയാണ് ഞാന്‍ അറിഞ്ഞത്.

അവളുടെ ഭക്ഷണം കഴിപ്പ് കണ്ടില്ലേ, എത്ര ഭക്ഷണമാണ് കഴിക്കുന്നത്. ഞാന്‍ കഴിച്ചതിന്റെ കണക്ക് വരെ പറഞ്ഞിരുന്നു. കല്യാണത്തിന് മുന്‍പ് എന്നെ കണ്ടാല്‍ പട്ടിണിക്കോലം പോലെയായിരുന്നു. കല്യാണം കഴിഞ്ഞപ്പോഴാണ് മനുഷ്യക്കോലമായത് എന്ന കമന്റ് കണ്ടിരുന്നു. കഴിച്ച ഫുഡിന്റെ കണക്ക് വരെ കേള്‍ക്കേണ്ടി വരുന്നത് എത്ര ബുദ്ധിമുട്ടുള്ള കാര്യമാണ്.
സ്ട്രസ് കൂടുമ്പോള്‍ തടി കൂടും. ഭക്ഷണവും കൂടുതല്‍ കഴിക്കാന്‍ തോന്നും. ഉറക്കം ശരിയായില്ലെങ്കിലും തടി കൂടും. മൂന്നാല് വര്‍ഷം മുന്‍പ് 70, 71 കിലോ ആയിരുന്നു ഞാന്‍. കറക്റ്റ് ബിഎം ഐ ആയിരുന്നു അന്ന്. എന്റെ വീട്ടില്‍ ഭക്ഷണത്തിനൊന്നും കുറവില്ലായിരുന്നു. കാര്യങ്ങളെല്ലാം കൃത്യമായി തന്നെ നടത്തിയിരുന്നു. നീ വാരിത്തന്നില്ലെങ്കില്‍ ഞാന്‍ കഴിക്കില്ലെന്ന് എന്നോട് പറയും. ഞാന്‍ ചെന്നില്ലെങ്കില്‍ ഫുള്‍ അവള്‍ കഴിച്ച് തീര്‍ക്കും, എനിക്ക് ഭക്ഷണം കിട്ടില്ലെന്ന് അതിന്റെ ബാക്കില്‍ പറയും. അത്രയും ആര്‍ത്തിയാണ് എന്ന സംസാരമൊക്കെയുണ്ടായിരുന്നു.